ដោយ Donald Lee
ភ្នំពេញ៖ ទីក្រុងប៉េកាំងបានព្រមព្រៀងបង្កើនការនាំចូលពីអាមេរិកក្នុងតម្លៃ ២០០ ពាន់លានដុល្លារ ដោយអនុលោមតាមកិច្ចព្រមព្រៀងពាណិជ្ជកម្មដំណាក់កាលទី ១ រវាងអាមេរិក និងចិន ប៉ុន្តែនិយាយថា ខ្លួនមិនអាចបញ្ជាឱ្យក្រុមហ៊ុនឯកជនដែលកំពុងប្រតិបត្តិការនៅចិនទិញទំនិញរបស់អាមេរិកបានទេ។
ការអត្ថាធិប្បាយមួយនៅក្នុងប្រព័ន្ធផ្សព្វផ្សាយរបស់ចិន បាននិយាយថា ចិនគឺជាសេដ្ឋកិច្ចទីផ្សាររួចទៅហើយ។ ក្រុមហ៊ុននាំចូលភាគច្រើនគឺឯកជន ហើយក្រុមហ៊ុនជាច្រើនបានទទួលមូលនិធិពីបរទេស”។
ការអត្ថាធិប្បាយនេះ បានបន្ថែមថា “រដ្ឋាភិបាលចិនមិនអាចបញ្ជាទិញដល់ក្រុមហ៊ុនទាំងនេះបានទេ។ លើសពីនេះទៀត អតិថិជននឹងមិនទិញផលិតផលដែលទាក់ទងនឹងនយោបាយនោះទេ។ អាមេរិកច្បាស់អំពីអង្គហេតុទាំងអស់នេះ”។
ឧបនាយករដ្ឋមន្ត្រីចិនលោក Liu He និងប្រធានាធិបតីអាមេរិកលោក Donald Trump បានចុះហត្ថលេខាលើកិច្ចព្រមព្រៀងពាណិជ្ជកម្មរវាងអាមេរិក និងចិននៅថ្ងៃ ពុធ បញ្ចប់នូវការកើនឡើងនូវសង្គ្រាមពាណិជ្ជកម្មដែលមានរយៈពេលជិត ២២ ខែដែលបានគំរាមកំហែងដល់សេដ្ឋកិច្ចសកល។
ការចុះហត្ថលេខាដែលបានគ្រោងទុកនឹងបង្ហាញពីការទម្លាក់ពន្ធគយយ៉ាងសំខាន់ដែលបានធ្វើឱ្យរង្គើរដល់ទីផ្សារ និងបណ្តាញផ្គត់ផ្គង់ពិភពលោកជាពិសេសនៅក្នុងតំបន់អាស៊ីប៉ាស៊ីហ្វិក។
ខ្លឹមសារនៃកិច្ចព្រមព្រៀងដែលត្រូវបានផ្សព្វផ្សាយនៅសប្តាហ៍នេះបានបង្ហាញពីវិសាលភាពនៃលក្ខខណ្ឌដែលបានដាក់ដោយប្រធានាធិបតីអាមេរិក Donald Trump។
យោងតាមអ្នកវិភាគបាននិយាយថា ផ្នែកដែលមិនមានភ្ជាប់នៃឧបសម្ព័ន្ធជាមួយនឹងចំនួនទឹកប្រាក់ទិញជាក់លាក់ត្រូវបានជឿថាអាច មានការសន្យារបស់ចិនក្នុងការទិញទំនិញជិត ២០០ ពាន់លានដុល្លារអាមេរិកក្នុងរយៈពេលពីរឆ្នាំខាងមុខ៕
