ដោយគង់ សូរិយា
ភ្នំពេញៈ សម្តេចតេជោហ៊ុន សែននាយករដ្ឋមន្រ្តីកម្ពុជាបានថ្លែងថា កម្រិតទឹកទន្លេមេគង្គបើបន្តធ្លាក់កាន់តែទាប ទឹកសមុទ្រអាចចូលដល់ទន្លេអ្នកលឿង ហើយសម្តេចតេជោបានស្នើឱ្យមានការគិតគូរទៅលើបញ្ហានេះ។
ការលើកឡើងរបស់សម្តេចនេះ បានធ្វើឡើងនាព្រឹកថ្ងៃទី១១ ធ្នូក្នុងពេលសម្តេចអញ្ជើញជាអធិបតី ក្នុងពិធីប្រគល់សញ្ញាបត្រដល់និស្សិត សាកលវិទ្យាល័យ CUS នាសាលសន្និសីទ និងពិព៌ណកោះពេជ្រ។
ការលើកឡើងរបស់សម្តេច ស្របគ្នានឹងការព្រួយបារម្ភរបស់អ្នកជំនាញផ្នែកបរិស្ថាន ដែលព្រួយបារម្ភពីការធ្លាក់ចុះកាន់តែទាបនូវកម្រិតទឹកទន្លេមេគង្គ ដោយសារការប្រែប្រួលអាកាសអធាតុ និងការសាងសង់ទំនប់់វារីអគ្គិសនីសាយ៉ាបុរីនៅប្រទេសឡាវ។
បច្ចុប្បន្ននីវូទឹកសមុទ្របានកើនឡើងជារៀងរាល់ឆ្នាំ ហើយកម្រិតទឹកទន្លេថយចុះ ហេតុនេះកំពស់នីវូទឹកសមុទ្រចេះតែកើនឡើង នឹងច្រាលមកកាន់ទន្លេបាសាក់ ដោយសារទន្លេនេះ តភ្ជាប់ជាមួយនឹងសមុទ្រនៅប្រទេសវៀតណាម ខណៈបច្ចុប្បន្នទន្លេនេះមានឥទ្ឋិពលជោ នាចដូចនឹងទឹកសមុទ្រផងដែរ ហើយឥទ្ឋិពលនៃការជោ នាចនេះបានសាយភាយមកដល់ស្រុកមុខកំពូល ខេត្តកណ្តាល៕
