ដោយ ៖ រ៉ាណេត
ព្រះសីហនុ ៖ ជាមួយនឹងភាពរលូននៃដំណើរការផ្សារទំនើបលើកដំបូងប្រចាំនៅក្នុងក្រុងព្រះសីហនុ FURI Tomes Square បច្ចុប្បន្ននេះបានផ្តល់ទំនុកចិត្តកាន់តែខ្ពស់ចំពោះអតិថិជនរបស់ខ្លួន តាមរយៈគុណភាព និងប្រសិទ្ធភាពផលិតផលនានា ក៏ដូចជាចំណីអាហារប្រកបរសជាតិ និងដោយអនាម័យបន្ថែមពីលើសោភ័ណភាពដ៏ទាក់ទាញនៃផ្សារទំនើបទាំងមូល។
តាមរយៈបុគ្គលិកផ្នែកទីផ្សារជាន់ខ្ពស់ប្រចាំនៅក្នុងផ្សារទំនើប FURI Times Squareក្រុងព្រះសីហុន កញ្ញា ប៉ែន ម៉ារ៉ា បានប្រាប់ឱ្យដឹងថា បច្ចុប្បន្ននេះ មានអតិថិជាច្រើនបានបង្ហាញពការជឿ និងទុកចិត្តទៅលើបណ្តាផលិតផលរបស់ក្រុមហ៊ុននានាដែលកំពុងមានដាក់លក់នៅក្នុងផ្សារទំនើប ជាពិសេស ផ្នែកចំណីអាហារដែលប្រកបទៅដោយគុណភាព រសជាតិ និងអនាម័យខ្ពស់។
កញ្ញា ប៉ែន ម៉ារ៉ា បានបញ្ជាក់ថា “អតិថិជនដែលមកផ្សារទំនើប FURI Times Square គឺមានចំរុះជាតិសាសន៍ ប៉ុន្តែក្នុងនោះអតិថិជនជាជនជាតិខ្មែរមានចំនួនច្រើនជាងគេ ដែលពួកគាត់មកស្វែងរកទិញសម្ភារៈ និងផលិតផលប្រើប្រាស់ច្រើនជាងការមកកម្សាន្ត”។ កញ្ញាបានបន្តទៀតថា “មួយរយៈចុងក្រោយនេះ ជាពិសេសក្រោយពេលដែលមានហេតុការណ៍ជំងឺ Covid-19 នៅក្នុងក្រុងព្រះសីហនុ បានធ្វើឱ្យពួកគាត់មានការប្រុងប្រយ័ត្នខ្ពស់ទៅលើសុខសុវត្ថិភាព ដែលក្នុងនោះ ផ្សារទំនើប FURI Times Square គឺជាជម្រើសរបស់ពួកគាត់ ដោយសារពួកគាត់មានជំនឿជឿទុកចិត្តទៅលើការរក្សាបាននូវអនាម័យខ្ពស់ ទាំងបរិយាកាសល្អនៅក្នុងផ្សារទាំងមូល”។
ដូចទៅនឹងការអះអាងរបស់កញ្ញា ប៉ែន ម៉ារ៉ា ជារៀងរាល់ថ្ងៃមានអតិថិជនជាច្រើនចេញចូលជាប់ឥតដាច់ ជាពិសេសនៅថ្ងៃចុងសប្ដាហ៍ ដែលមានទាំងអតិថិជនជាលក្ខណៈគ្រួសារដែលក្រៅពីទិញសម្ភារៈប្រើប្រាស់ប្រចាំថ្ងៃ រួមនឹងផលិតផលផ្សេងៗ ក៏មានការទទួលទានអាហាររួមគ្នាប្រកបទៅដោយភាពរីករាយផងដែរ។
ផ្សារទំនើប FURI Times Square មានទីតាំងស្ថិតនៅសង្កាត់លេខ៤ ក្រុងព្រះសីហនុ ដែលទើបតែចាប់បើកដំណើរការសាកល្បង កាលពីអំឡុងចុងឆ្នាំ២០១៩ កន្លងទៅនេះ ទទួលបាននូវការគាំទ្រពីសំណាក់អតិថិជនជាតិ និងអន្តរជាតិ គួរជាទីមោទន។
ផ្សារទំនើប FURI Times Square បាននាំមកជូនអតិថិជននូវបណ្តាផលិតផល មុខទំនិញចំរុះ យ៉ាងសម្បូរបែប ដែលសុទ្ធតែជាម៉ាកយីហោល្បីៗលំដាប់សាកលលោក ដូចជា ក្រុមហ៊ុន KFC , ក្រុមហ៊ុន Starbucks , ក្រុមហ៊ុន Amazone Café ,ក្រុមហ៊ុន KOI , ក្រុមហ៊ុន Dakasi Tea , ហាងអាហារមកពីប្រទេសសាំងហ្គាពួរ ក្រុមហ៊ុនលក់សម្លៀកបំពាក់ LEVI’s , ក្រុមហ៊ុន NIKE ក្រុមហ៊ុន Samsonite , ក្រុមហ៊ុននាឡិកាដ៏ល្បីឈ្មោះ G-Shock ក្រុមហ៊ុនលក់រថយន្ត HGB Group រួមជាមួយក្រុមហ៊ុនល្បីៗជាច្រើនទៀត ដោយរាប់បញ្ចូលទាំងគ្រឿងសំអាងផងដែរ ៕
