ដោយPropertyrea
ភ្នំពេញៈ អន្តរការីហិរញ្ញវត្ថុ ដែលមានតួនាទីរឹតតែសំខាន់ឡើងៗ នៅក្នុងសេដ្ឋកិច្ចអាមេរិក គឺសង្គហធន។ សង្គហធន (Mutual funds) គឺជាគ្រឹះស្ថានដែលលក់ភាគហ៊ុនទៅសាធារណៈ និងប្រើប្រាស់ប្រតិលាភ (ប្រាក់ចំណេញ) ដើម្បីទិញប្រមូល ឬផលប័ត្រ (Portfolio) នៃប្រភេទហ៊ុននិងសញ្ញាប័ណ្ណផ្សេងៗឬទាំងពីរ។
ម្ចាស់ហ៊ុនសង្គហធនទទួលយកទាំងអស់នូវហានិភ័យ និងផលចំណេញដែលមានជាប់មកជាមួយនឹងផលប័ត្រ។ បើសិនតម្លៃរបស់ផលប័ត្រកើនឡើង ម្ចាស់ហ៊ុនទទួលបានផលចំណេញ។ ហើយបើសិនតម្លៃផលប័ត្រធ្លាក់ចុះ ម្ចាស់ហ៊ុននឹងទទួលរងការខាតបង់។
គុណសម្បត្តិដ៏ធំបំផុតរបស់សង្គហធន គឺថាពួកវាអនុញ្ញាតឲ្យមនុស្ស ដែលមានលុយចំនួនតិចតួច អាចបង្កើតភាពចម្រុះមុខ (Diversification) នៃការវិនិយោគរបស់ខ្លួន។ អ្នកទិញហ៊ុន និងសញ្ញាប័ណ្ណ គឺត្រូវបានផ្តល់ប្រឹក្សាយោបល់យ៉ាងល្អប្រសើរ ដោយស្របជាមួយទៅនឹងពាក្យស្លោកមួយថា “កុំទុកស៊ុតទាំងអស់របស់អ្នក នៅក្នុងកន្ត្រីកតែមួយ”៕
