ដោយដួង ចន្រ្ទា
ភ្នំពេញ៖ មន្រ្តីរដ្ឋាភិបាលប្រទេសទាំងពីរកម្ពុជា ចិនបានផ្តោតការពិភាក្សាដើម្បីតភ្ជាប់ ការដឹកជញ្ជូនតាមផ្លូវទឹក រវាងកំពង់ផែធានជីន នៃប្រទេសចិន និងកំពង់ផែខេត្តព្រះសីហនុ ស្ថិតក្នុងខេត្តព្រះសីហនុរបស់កម្ពុជា។
យោងតាមព័តមានទទួលបានពីក្រសួងពាណិជ្ជកម្ម នៅរសៀលថ្ងៃទី៣១ ខែមករានេះ បានឲ្យដឹងថា ជំនួបការងាររវាងរដ្ឋមន្ត្រីក្រសួងពាណិជ្ជកម្មកម្ពុជាលោកប៉ាន សូស័ក្តិ និងលោ ក Zhang Guoqing អភិបាលក្រុងធានជីន និងជាអនុប្រធានអគ្គលេខាធិការបក្សក្រុងធានជីន។ ភាគីចិនបានថ្លែងអំណរគុណដល់កម្ពុជា ដែលតែងតែផ្ដល់នូវការគាំទ្រដល់នយោបាយ ចិនទាំងក្នុងតំបន់ និងលើពិភពលោក ក្រោយមានទំនាក់ទំនងល្អរវាងគ្នានិងគ្នា ដែលផ្ដើមពី សម្ដេចព្រះបរមរតនកោដ្ឋ និងលោកនាយករដ្ឋមន្ត្រីជូ អេនឡាយ និងត្រូវបានបន្តពូនជ្រុំ ដោយសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងថ្នាក់ដឹកនាំចិនជាបន្តបន្ទាប់។
លោកប៉ាន សូស័ក្តិបានថ្លែងថា “ដោយសារតែរក្សាបាននូវសន្តិសុខ និងស្ថេរភាពនយោបាយល្អ កម្ពុជាមានការរីកចម្រើនលើគ្រប់វិស័យ”។ លោកបន្តថា “កម្ពុជាមានផលិតផល កសិកម្មជាច្រើន ដូចជា ដំឡូងមី ពោត ចេក អង្ករ ស្វាយចន្ទី មៀន និងស្នើឲ្យភាគីចិនទទួល ទិញផលិតផលទាំងនោះ”។
ក្រុងធានជីន ជាទីក្រុងកំពង់ផែដ៏ធំនៅភាគខាងជើងនៃប្រទេសចិន និងជាច្រកបញ្ចេញ ទំនិញពីរដ្ឋធានីប៉េកាំងផងដែរ។ បច្ចុប្បន្នមានក្រុមហ៊ុនកម្ពុជាចំនួន៤ កំពុងវិនិយោគនៅធាន ជីន និងមានក្រុមហ៊ុនចិនពីក្រុងធានជីនចំនួន១៦ កំពុងវិនិយោគនៅកម្ពុជា ដែលមានទុនវិនិ យោគជាង៨០០លានដុល្លាអាមេរិក៕