ដោយៈរ៉ាណេត
ភ្នំពេញៈ ម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានកិត្តិយសនៃគណៈកម្មាធិការជាតិវាយតម្លៃទីក្រុងស្អាត បានចេញសារលិខិតអបអរសាទរទិវាជាតិទី៨ក្រុងស្អាត ក្រោមប្រធានបទ «ទីក្រុងស្អាត៖ ទីក្រុងដែលមានវិថីម្ហូបអាហារស្អាត» ដែលនឹងប្រារព្ធធ្វើឡើងនាថ្ងៃទី២៧ ខែកុម្ភៈ ឆ្នាំ២០២០ ខាងមុខ។
នៅក្នុងសារលិខិតនេះ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ថា ឆ្នាំនេះ ជាឆ្នាំទី៨ ដែលប្រារព្វទិវាទីក្រុងស្អាតក្រោមប្រធានបទ “ទីក្រុងស្អាត ទីក្រុងដែលមានម្ហូបអាហារស្អាត”។
តាមរយៈប្រធានបទនេះ បានឆ្លុះបញ្ចាំងយ៉ាងច្បាស់ថា វិថីម្ហូបអាហារគឺជាផលិតផលទេសចរណ៍ដ៏ទាក់ទាញសម្រាប់ភ្ញៀវទេសចរជាតិ និងអន្តរជាតិ ដែលអាចផ្តល់នូវបទពិសោធន៍ និងការចង់ចាំសម្រាប់ភ្ញៀវទេសចរ ដែលជាទូទៅតែងប្រាថ្នាចង់ដើរកម្សាន្ត និងទទួលទានម្ហូបអាហារ ដែលប្រកបទៅដោយអនាម័យ និងជំនឿទុកចិត្ត ខណៈដែលវិថីម្ហូបអាហារ ក៏ជាផ្នែកមួយនៃទេសចរណ៍ម្ហូងអាហារ ដែលផ្សារភ្ជាប់ការអភិវឌ្ឍសេដ្ឋកិច្ចមូលដ្ឋានទៅនឹងជីវភាពប្រជាជន វប្បធម៌ ទំនៀបទម្លាប់ ប្រពៃណី ព្រមទាំងជួយជំរុញអាជីវកម្មខ្នាតតូច បែបគ្រួសារឱ្យរីកលូតលាស់បានយ៉ាងមានប្រសិទ្ធភាព។
សម្ដេចបានថ្លែងបន្តទៀតថា ម្ហូបអាហារ ជាផលិតផលទេសចរណ៍ ឬសេវាកម្មទេសចរណ៍ ហើយក៏ជាចំណែកទីផ្សារទេសចរណ៍ដ៏ទាក់ទាញ។ ម្ហូបអាហារជាទូតនាំសារអំពីវប្បធម៌ អត្តសញ្ញាណ ការរស់នៅក្នុងតំបន់ទៅដល់ភ្ញៀវទេសចរជាតិ និងអន្តរជាតិ និងបានបង្កើតភាពចងចាំ ទៅដល់ទេសចរអំពីគោលដៅដែលបានទស្សនា។
ត្រង់ចំណុចនេះ ចាំបាច់ត្រូវតែកែច្នៃ ចងក្រងខ្លឹមសារ បកស្រាយ បង្ហាញ និងលើកពីគុណតម្លៃនៃម្ហូបអាហារ ដែលសម្បត្តិបេតិកភ័ណ្ឌវប្បធម៌ទាំងនេះ បម្រើឱ្យសេវាកម្មទេសចរណ៍ផង និងចូលរួមលើកកម្ពស់ជីវភាពប្រជាជនមូលដ្ឋានផងដែរ ពីព្រោះការចំណាយជាមធ្យមនៃភ្ញៀវទេសចរគឺប្រមាណ២៥ភាគរយ លើចំណីអាហារ ដែលនេះគឺជាការផ្តល់ផលប្រយោជន៍សេដ្ឋកិច្ចយ៉ាងច្រើន។
សេចក្ដីលម្អិតសូមអានសារលិខិតរបស់សម្ដេចតេជោ ហ៊ុន សែន ដូចខាងក្រោម ៖
