ដោយៈរ៉ាណេត
ភ្នំពេញៈ នៅលើទីផ្សារនៃការធ្វើជំនួញនាពេលបច្ចុប្បន្ននេះ លោកអ្នកចាំបាច់ត្រូវតែមានភាពបត់បែនតាមកាលៈទេសៈ និងមានជំនាញច្បាស់លាស់ ក្នុងការធ្វើផែនការអាជីវកម្មជាមុន ដើម្បីបញ្ចៀសហានិភ័យ និងទទួលបានជោគជ័យលើមុខជំនួញ។
មានមនុស្សជាច្រើន បានចាប់ផ្តើមដំណើរការអាជីវកម្ម ហើយក៏បិទទ្វារទៅវិញក្នុងរយៈពេលដ៏ខ្លី ដោយសារតែពួកគេទាំងនោះគិតថា ការបើអាជីវកម្ម ឬផ្តើមធ្វើជំនួញគឺជារឿងងាយស្រួល ដូចបើកទ្វារការិយាល័យ សំខាន់ឱ្យតែមានលុយដំណើរការ។ តាមពិតទៅការរកលុយក្នុងអាជីវកម្ម គឺមានបញ្ហាស្មុគស្មាញជាច្រើនដែលត្រូវប្រឈម និងដោះស្រាយ។
ជាការចូលរួមចំណែកចែកជាគំនិត និងចំណេះដឹងខ្លីៗក្នុងការបង្កើតអាជីវកម្ម គេហទំព័រ Propertyarea.asia សូមលើកយកគន្លឹះសំខាន់ចំនួន៨ ដែលដកស្រង់ចេញពីគម្ពីមគ្គុទេសអាជីវកម្ម មកបង្ហាញលោកអ្នក ដើម្បីចាប់អនុវត្តឱ្យទទួលបានជោគជ័យក្នុងអាជីវកម្មរបស់ខ្លូន។
ចំណុចសំខាន់ៗទាំងអស់នោះរួមមាន
១/ ត្រូវមានការរៀបចំផែនការមុនៈ ដើម្បីទទួលជោគជ័យក្នុងមុខជំនួញ លោក អ្នកត្រូវមានការរៀបចំ ផែនការទុកមុនអោយបានរួចរាល់។ ជាពិសេសរៀបចំរចនាសម្ព័ន្ធ និងជួយអ្នកឱ្យបំពេញភារកិច្ចតាមផែនការ ហើយបន្តនូវអ្វីដែលត្រូវធ្វើ។
វិធីល្អក្នុងការធ្វើដូច្នេះ គឺបង្កើតបញ្ជីរការងារ ដែលត្រូវធ្វើជារៀងរាល់ថ្ងៃ។ នៅពេលអ្នកបញ្ចប់ធាតុនិមួយៗ សូមពិនិត្យមើលចំពោះបញ្ជីទាំងនោះឡើងវិញ។
២/ បន្តកត់ត្រាអោយលម្អិតៈ អាជីវកម្ម ដែលទទួលបានជោគជ័យទាំងអស់ ត្រូវមានកំណត់ត្រាឲ្យបាន លម្អិត និងជាក់លាក់។ កំណត់ត្រាលំអិតនេះហើយ ដែលអាចឲ្យអ្នកនឹងដឹងថា តើជំនួញត្រូវចំណាយហិរញ្ញវត្ថុប៉ុន្មាន និងអ្វីដែលអ្នកអាចប្រឈម។ គ្រាន់តែដឹងរឿងនេះ ផ្តល់ឱ្យអ្នកនូវពេលវេលា ដើម្បីបង្កើតយុទ្ធសាស្ត្រ ដើម្បីយកឈ្នះលើបញ្ហាប្រឈមទាំងនោះ។
៣/ ធ្វើការវិភាគក្នុងការប្រកួតប្រជែងៈ ការប្រកួតប្រជែងបង្កើតបានលទ្ធផលល្អបំផុត ដើម្បីទទួលបានជោគជ័យអ្នកមិនអាចខ្លាចរៀន និងរៀនពីដៃគូប្រកួតប្រជែងរបស់អ្នកនោះឡើយ។ យ៉ាងណាមិញពួកគេអាចធ្វើអ្វីដែលត្រឹមត្រូវ ដែលអ្នកអាចអនុវត្តនៅក្នុងអាជីវកម្មរបស់អ្នកដើម្បីរកប្រាក់បានច្រើន។
៤/ ជាអ្នកមានគំនិតច្នៃប្រឌិតៈ ត្រូវស្វែងរកវិធីដើម្បីកែលម្អអាជីវកម្មរបស់អ្នក និងធ្វើឱ្យវាលេចធ្លោចេញ ពីការប្រកួតប្រជែងអាជីវកម្ម។ សូមទទួលស្គាល់ថា អ្នកមិនដឹងអ្វីគ្រប់យ៉ាងហើយបើកចំហចំពោះគំនិតថ្មីៗ និងវិធីសាស្ត្រថ្មីៗ ចំពោះអាជីវកម្មរបស់អ្នក។
៥/ ត្រូវផ្តោតអារម្មណ៍ៈ ពាក្យចាស់លោកថា “គ្មានផ្ទះណាត្រូវបានសាងសង់រួចរាល់ ក្នុងរយៈពេលមួយថ្ងៃទេ”។ ក្នុងន័យនេះ អ្នកធ្វើអាជីវកម្មមួយមិនមានន័យថា អ្នកនឹងរកប្រាក់បានភ្លាមៗនោះទេ។ វាត្រូវការពេលវេលាដើម្បីឱ្យមនុស្សដឹងថា អ្នកជានរណា ដូច្នេះចូរបន្តផ្ដោតអារម្មណ៍លើការសម្រេចបាននូវគោលដៅនេះ។
៦/ រៀបចំការលះបង់ៈ ការឈានមុខគេក្នុងការចាប់ផ្តើមអាជីវកម្ម គឺជាការងារដ៏លំបាកបំផុត ។ ក្នុងករណីជាច្រើន អ្នកត្រូវចំណាយពេលច្រើនជាងពេល ដែលអ្នកធ្វើការឱ្យអ្នកដទៃ។ ជាលទ្ធផលអ្នកត្រូវតែធ្វើការលះបង់ដូចជា ចំណាយពេលតិចជាមួយគ្រួសារ ជាពិសេស មិត្តភក្តិ ដើម្បីទទួលជោគជ័យ។
៧/ ត្រូវផ្តល់សេវាដ៏ល្អប្រសើរជាងគេៈ មានអាជីវកម្មដែលទទួលបានជោគជ័យជាច្រើន ដែលភ្លេចថាការផ្តល់សេវាអតិថិជនដ៏ល្អជាងគេ គឺមានសារៈសំខាន់ណាស់។ ប្រសិនបើអ្នកផ្តល់នូវសេវាកម្មល្អប្រសើរ សម្រាប់អតិថិជនរបស់អ្នក ពួកគេនឹងមានទំនោរចង់មករកអ្នកនៅពេលដែលពួកគេត្រូវការអ្វីមួយ ជំនួសឱ្យការចូលរួមប្រកួតរបស់អ្នក។
៨/ ត្រូវមានស្ថេរភាពៈ ភាពស្រុះស្រួលគ្នា គឺជាសមាសធាតុដ៏សំខាន់ ក្នុងការរកលុយក្នុងជំនួញ។ អ្នកត្រូវតែបន្តធ្វើអ្វីដែលចាំបាច់ ដើម្បីទទួលបានជោគជ័យទាំងនៅខាងក្នុង និងខាងក្រៅ។ នេះនឹងបង្កើតជាទម្លាប់វិជ្ជមាន ដែលនឹងជួយអ្នករកលុយក្នុងរយៈពេលវែងបានដោយស្រួល៕
