ដោយវុត្ថា
ភ្នំពេញៈ ការចុះកិច្ចសន្យាជួលអចលនទ្រព្យក្នុងរយៈពេលវែង នឹងទទួលបាននូវអត្ថប្រយោជន៍យ៉ាងច្រើន ចំពោះអ្នកជួលផ្ទាល់ ព្រោះការជួលរយៈពេលវែងនេះ នឹងជួយសន្សំបន្ថែមលើតម្លៃ ដែលនឹងអាចកើនឡើងនៅពេល ដែលកិច្ចសន្យាជួលត្រូវបានបញ្ចប់ ហើយពេលនោះ អ្នកមិនអាចរកបានលំនៅឋានណាមួយ ដែលមានស្ថានភាពដូចគ្នានឹងតម្លៃដូចគ្នានោះឡើយ។
ម្យ៉ាងវិញទៀត ការចំណាយលើការថ្លៃជួលនឹងនៅថេរ ព្រោះតម្លៃជួលកើនឡើងពី១០ទៅ១៥ ភាគរយប្រចាំឆ្នាំនៅក្នុងប្រទេសកម្ពុជា ជាពិសេសនៅក្នុងទីក្រុង និងតំបន់ទេសចរណ៍ហើយ ខណៈដែលសំណង់អគារថ្មីៗ ដែលមានបំពាក់គ្រឿងបរិក្ខារទំនើបៗបន្តមានវត្តមានលើទីផ្សារជួលអចលនទ្រព្យនោះ តម្លៃជួលក៏បន្តកើនឡើងតាមនោះដែរ។
បន្ថែមពីនេះ ការចុះកិច្ចសន្យារយៈពេលវែង ក៏អាចជួយអ្នកឲ្យមានសិទិ្ធ ក្នុងការចរចាព្រមព្រៀងគ្នា។ គួរចងចាំថាម្ចាស់លំនៅឋានភាគច្រើន ក៏ចង់បង្កើតនឹងរក្សាទំនាក់ទំនងល្អជាមួយអតិថិជនជួលដែរ។ កិច្ចសន្យាជួលរយៈពេលវែង អាចបង្កើតភាពទុកចិត្តលើគ្នាទៅវិញទៅមកបានច្រើនជាងផងដែរ។
ប្រសិនបើលោក អ្នករក្សាកិច្ចសន្យាជួលវែងជាងរយៈពេល ដែលអ្នកស្នាក់នៅប្រទេសកម្ពុជា មានជនបរទេសមកធ្វើការក្នុងប្រទេសនេះ ឬអ្នករស់នៅក្នុងស្រុកជាច្រើនក៏កំពុងរកកិច្ចសន្យា ជួលបណ្តោះអាសន្នដែលមានរយៈពេលខ្លីដែរ។ វាអាចផ្តល់ឱកាសឲ្យអ្នកបញ្ចប់ការបង់ប្រាក់ តាមកិច្ចសន្យាជួលដោយធ្វើឡើង តាមរយៈការចុះកិច្ចសន្យាបណ្តោះអាសន្នសម្រាប់អ្នកជួលរយៈពេលខ្លីក្រោយទៀត៕
