ដោយ ប៊ី
ភ្នំពេញៈ សូចនាករនាំមុខនៃការមកដល់របស់អ្នកដំណើរ កាលពីឆ្នាំមុនតាមជើងហោះហើរបានឃើញថា ទីក្រុងភ្នំពេញមានចំនួនអ្នកដំណើរលើសពី២លាននាក់ ដោយបានហក់ឡើងហួសខេត្តសៀមរាប ជាលើកដំបូងក្នុងរយៈពេលមួយទសវត្សរ៍។
ការសិក្សា៖ រាជធានីភ្នំពេញទាក់ទាញភ្ញៀវទេសចរធ្វើដំណើរសម្រាប់អាជីវកម្មច្រើនជាងខេត្តសៀមរាប
ការស្រាវជ្រាវកាលពីពេលថ្មីៗនេះ ដោយក្រុមអ្នកពិគ្រោះយោបល់ផ្នែកបដិសណ្ឋារកិច្ច C9 Hotelworks ក៏បានចាប់យកទិន្នន័យ ដែលបង្ហាញពីទិសដៅកំណើនប្រកបដោយស្ថេរភាពផងដែរ ដោយសារតែការមកដល់របស់អ្នកដំណើរ បានកត់អត្រាកំណើនពីរខ្ទង់ចាប់ពីឆ្នាំ២០១២ ដល់ឆ្នាំ២០១៨ ដែលមានអត្រាកំណើនប្រចាំឆ្នាំ១៨ភាគរយ។
អ្នកវិភាគនិយាយថា “កត្តាជំរុញនៃការផ្លាស់ប្តូរសម្រាប់ទីក្រុង គឺនៅជិតទីស្នាក់ការកណ្តាលវិស័យឯកជន និងសាធារណៈឈានមុខគេរបស់ប្រទេស និងទីតាំងយុទ្ធសាស្ត្រសម្រាប់គំនិតផ្តួចផ្តើមខ្សែក្រវ៉ាត់១ និងផ្លូវ១ (BRI) ប្រកបដោយមហិច្ឆតា របស់ប្រទេសចិន។ អ្នកវិភាគបានបន្តថា “ឥឡូវគំនិតផ្តួចផ្ដើម BRI បានលាតសន្ធឹងពាសពេញប្រទេសកម្ពុជា ហើយរត់ទៅខាងត្បូងឈូងសមុទ្រថៃ និងរហូតដល់សមុទ្រចិនខាងត្បូង។
ការលើកឡើងពីសក្តានុពលធុរកិច្ច និងទេសចរណ៍ដ៏សំខាន់របស់ទីក្រុង គឺជាការធ្វើបច្ចុប្បន្នភាពទីផ្សារសណ្ឋាគារភ្នំពេញឆ្នាំ ២០២០របស់ C9ដែលរាយការណ៍ថា អាស៊ីគឺជាតំបន់ប្រភពលេចធ្លោសម្រាប់ភ្ញៀវទេសចរ ដែលតំណាងឱ្យចំណែកទីផ្សារ៧៩ភាគរយ ហើយ៦៦ ភាគរយនៃចរាចរណ៍ក្នុងតំបន់មកពីប្រទេសចិនដីគោក។
ចំណាត់ថ្នាក់ទីផ្សារប្រភពភូមិសាស្ត្រកំពូលទាំង៥ មានប្រទេសចិនឈរនៅលំដាប់កំពូលដោយមាន៥២ ភាគរយ បន្ទាប់មកមានប្រទេសម៉ាឡេស៊ី សហរដ្ឋអាមេរិក ជប៉ុន និងថៃ។
ដោយឡែកភ្នំពេញមានសណ្ឋាគារចំនួន៣១៣ ដែលមានបន្ទប់១៩,៣៣៧ និងផ្ទះសំណាក់ចំនួន៥២៣កំពុងដំណើរអាជីវកម្ម។ នេះបើយោងតាមរបាយការណ៍របស់ក្រុមហ៊ុន C9 Hotelworks ។
សញ្ញាច្បាស់លាស់នៃការរីកចម្រើនយ៉ាងឆាប់រហ័ស ដែលជះឥទ្ធិពលដល់វិស័យបដិសណ្ឋារកិច្ច ត្រូវបានបង្ហាញនៅក្នុងការពិតដែលថា បច្ចុប្បន្នមានសណ្ឋាគារថ្មីចំនួន១៥ ស្ថិតនៅគម្រោង ដែលមានបន្ទប់ចំនួន៧៨៤៩ ។
របាយការណ៍បញ្ជាក់ផងដែរថា សណ្ឋាគារ១៣ក្នុងចំណោមសណ្ឋាគារថ្មីៗ ដែលនឹងមកដល់នាពេលខាងមុខមាន លក្ខណៈអន្តរជាតិដោយក្រុមគ្រប់គ្រង សណ្ឋាគារពិភពលោករួមមាន Marriott, Hyatt, Shangri-La and ACCOR ។
រាជធានីភ្នំពេញ ស្ថិតក្នុងស្ថានភាពប្រហាក់ប្រហែល នឹងទីតាំងមូលធនច្រកចេញចូលអាស៊ីCBD ផ្សេងទៀតដូចជាចាការតា និងយ៉ាំងហ្គូន ដែលសណ្ឋាគារត្រូវបានកំណត់ដោយអ្នកធ្វើដំណើរសម្រាប់ជំនួញ៕
