ដោយ៖ ម៉ៃ វីរៈ
ភ្នំពេញ៖ បន្ទាប់ពីមានការផ្ទុះនៃជំងឺ COVID-19 ជាសកលមក បណ្ដាក្រុមហ៊ុន និងស្ថាប័នរដ្ឋជាច្រើនបានឲ្យបុគ្គលិកនឹងមន្ដ្រីជាច្រើនត្រូវបានឲ្យទៅធ្វើការតាមផ្ទះរៀងៗខ្លួន។ ជាមួយគ្នានេះដែរក្រសួងមួយចំនួននៃប្រទេសកម្ពុជាបានអនុញ្ញាតឲ្យមន្រី្តរបស់ខ្លួន បំពេញការងារពីផ្ទះ តាមប្រព័ន្ធអនឡាញ ដើម្បីបង្កើនការប្រុងប្រយ័ត្ន និងទប់ស្កាត់ការរីករាលដាលជំងឺកូវីដ-១៩។
ក្រសួង ដែលអនុញ្ញាតឲ្យមន្រី្ត ធ្វើការពីផ្ទះ មានដូចជា ក្រសួងការបរទេស និងសហប្រតិបត្តិការអន្តរជាតិ, ក្រសួងសេដ្ឋកិច្ច និងហិរញ្ញវត្ថុ, ក្រសួងអប់រំ យុវជន និងកីឡា, ក្រសួងឧស្សាហកម្ម និងសិប្បកម្ម, ក្រសួងពាណិជ្ជកម្ម និង ទីស្ដីការគណៈរដ្ឋមន្រី្ត ជាដើម។ រដ្ឋសភា ក៏ប្រកាសឲ្យមន្ត្រីធ្វើការនៅផ្ទះដែរ។
