ក្រសួងទេសចរណ៍ថៃៈ ប្រាក់ចំណូលពីវិស័យទេសចរណ៍នឹងធ្លាក់ចុះ ៩,៦៩ពាន់លានដុល្លារនៅឆ្នាំនេះ

អ្នកទេសចរក្នុងស្រុក ឥណ្ឌា និង CLMV (កម្ពុជា ឡាវ មីយ៉ាន់ម៉ា និងវៀតណាម) ស្ថិតក្នុងចំណោមគោលដៅសំខាន់ៗ ដែលប្រទេសថៃដែលត្រូវបន្តចាប់យក ក្នុងរយៈពេល៣ខែទៀត ខណៈក្រសួងបានរកឃើញទីផ្សារមួយចំនួនបានធ្លាក់ចុះ ហើយក្រសួងនឹងបង្វែរទីផ្សាររកប្រទេសផ្សេងវិញ។ នេះបើតាមប្រសាសន៍របស់លោក Phipat ។

មុនពេលផ្ទុះឡើងនៃជំងឺកូរ៉ូណាវីរុស ក្រសួងបានកំណត់ទិសដៅប្រាក់ចំណូលសម្រាប់ឆ្នាំនេះចំនួន៣,១៦ ពាន់ពាន់លានបាត។

គោលដៅគឺនៅឆ្ងាយ ពីព្រោះតួលេខពីថ្ងៃទី២៤ ខែ មករា ដល់ថ្ងៃទី១ ខែកុម្ភៈបានបង្ហាញថា អ្នកធ្វើដំណើរជនជាតិចិន បានថយចុះ៦០,៦ភាគរយ ធៀបនឹងរយៈពេលដូចគ្នាកាលពីឆ្នាំមុន ដែលស្មើនឹង២៣២,០០០នាក់។

លោកបាននិយាយថា “ទេសចរណ៍ថៃមិនទាន់ឈានដល់បាតនៅឡើយទេ ប៉ុន្តែនៅតែបន្តធ្លាក់ចុះ។ យើងរំពឹងថានឹងមានការងើបឡើងវិញ ពេញលេញនៅដើមខែ កក្កដា ប្រសិនបើរដ្ឋាភិបាលចិន អាចគ្រប់គ្រងការផ្ទុះជំងឺនេះនៅខែមីនា និងដកបម្រាមធ្វើលើការធ្វើដំណើរ”។

លោក Phiphat បាននិយាយថា ដោយសារតែប្រទេសថៃ មានការឆ្លងច្រើនជាងគេទី២ នៅខាងក្រៅប្រទេសចិន ហេតុនេះប្រសិនបើរដ្ឋាភិបាលមិនមានផែនការទេ នោះប្រទេសនេះអាចនឹងបាត់បង់ទីផ្សារផ្សេងទៀត។

លោកមានប្រសាសន៍ថា “ទីផ្សាររបស់យើងនឹងយឺតជាងនេះ ក្នុងរយៈពេល៥ខែយ៉ាងតិច”។

លោក Supawan Tanomkieatipume ប្រធានសមាគមសណ្ឋាគារថៃបានថ្លែងថា សណ្ឋាគារកំពុងត្រៀមសហការជាមួយរដ្ឋាភិបាល ដើម្បីផ្តល់ជូនការផ្សព្វផ្សាយបន្ទប់ពិសេសដល់ភ្ញៀវជាតិ និងអន្តរជាតិក្នុង កំឡុងពេលជំរុញវិស័យទេសចរណ៍នេះ៕