ដោយវុត្ថា
ភ្នំពេញៈ សម្តេចតេជោហ៊ុន សែននាយករដ្ឋមន្រ្តីកម្ពុជាបានអញ្ជើញចូលរួមកិច្ចប្រជុំកំពូលពិភពលោកឆ្នាំ២០២០ នៃអង្គការសហព័ន្ឋសន្តិភាពសាកលជាមួយមេដឹកនាំ ដទៃទៀតមកពីជុំវិញពិភពលោក។
តើកិច្ចប្រជុំដែលមានរយៈពេលបីថ្ងៃនេះ បានចាប់ផ្តើមពីពេលណា និងយ៉ាងដូចម្តេច គេហទំព័រPropertyarea.asiaសូមលើកប្រវត្តិត្រួសៗ នៃកិច្ចប្រជុំកំពូលនេះ ដើម្បីអ្នកអាចបានសិក្សាស្វែងយល់ទាំងអស់គ្នា។
កិច្ចប្រជុំកំពូលពិភពលោកឆ្នាំ២០២០ នៃអង្គការសហព័ន្ធសន្តិភាពសកល (UPF) ស្តីពីសន្តិភាព សន្តិសុខ និងការអភិវឌ្ឍមនុស្ស ដែលរៀបចំឡើងនៅសាធារណរដ្ឋកូរ៉េ (កូរ៉េខាងត្បូង) រយៈពេល៣ថ្ងៃ ដោយចាប់ពីថ្ងៃទី៣ ដល់ថ្ងៃទី៥ខែកុម្ភៈ ឆ្នាំ២០២០។
កិច្ចប្រជុំកំពូលមួយនេះ មានប្រមុខរដ្ឋ និងរដ្ឋាភិបាល ព្រមទាំងមេដឹកនាំមកពីជុំវិញពិភពលោក នឹងថ្លែងសារចែករំលែកនូវបទពិសោធន៍ និងចំណេះដឹងប្រកបដោយបញ្ញាក្នុងគោលបំណងដោះស្រាយសន្តិភាព សន្តិសុខ និងការអភិវឌ្ឍមនុស្ស។
សហព័ន្ធសន្តិភាពសកល (UPF) គឺជាបណ្តាញសកលនៃបុគ្គល និងអង្គការដែលបានប្តេជ្ញាចិត្ត ដើម្បីកសាងសន្តិភាពពិភពលោកមួយ ដែលមនុស្សគ្រប់គ្នាអាចរស់នៅដោយសេរី សុខដុមរមនាសហប្រតិបត្តិការ និងវិបុលភាព។ សន្តិភាពមិនមែនគ្រាន់តែអវត្តមាននៃសង្គ្រាម ឬពាក្យដែលអនុវត្តតែលើទំនាក់ទំនង រវាងប្រជាជាតិនានានោះទេ។ សន្តិភាព គឺជាគុណភាពសំខាន់មួយ ដែលគួរតែមានលក្ខណៈទំនាក់ទំនងទាំងអស់។
UPF គាំទ្រការបន្តជាថ្មីរបស់អង្គការសហប្រជាជាតិ រួមទាំងសំណើរដែលអង្គការសហប្រជាជាតិបង្កើតក្រុមប្រឹក្សា អន្តរសាសនានៅក្នុងរចនាសម្ព័ន្ធ UPF អនុវត្តកម្មវិធីរបស់ខ្លួន តាមរយៈបណ្តាញឯកអគ្គរដ្ឋទូតសន្តិភាពពិភពលោក។
UPF លើកទឹកចិត្តឱ្យសាសនាទាំងអស់ ធ្វើការពិភាក្សា និងសហប្រតិបត្តិការ ដើម្បីសន្តិភាព ដោយផ្អែកលើការទទួលស្គាល់ថា សេចក្តីថ្លៃថ្នូររបស់មនុស្ស កើតចេញពីប្រភព ជាសកល ដែលជាមូលដ្ឋាននៃភាពសុខដុម និងបង្រួបបង្រួម។
UPF ផ្តល់ជូនកម្មវិធីជំនួយ និងកម្មវិធីមនុស្សធម៌ គម្រោងសិក្សា សេវាកម្ម ការអប់រំនិងកម្មវិធីកីឡា ដោយផ្តោតជាពិសេសលើភាពជាអ្នកដឹកនាំផ្ទាល់ខ្លួន និងជំនាញបង្កើតសន្តិភាព។
លោកស៊ុនMyung Moon និងភរិយារបស់លោក គឺលោកស្រីវេជ្ជបណ្ឌិត Hak Ja Han Moon បានបង្កើតសហព័ន្ធសន្តិភាពសកលនៅឆ្នាំ២០០៥ ។
សហព័ន្ធសន្ដិភាពជាសកលលោក (UPF) ត្រូវបង្កើតឡើង ដោយគូស្វាមីមួយគូជាជនកូរ៉ គឺលោក Sun Myung Moon និងលោកស្រីSun Myung Moon កាលពីឆ្នាំ ២០០៥ បន្ទាប់ពីអ្នកទាំងពីរត្រូវបាន បានគេចាប់ដាក់គុកអស់រយៈពេល៣ឆ្នាំ មុនពេលត្រូវបានរំដោះដោយកងកម្លាំង របស់អង្គការសហប្រជាជាតិ ក្នុងសង្គ្រាមកូរ៉េក្នុងឆ្នាំ ១៩៥០។
អ្នកទាំងពីរបានមកដល់សហរដ្ឋអាមេរិក ក្នុងឆ្នាំ១៩៧១ តែបានស្លាប់នៅក្នុងឆ្នាំ ២០១២ និងស្នើដល់អង្គការសហប្រជាជាតិ ក្នុងការបង្កើតសហព័ន្ធសន្ដិភាព ជាសកលលោក UPF ដោយបានតែងតាំងអ្នកការទូត បព្វជិត អ្នកដឹកនាំ ពលរដ្ឋជាង៥ម៉ឺនជាឯកអគ្គរដ្ឋទូតដើម្បីសន្តិភាព។
ក្នុងចំណោមកម្មវិធីរបស់UPF គឺសន្និសីទស្តីពី ភាពជាអ្នកដឹកនាំ និងគំនិតផ្តួចផ្តើមសន្តិភាពក្នុងតំបន់។
UPFលើកកម្ពស់គោលដៅអភិវឌ្ឍន៍ ប្រកបដោយចីរភាពរបស់អង្គការសហប្រជាជាតិ និងលើកទឹកចិត្តប្រជាជនឱ្យធ្វើការដើម្បីសន្តិភាព តាមរយៈការបម្រើសហគមន៍របស់ពួកគេ៕
