ដោយ ប៊ី
អន្តរជាតិៈ ការប្រកាសបិទប្រទេសរបស់អាមេរិក ដើម្បីការពារការរីករាលដាលនៃជំងឺ COVID-19 ធ្វើឱ្យអត្រាគ្មានការងារធ្វើ និងបានធ្វើឱ្យប៉ះពាល់ដល់កម្មកររាប់លាននាក់ នៅខែមេសា។
ការិយាល័យស្ថិតិការងាររបស់អាមេរិក បានឱ្យដឹងកាលពីថ្ងៃសុក្រថា សេដ្ឋកិច្ចសហរដ្ឋអាមេរិក បានបាត់បង់ការងារចំនួន២០.៥លាននាក់ នៅក្នុងខែមេសា ដែលជាការធ្លាក់ចុះភ្លាមៗ និងធំបំផុតមិនធ្លាប់មាន ចាប់តាំងពីរដ្ឋាភិបាលបានចាប់ផ្តើម តាមដានទិន្នន័យក្នុងឆ្នាំ១៩៣៩។
ការខាតបង់ទាំងនោះកើតឡើង បន្ទាប់ពីការធ្លាក់ចុះយ៉ាងខ្លាំង នៅក្នុងខែមីនាផងដែរ នៅពេលដែលនិយោជិក បានកាត់បន្ថយការងារចំនួន៨៧០,០០០កន្លែង។ រយៈពេលពីរខែនេះ គឺជាពេលដែលការងារបាត់បង់ធ្ងន់ធ្ងរ។
សម្រាប់ជនជាតិអាមេរិកជាច្រើន ដែលបានបាត់បង់ការងារ និងផ្ទះសម្បែងរបស់ពួកគេក្នុងវិបត្តិហិរញ្ញវត្ថុឆ្នាំ២០០។ បញ្ហានាពេលនេះធ្វើឱ្យរបួសចាស់កើតឡើងវិញ។ វាបានចំណាយពេលជាច្រើនឆ្នាំ ដើម្បីធ្វើឲ្យស្ថានភាពស្ទុះងើបឡើងវិញ ពីឧបសគ្គទាំងនោះ។ នៅពេលដែលសេដ្ឋកិច្ចវិលត្រលប់មកវិញ និយោជកអាមេរិក បានបន្ថែមការងារចំនួន២២,៨លានក្នុងរយៈពេល១០ឆ្នាំ ដែលជាជោគជ័យសម្រាប់អ្នកទាំងឡាយណា ដែលបានធ្លាក់ចូលក្នុងវិបត្តិសេដ្ឋកិច្ច។
ឥឡូវនេះជំងឺរាតត្បាតឆ្លងរាលដាលនេះ មិនត្រឹមតែជាវិបត្ដិនៃសុខភាពសាធារណៈនោះទេ ប៉ុន្តែវាក៏បានបំផ្លាញ ដល់ការខិតខំបង្កើតការងារជិតមួយទសវត្សរ៍នេះ ត្រឹមតែរយៈពេលពីរខែប៉ុណ្ណោះ។
អត្រាគ្មានការងារធ្វើបានកើនឡើងដល់១៤,៧ភាគរយ នៅក្នុងខែមេសា ដែលជាកម្រិតខ្ពស់បំផុតមួយ។
ទីប្រឹក្សាសេដ្ឋកិច្ចនៃសេតវិមានលោកKevin Hassett បានប្រាប់សារព័ត៌មាCNN ថា “អ្នកគ្មានការងារធ្វើម្នាក់ៗ និងជីវិតរបស់ពួកគេ កំពុងស្ថិតក្នុងភាពច្របូកច្របល់”៕
