ដោយ ប៊ី
ភ្នំពេញ៖ ក្រុមហ៊ុន Renet Japan Group Inc បានបើកដំណើរការសេវាកម្មរថយន្តជួលនៅកម្ពុជាក្នុងគោលបំណងដើម្បីទទួលបានអត្ថប្រយោជន៍ពីទីផ្សារដែលកំពុងរីកចម្រើននេះ។
ក្រុមហ៊ុន Renet Japan Group បានឱ្យដឹងនៅក្នុងសេចក្តីប្រកាសព័ត៌មានមួយកាលពីពេលថ្មីៗនេះថា ខ្លួនគឺជាក្រុមហ៊ុនដែលមានអាជ្ញាប័ណ្ណសម្រាប់សេវា រថយន្តជួលរបស់ក្រុមហ៊ុន Mobility Finance Cambodia ដែលជាក្រុមហ៊ុនបណ្តាក់ទុនរួមគ្នាជាមួយក្រុមហ៊ុន SBI Holdings Inc ដែលចូលរួមក្នុងសេវាកម្មហិរញ្ញវត្ថុតាមអ៊ីនធឺណេត។
ក្រុមហ៊ុន Renet បានឱ្យដឹងថា ខ្លួនបានទទួលការយល់ព្រមពីក្រសួងពាណិជ្ជកម្មរួចហើយសម្រាប់ការធ្វើអាវីកម្ម។
សេចក្តីប្រកាសព័ត៌មានបានបញ្ជាក់ថា “ជាមួយនឹងការរីកចម្រើននៃទីផ្សារកម្ពុជាចំនួនអ្នកប្រើប្រាស់ដែលទិញរថយន្តដោយប្រាក់កម្ចី ឬការជួល កំពុងពង្រីកយ៉ាងឆាប់រហ័ស ហើយការផ្តល់សេវាកម្មថ្មីៗគឺចាំបាច់” ។
ក្រុមហ៊ុន Mobility Finance នៅប្រទេសកម្ពុជាប្រើប្រាស់បច្ចេកវិទ្យាអ៊ិនធឺរណេត និងប្រព័ន្ធតាមដាន GPS ស្វ័យប្រវត្តិដើម្បីធ្វើការវាយតម្លៃឥណទាន និងកំណត់ទីតាំងយានយន្ត និងឧបករណ៍។
ក្រុមហ៊ុនមានគោលបំណងផ្តល់ជូនអត្រាការប្រាក់ទាបបំផុតក្នុងវិស័យនេះ ហើយទទួលបានការជួលយ៉ាងតិច ១ ៥០០ គ្រឿងក្នុងមួយឆ្នាំ។ ក្រុមហ៊ុនមានកំណើនលក់ ៨៨,៩ ភាគរយដែលស្មើនឹង ៧៨,៥ លានដុល្លារ កាលពីឆ្នាំមុន៕
