ដោយៈ រ៉ាណេត
ភ្នំពេញៈ ក្រុមហ៊ុនShow Up Real Estate Co, Ltd ត្រូវបានគេស្គាល់ថាជាក្រុមហ៊ុនភ្នាក់ងារ និងអភិវឌ្ឍន៍ មានកេរ្តិ៍ឈ្មោះល្បីនៅក្នុងវិស័យអចលនទ្រព្យ ដែលកំពុងមានភាពពុះកញ្ជ្រោលនៅពេលបច្ចុប្បន្ន ជាពិសេសមានជំនាញ និងបទពិសោធន៍ជោគជ័យខ្ពស់ ក្នុងការទទួលសិទ្ធិលក់ផ្តាច់មុខទៅលើគម្រោងអចលនទ្រព្យធំៗ។
ជាមួយនឹងបទពិសោធន៍ជាង៥ឆ្នាំ នៅក្នុងវិស័យអចលនទ្រព្យនៅកម្ពុជាShow Up Real Estate Co,.Ltd បានអភិវឌ្ឍន៍ក្នុងនាមជាក្រុមហ៊ុនអភិវឌ្ឍន៍អចលនទ្រព្យ ពិសេសការលក់គម្រោងបុរីលំនៅដ្ឋាន អគារខុនដូ អាផាតមិន និងគម្រោងដីឡូតិ៍ ប្រកបទៅដោយភាពជោគជ័យគួរជាទីមោទនៈ ជាមួយនឹងបុគ្គលិកប្រមាណ២០០នាក់ ដោយមានការបណ្តុះបណ្តាលត្រឹមត្រូវពីអ្នកជំនាញជាតិ និងអន្តរជាតិ។
អគ្គនាយកក្រុមហ៊ុន Show Up Real Estate Co,.Ltd លោក អ៊ិន ណាង បានមានប្រសាសន៍ប្រាប់ឱ្យដឹងតាមទូរស័ព្ទនាព្រឹកថ្ងៃទី២៤ កុម្ភៈនេះថា ផ្ដើមចេញពីក្រុមហ៊ុនតូចមានចំនួនបុគ្គលិកតិចតួច កាលពី៥ឆ្នាំមុននេះ បច្ចុប្បន្ន Show Up Real Estate បានធ្វើការអភិវឌ្ឍខ្លួន និងរីកចម្រើនយ៉ាងឆាប់រហ័ស ក្នុងនាមជាក្រុមហ៊ុនជំនាញ និងមានបទពិសោធន៍ ជោគជ័យជាច្រើនគម្រោងនៅក្នុងវិស័យទិញ-លក់ អចលនទ្រព្យស្ទើរទូទាំងប្រទេសកម្ពុជា។
លោកបន្តថា “រយៈពេល៥ឆ្នាំនៃកិច្ចដំណើរការរបស់ក្រុមហ៊ុន ក្នុងវិស័យអចលនទ្រព្យ ជាលទ្ធផលយើងបានបង្កើនសមត្ថភាព ប្រកបដោយគុណភាពគួរឱ្យកត់សម្គាល់ ដែលក្រៅពីបានសិក្សាបន្ថែមពីគោលដៅនៃការវិនិយោគ និងការអភិវឌ្ឍ ជាពិសេសស្វែងយល់ពីទីផ្សារអចលនទ្រព្យនៅកម្ពុជានោះ ក្រុមហ៊ុនបង្ហាញពីសកម្មភាពយ៉ាងសកម្ម និងមមាញឹកទៅលើកិច្ចសហការជាដៃគូ ជាមួយបណ្តាក្រុមហ៊ុនវិនិយោគ ក្រុមហ៊ុនអភិវឌ្ឍន៍គម្រោងអចលនទ្រព្យធំៗជាច្រើន ក្នុងនាមជាភ្នាក់ងារទទួលសិទ្ធិលក់ផ្ដាច់មុខ ដោយសម្រេចបានភាពជោគជ័យខ្ពស់។
ជាក់ស្ដែង បច្ចុប្បន្ននេះ Show Up Real Estate Co,.Ltd បានទទួលការទុកចិត្តពីម្ចាស់គម្រោងជាច្រើន ដោយការប្រគល់សិទ្ធិលើការលក់ផ្ដាច់មុខទាំងអស់។
ភាពរីកចម្រើន និងអភិវឌ្ឍន៍យ៉ាងឆាប់រហ័សរបស់ក្រុមហ៊ុន Show Up Real Estate Co,.Ltd ត្រូវបានលោក អ៊ិន ណាង បង្ហើបប្រាប់ថា “ក្រុមហ៊ុនយើងជាក្រុមហ៊ុនស្របច្បាប់ មានការអនុញ្ញាត និងទទួលស្គាល់ពីក្រសួងយ៉ាងត្រឹមត្រូវ ជាពិសេស គឺមានគោលការណ៍ច្បាបស់លាស់ ប្រកាន់ខ្ជាប់នូវក្រមសីលធម៌ មានវិជ្ជាជីវៈខ្ពស់ ដោយគ្រប់បុគ្គលិកទាំងអស់ សុទ្ធតែត្រូវបានបណ្តុះបណ្តាលភាពជំនាញជាភ្នាក់ងារ ដែលប្រកាន់យកភាពស្មោះត្រង់”។
លោកបានបន្តថា “ភាពស្មោះត្រង់ និងគោលការណ៍ដ៏រឹងមាំរបស់ក្រុមហ៊ុនWin Win Together (ជោគជ័យទាំងអស់គ្នា) បានជំរុញឱ្យក្រុមហ៊ុនទទួលបានការទុកចិត្តខ្ពស់ពីបណ្តាក្រុមហ៊ុនជាដៃគូ ដោយក្រុមហ៊ុនបានពង្រីកវិសាលភាពយ៉ាងទូលំទូលាយនៅតាមបណ្តាខេត្តមួយចំនួន ដោយមានបុគ្គលិកសរុបជាង១០០នាក់ សម្រាប់ប្រតិបត្តិការប្រចាំថ្ងៃ។
ដោយឡែកសម្រាប់តែរាជធានីភ្នំពេញ ក្រុមហ៊ុនស្នាក់ការចំនួន២ ទីស្នាក់ការទី១ស្ថិតនៅអគារលេខ ១២ Eo ផ្លូវលេខ៦ ខណ្ឌដង្កោ រាជធានីភ្នំពេញ ហើយទីស្នាក់ការទី២ ស្ថិតនៅអគារតាមបណ្តោយផ្លូវ២៧១ សង្កាត់បឹងទំពុន២ ខណ្ឌមានជ័យ រាជធានីភ្នំពេញ (ជិតច្រកចូលវត្តសន្សំកុសល)។
រាល់កិច្ចសហការជាមួយ ក្រុមហ៊ុនជំនាញអចលនទ្រព្យ Show Up Real Estate Co,.Ltd លោកអ្នកនឹងមានទំនុកចិត្តខ្ពស់ ព្រមទាំងទទួលបានជោគជ័យលើគម្រោងយ៉ាងប្រាកដ៕
