ដោយវុត្ថា
ភ្នំពេញ៖ លោក Tay Za គឺជាមហាសេដ្ឋីជនជាតិភូមានិងជាប្រធានក្រុមហ៊ុន Htoo Group of Companies ដែលបានកើតនៅថ្ងៃទី១៨ ខែកក្កដាឆ្នាំ ១៩៦៤ ដែលបានកើតនៅក្នុងទីក្រុង Rangoon ប្រទេសភូមា។
លោកគឺជាសហការីជិតស្និទ្ធម្នាក់របស់អតីតប្រមុខរដ្ឋរបស់ប្រទេសគឺលោក Than Shwe ។ លោក គឺជាសហគ្រិនដំបូងបង្អស់របស់ប្រទេសមីយ៉ាន់ម៉ាដែលបានបង្ហាញខ្លួននៅលើទំព័ររបស់ Forbes Asia ។
មហាសេដ្ឋីរូបនេះ បាននឹងកំពុងគ្រប់គ្រងក្រុមហ៊ុន Htoo Group និង Air Bagan ដែលជាក្រុមហ៊ុនអាកាសចរណ៍ឯកជនតែមួយគត់ដំបូងបង្អស់របស់ប្រទេសនេះ។ នៅក្នុងឆ្នាំ ២០០៦–២០០៧ ក្រុមហ៊ុន Htoo Trading ដែលជាផ្នែកមួយនៃក្រុមហ៊ុន Htoo Holdings គឺជាក្រុមហ៊ុននាំចេញឯកជនលំដាប់កំពូលរបស់ប្រទេសភូមា និងធំជាងគេទី ៥ ដោយមានចំណូលសរុប ៦៥,១ លានដុល្លារ។
មហាសេដ្ឋីរូបនេះ បានចាប់ផ្តើមអាជីពជាអ្នកជំនួញនៅទសវត្សឆ្នាំ ១៩៨០ និងបានចាប់ផ្តើមបើកក្រុមហ៊ុន Htoo Group នៅដើមទសវត្សឆ្នាំ ១៩៩០ ដើម្បីធ្វើអាជីវកម្មឈើរបស់ប្រទេសភូមា។មិនត្រឹមតែប៉ុណ្ណោះ ក្រុមហ៊ុន របស់លោក ក៏បានវិនិយោគលើវិស័យសំណង់ ទេសចរណ៍ គម្រោងហេដ្ឋារចនាសម្ព័ន្ធ និងសេវាកម្មទូរស័ព្ទចល័តផងដែរ។
ជាមួយគ្នានេះ លោកមហាសេដ្ឋីរូបនេះក៏ប្រឡូកក្នុងអាជីវកម្មធនាគារផងដែរដោយបានបង្កើតធនាគារអភិវឌ្ឍន៍អាស៊ីបៃតង (Asia Green Development Bank ) ដែលត្រូវបានផ្តល់អាជ្ញាប័ណ្ណដោយរដ្ឋាភិបាលរបបយោធាក្នុងឆ្នាំ ២០១០ មុនពេលបោះបង់អំណាចរបស់ខ្លួនបន្ទាប់ពីការបោះឆ្នោតទូទៅ។
ធនាគាររបស់លោកត្រូវបានដាក់ទណ្ឌកម្មដោយរដ្ឋាភិបាលសហរដ្ឋអាមេរិកភ្លាមៗបន្ទាប់ពីធនាគារនេះត្រូវបានបង្កើតឡើង។ ប៉ុន្តែធនគារនេះត្រូវបានដកចេញពីបញ្ជីទណ្ឌកម្មក្នុងឆ្នាំ ២០១៣ ។
បើតាមការការចុះផ្សាយសារព័ត៌មាននានាថា លោកគគឺជាឈ្មួញកណ្តាលលើការជួញដូអាវុធសម្រាប់របបអតីតយោធាដោយជួយទិញគ្រឿងបន្លាស់យោធាពីប្រទេសរុស្ស៊ី។
ក្រុមហ៊ុនអាកាសចរណ៍ Air Bagan របស់លោក Tay Za គឺជាអ្នកឧបត្ថម្ភធំរបស់ក្លិបបាល់ទាត់យូណាយធីតដែលជាក្លឹបបាល់ទាត់អាជីពមួយក្នុងចំណោមក្លឹបទាំង ៩ នៅប្រទេសមីយ៉ាន់ម៉ាប្រកួតប្រជែងដណ្តើមពានរង្វាន់លីគជាតិមីយ៉ាន់ម៉ា (MNL) ដែលគ្រប់គ្រងដោយប្រុសរបស់ខ្លួនជាប្រធានក្លឹប។
លោកមហាសេដ្ឋីរូបនេះ ទទួលបានជោគជ័យលើមុខជំនួញជាបន្តបន្ទាប់ តាមរយៈការវិនិយោគលើការរុករករ៉ែ សណ្ឋាគារនិងអចលនទ្រព្យ ដោយ គិតត្រឹមឆ្នាំ ២០១៩ មហាសេដ្ឋីជនជាតិភូមារូបនេះមានទ្រព្យសម្បត្តិសុទ្ធប្រមាណ ១,២ ពាន់លានដុល្លារ៕
