វិភាគៈ ប្រជាជនគួររៀនរស់នៅជាមួយជំងឺCOVID-19 ដើម្បីធ្វើឱ្យសេដ្ឋកិច្ចមានដំណើរការធម្មតានិងនិរន្តរភាព

ដោយ ប៊ី

ភ្នំពេញៈ ការគ្រប់គ្រងជំងឺCovid-19 របស់ប្រទេសអ្នកមាន និងមានសមត្ថភាពខ្ពស់មួយចំនួន (ជាពិសេសសហរដ្ឋអាមេរិក និងចក្រភពអង់គ្លេស) បានបរាជ័យក្នុងការគ្រប់​គ្រងជំងឺនេះ ខណៈប្រទេស និងតំបន់ក្រីក្រមួយចំនួនទៀត ដែលមានសមត្ថភាពតិច (រួមទាំងប្រទេសវៀតណាមក្រិក និងរដ្ឋKerala របស់ឥណ្ឌា) បានគ្រប់គ្រងជំងឺនេះយ៉ាងមានប្រសិទ្ធភាព។

នៅសហរដ្ឋអាមេរិក និងចក្រភពអង់គ្លេស របៀបគ្រប់គ្រងមិនមានផែនច្បាស់លា​ស់​ បានបណ្តាលឱ្យមានភាពជាប់គាំងគោលនយោបាយ រវាងការរក្សាការបិទប្រទេស និងការបើកសេដ្ឋកិច្ចឡើងវិញ។

ផ្ទុយទៅវិញ អ្នកធ្វើគោលនយោបាយនៅរដ្ឋ Rio Grande do Sul របស់ប្រេស៊ីលបានប្រើផែនការយ៉ាងប្រុងប្រយ័ត្ន ដើម្បីរៀនរស់នៅជាមួយជំងឺនេះ។

រដ្ឋបានចាប់ផ្តើមរៀបចំឡើងវិញនៅថ្ងៃទី ២ ខែមីនា នៅពេលដែលអភិបាលខេត្តលោក Eduardo Leite បានប្រគល់ភារកិច្ចជាលេខាធិការរបស់លោក និងផែនការថវិកា និងការគ្រប់គ្រង ជាមួយនឹងការប្រមូលផ្តុំគណៈកម្មាធិការទិន្នន័យ ដើម្បីរៀបចំនិងអនុវត្តន៍ផែនការ ដើម្បីធ្វើឱ្យសេដ្ឋកិច្ចរបស់រដ្ឋមានដំណើរការ ខណៈពេលដែលការប្រយុទ្ធប្រឆាំងនឹងការរីករាលដាលនៃជំងឺនេះ។

នៅផ្នែកជាច្រើននៃប្រទេសប្រេស៊ីល ជំងឺនេះនៅតែមិនត្រូវបានត្រួតពិនិត្យ ហើយឥឡូវនេះប្រទេសនេះ មានចំនួននៃអ្នកឆ្លងជំងឺ Covid-19 ខ្ពស់ជាងគេលំដាប់លេ ២ នៅលើពិភពលោក និងជាចំនួនអ្នកស្លាប់ខ្ពស់បំផុតទី៦។ ប៉ុន្តែរដ្ឋដែលមានប្រជាជនច្រើនបំផុតទី៥ (១១,៣ លាននាក់ក្នុងឆ្នាំ ២០១៦) បានឆ្លើយតបតាមរបៀបមួយ ដែលប្រទេ​សអ្នកមានជាច្រើនធ្វើត្រាប់តាម។

សមាសធាតុទាំងប្រាំនៃការឆ្លើយតបរបស់ Rio Grande do Sul លេចធ្លោ និងមានប្រសិទ្ធភាព ទី១ មុនពេលជំងឺរាតត្បាតបានទៅដល់ប្រទេសប្រេស៊ីល មន្ត្រីរដ្ឋបានប្រើទិន្នន័យពីប្រទេសជប៉ុន និងសឹង្ហបូរី (កន្លែងដែលផលប៉ះពាល់នៃវីរុសមានកំរិត) និងអ៊ីតាលី និងអេស្បាញ (ដែលជាកន្លែងគួរឱ្យរន្ធត់) ដើម្បីបង្កើតការប៉ាន់ស្មាន និងបានកំណត់ដើម្បីជៀសវាងលទ្ធផលស្រដៀងនឹងលទ្ធផលចុងក្រោយ។

បន្ទាប់មកលោកអភិបាល បានប្រកាសពីការរឹតត្បិតនៅពាក់កណ្តាលខែមីនា មុនពេលដែលរដ្ឋនេះ បានរាយការណ៍អំពីការស្លាប់ Covid-19 លើកដំបូងរបស់ខ្លួន ដូច្នេះវាត្រូវការពេលវេលា ដើម្បីពង្រឹងសមត្ថភាពប្រព័ន្ធសុខាភិបាល ខណៈពេលដែលការរីករាលដាលនៃជំងឺនេះមានល្បឿនយឺត។

ទី២ មន្រ្តីរដ្ឋបានយកវិធីសាស្រ្ត តាមរយៈការប្រើប្រាស់ទិន្នន័យ ដើម្បីតាមដានជំងឺ ដោយវិនិយោគមិនត្រឹមតែ ក្នុងការប្រមូលទិន្នន័យបន្ថែមប៉ុណ្ណោះទេ ប៉ុន្តែថែមទាំងក្នុងការកែលម្អប្រព័ន្ធទិន្នន័យ និងជួលអ្នកមានទេពកោសល្យឆ្នើម ដើម្បីវាយតម្លៃព័ត៌មាន។ គណៈកម្មាធិការទិន្នន័យ បានបែងចែករដ្ឋជា២០តំបន់ ដោយតំបន់នីមួយៗត្រូវមានមន្ទីរពេទ្យសំខាន់មួយ ដែលមានមណ្ឌលថែទាំយ៉ាងយកចិត្តទុកដាក់ ហើយបានត្រួតពិនិត្យសូចនាករចំនួន១១ នៅក្នុងតំបន់នីមួយៗជារៀងរាល់សប្តាហ៍។

ប្រហែលពាក់កណ្តាល នៃសូចនាករវាស់វែងការរីករាលដាលនៃជំងឺCOVID-19។ សូចនាកររាប់បញ្ចូលទាំងករណីCovid-19 នៅមន្ទីរពេទ្យថ្មី (ប្រៀបធៀបនឹងសប្តាហ៍មុន) ចំនួនករណីសកម្ម ទាក់ទងនឹងការធូរស្បើយឡើងវិញ ក្នុងរយៈពេល៥០ថ្ងៃចុងក្រោយ និងការសម្រាកព្យាបាលនៅមន្ទីរពេទ្យ និងស្លាប់ថ្មីក្នុងចំណោមប្រជាជន ១០០.០០០ នាក់។ គណៈកម្មាធិការក៏តាមដានចំនួនអ្នកជំងឺទៀងទាត់ ជាមួយជម្ងឺCovid-19 ឬរោគសញ្ញាផ្លូវដង្ហើមធ្ងន់ធ្ងរ ដែលទាក់ទងនឹងជំងឺសួត (ដោយសារតែករណី Covid-19 ជាទូទៅមិនត្រូវបានគេកត់ត្រាទុក) ។

សូចនាករផ្សេងទៀត វាស់សមត្ថភាពប្រព័ន្ធសុខាភិបាលរបស់តំបន់នីមួយៗ។ ពួកគេរាប់បញ្ចូលចំនួនគ្រែICU ដែលអាចរកបានទាក់ទងនឹងចំនួនប្រជាជនសរុប និងចំនួនប្រជាជនដែលមានអាយុលើសពី៦០ឆ្នាំ ក៏ដូចជាការផ្លាស់ប្តូរកន្លែងព្យាបាល បើប្រៀបធៀបទៅនឹងសប្តាហ៍មុន។

បន្ថែមពីលើការត្រួតពិនិត្យទិន្នន័យ គណៈកម្មាធិការនេះកោះហៅអ្នកជំនាញសុខភាព និងអ្នកសិក្សាស្រាវជ្រាវធ្វើរបាយការណ៍ ដើម្បីជំរាបដំណឹងជាសាធារណៈ។ អ្នកជំនាញជាង១៥០នាក់ មកពីរដ្ឋាភិបាល និងបណ្ឌិត្យសភាកំពុងពិនិត្យលើផលប៉ះពាល់របស់ Covid-19 លើសកម្មភាពសេដ្ឋកិច្ចភាពងាយរងគ្រោះ សង្គម ហេដ្ឋារចនាសម្ព័ន្ធ និងការជួបជុំនៅក្នុងរដ្ឋ។

លើសពីនេះទៀត រដ្ឋាភិបាលបានបង្កើតភាពជាដៃគូ ជាមួយសាកលវិទ្យាល័យ​មួយ ដើម្បីចាប់ផ្តើមការសាកល្បង និងការស្ទង់មតិដោយចៃដន្យ នូវទម្លាប់របស់ប្រជាជននៅទូទាំងរដ្ឋ ដែលផ្តល់នូវការយល់ដឹងកាន់តែច្បាស់ អំពីអត្រាប្រេវ៉ាឡង់ពិតប្រាកដនៃជំងឺCOVID-19។

សមាសធាតុទីបីនៃការឆ្លើយតបរបស់រដ្ឋ គឺប្រព័ន្ធដាស់តឿនដ៏សាមញ្ញ ជាក់លាក់ និងមានតម្លាភាព។ រាល់សប្តាហ៍គណៈ កម្មាធិការបង្វែរសូចនាករទាំង១១ ទៅជាតួលេខតែមួយសម្រាប់តំបន់នីមួយៗ ដែលដាក់តំបន់នេះនៅក្នុងចំណាត់ថ្នាក់មួយ ដែលមានហានិភ័យនៃហនិភ័យទាំង៤។

ពណ៌លឿងតំណាងឱ្យហានិភ័យទាប ពណ៌ទឹកក្រូច គឺមធ្យមពណ៌ ក្រហមខ្ពស់ ហើយខ្មៅបង្ហាញពីហានិភ័យខ្ពស់បំផុត ជាមួយនឹងការបិទរដ្ឋពេញលេញ ដែលរំពឹងទុកថាមានករណីធ្ងន់ធ្ងរ។ ដោយសារតែសាធារណៈជនអាចពិនិត្យមើលទិន្នន័យ ដែលការធ្វើចំណាត់ថ្នាក់ហានិភ័យមានមូលដ្ឋាន ប្រព័ន្ធជួយក្នុងការកសាងការយល់ដឹង និងទុកចិត្ត។

ទី៤ មន្រ្តីបានពិនិត្យដោយយកចិត្តទុកដាក់ ពីរបៀបធ្វើឱ្យសេដ្ឋកិច្ចមានដំណើរការល្អ ព្រោះរដ្ឋដែលជំពាក់គេរួចហើយ មិនអាចមានលទ្ធភាពផ្គត់ផ្គង់ដល់ប្រជាពលរដ្ឋ ដែលគ្មានការងារធ្វើបានយូរ។ គណៈកម្មាធិការបានបែងចែកការងារ និងសកម្មភាពសេដ្ឋកិច្ចយ៉ាងច្បាស់ទាក់ទង នឹងសុវត្ថិភាពកម្មករ (ដែលតម្រូវឱធ្វើគន្លាតសង្គម)។

ឧទាហរណ៍កសិកម្មមានសុវត្ថិភាពណាស់ ពីព្រោះកម្មករនៅខាងក្រៅ និងនៅចម្ងា​យឆ្ងាយពីគ្នាទៅវិញទៅមក ហើយឧស្សាហកម្មនេះក៏មានសារៈសំខាន់ផងដែរ សម្រាប់សេដ្ឋកិច្ចរបស់រដ្ឋ Rio Grande do Sul។ ព័ត៌មានទាំងអស់មានជាសាធារណៈ។

ទី៥ រដ្ឋាភិបាលរដ្ឋបានរៀបចំពិធីសារវិលត្រឡប់ទៅធ្វើការវិញ សម្រាប់ឧស្សាហកម្មនីមួយៗ ដោយផ្អែកលើការពិគ្រោះយោបល់ ជាមួយអ្នកជំនាញសុខភាពវិជ្ជាជីវៈ សមា​គមឧស្សាហកម្ម អាជីវកម្ម និងកម្មករ។ តាមរយៈការបោះពុម្ភសេចក្តីព្រាងពិធីសារដើម គណៈកម្មាធិការបានជួយធានានូវដំណើរការបើកចំហ និងតម្លាភាព។

លើសពីវិធានការណ៍ចាំបាច់ ដូចជា ការសម្អាត ការឃ្លាតឆ្ងាយពីគ្នា ការពាក់ម៉ាស និងការការពារក្រុមដែលងាររងគ្រោះ ពិធីសារនៃវិស័យនានា គឺអាស្រ័យលើកម្រិតនៃការជូនដំណឹង។ ឧទាហរណ៍ឧស្សាហកម្ម អាចដំណើរការនៅសមត្ថភាព១០០ភាគរយ នៅក្នុងតំបន់ពណ៌លឿង៧៥ភាគរយ ក្នុងតំបន់ពណ៌ទឹកក្រូច៥០ភាគរយ នៅតំបន់ក្រហម និង២៥ភាគរយនៅតំបន់ខ្មៅ។

ដោយមានការលើកលែង ចំពោះវិស័យសំខាន់ៗដូចជាអាហារ ថាមពល គីមី និងសុខភាព។ តំបន់ផ្សារដូចជា តំបន់លក់រាយ ដែលបង្កជាហានិភ័យនៃការឆ្លងកាន់តែខ្ពស់ អាចដំណើរការបានត្រឹមតែ៥០ភាគរយប៉ុណ្ណោះ ក្រោមការដាស់តឿនពណ៌លឿង ហើ​យត្រូវបិទក្រោមសញ្ញាប្រកាសអាសន្នពណ៌ខ្មៅ៕