ដោយវុត្ថា
ភ្នំពេញៈ រាជរដ្ឋាភិបាលបានរៀបចំគោលនយោបាយជាតិស្តីពី ធនធានរ៉ែ ដើម្បីចង្អុលបង្ហាញនូវចក្ខុវិស័យ គោលបំណង គោលដៅ និងតួនាទីរបស់រាជរដ្ឋាភិបាលក្នុងការអភិវឌ្ឍធនធានរ៉ែដ៏មានតម្លៃរបស់ជាតិ។
គោលនយោបាយនេះ បានដាក់ចេញនូវយុទ្ធសាស្រ្ត និងផែនការសកម្មភាពសំខាន់ៗ ដើម្បីធានាឱ្យការអភិវឌ្ឍធនធានរ៉ែ ត្រូវបានធ្វើឡើងប្រកបដោយចីរភាព ប្រសិទ្ធភាព ប្រសិទ្ធផល និងតម្លាភាព ស្របតាមកម្មវិធីនយោបាយរបស់រាជរដ្ឋាភិបាល នីតិកាលទី៥ នៃរដ្ឋសភាដែលបានកំណត់ថា «អភិវឌ្ឍធនធានរ៉ែ ដើម្បីប្រែក្លាយធនធាននេះ ឱ្យទៅជាប្រភពថ្មីមួយទៀត នៃកំណើនសេដ្ឋកិច្ចរបស់កម្ពុជា”។
-->
គោលនយោបាយជាតិស្តីពី ធនធានរ៉ែនេះ នឹងផ្តល់ជាកម្លាំងថែមទៀត ក្នុងការអភិវឌ្ឍធនធានរ៉ែដ៏មានតម្លៃរបស់កម្ពុជា ដើម្បីធានាឲ្យការអភិវឌ្ឍធនធានរ៉ែ ដែលត្រូវបានធ្វើឡើងប្រកបដោយចីរភាព ប្រសិទ្ធភាព ប្រសិទ្ធផល និងតម្លាភាព ស្របតាមកម្មវិធីនយោបាយរបស់រដ្ឋាភិបាលកម្ពុជា ដែលបានកំណត់ថា “ការអភិវឌ្ឍធនធានរ៉ែ ប្រេងកាត និងឧស្ម័ន ដើម្បីប្រែក្លាយធនធាននេះ ឲ្យទៅជាប្រភពថ្មីមួយទៀត នៃកំណើនសេដ្ឋកិច្ចរបស់កម្ពុជា។
វិស័យរ៉ែ គឺជាផ្នែកមួយនៃខឿនសេដ្ឋកិច្ចជាតិ ដែលបានដើរតួនាទីរួមចំណែកក្នុងការអភិវឌ្ឍសេដ្ឋកិច្ចកម្ពុជា ផ្តល់នូវវិបុលភាពដល់ប្រជាពលរដ្ឋ និងសម្រេចបាននូវការកាត់បន្ថយភាពក្រីក្រ ស្របតាមទិសដៅជាយុទ្ធសាស្រ្តរបស់រាជរដ្ឋាភិបាលកម្ពុជា៕
