ដោយ ៖ រ៉ាណេត
ភ្នំពេញ ៖ នៅក្នុងរយៈពេល៦ខែ នៃឆ្នាំ២០២០កន្លងទៅនេះ សម្រាប់វិស័យដឹកជញ្ជូន មានកុងតឺន័រសរុបចំនួន ១៣៥ ៦០១ ទូរ ដែលបានចេញចូលដឹកជញ្ជូនទំនិញគ្រប់ប្រភេទតាមរយៈកំពង់ផែក្រុងព្រះសីហនុ មានការកើនឡើងប្រមាណ១៣ភាគរយ បើប្រៀបធៀបរយៈពេលដូចគ្នាកាលពីឆ្នាំ២០១៩ ដែលមានត្រឹម ១២០ ០៩០ ទូរ តែប៉ុណ្ណោះ ។
យោងតាមរបាយការណ៍របស់កំពង់ផែក្រុងភ្នំពេញ ដែលបណ្តាញគេហទំព័រ Propertyarea.asia ទទួលបាននៅថ្ងៃទី៦ ខែកក្កដា ឆ្នាំ២០២០នេះ បានបញ្ជាក់ថា គិតត្រឹមរយៈពេល៦ខែនៃឆមាសទី១ ឆ្នាំ២០២០នេះ បរិមាណទូរកុងតឺន័រដឹកជញ្ជូនទំនិញចេញចូលតាមកំពង់ផែក្រុងភ្នំពេញ មានចំនួន ១៣៥,៦០១ TEUs (ទូរ) កើនឡើង១៣% បើធៀបនឹងរយៈពេលដូចគ្នាមានតែ ១២០,០៩០ TEUs ប៉ុណ្ណោះ។
តាមរយៈរបាយការណ៍ដដែលបានបញ្ជាក់ថា សម្រាប់ទំនិញ-ប្រេងឥន្ធនៈ ចូលតាមកំពង់ផែក្រុងភ្នំពេញវិញ មានចំនួន ១ ៧៩៦ ៦៥០តោន ធ្លាក់ចុះ ៤ភាគរយ។ នាវាផ្ទុកទំនិញឆ្លងការកំពង់ផែ មានចំនួន១១៣៥គ្រឿង កើនឡើងភាគរយ, ទទួលនាវាទេសចរណ៍ចំនួន១២៦ជើង ធ្លាក់ចុះ២៨ភាគរយ និងបរិមាណអ្នកដំណើរមានចំនួន៩៧៣៣នាក់ ធ្លាក់ចុះ៣៨ភាគរយ។
សម្រាប់តែមិថុនា ឆ្នាំ២០២០កន្លងទៅនេះ ទំនិញ-ប្រេងឥន្ធនៈ ចូលតាមកំពង់ផែក្រុងភ្នំពេញ មានចំនួន ៣៤៤ ៤៩៩តោន ធ្លាក់ចុះ ៣ភាគរយ។ នាវាផ្ទុកទំនិញឆ្លងការកំពង់ផែ មានចំនួន ១៩៥គ្រឿង ធ្លាក់ចុះ៥ភាគរយ, នាវាទេសចរណ៍មិនមានទទួល ធ្លាក់ចុះ១០០ភាគរយ បរិមាណកុងតឺន័រមានចំនួន ២៥ ៤៥៦ ទូរ និងបរិមាណអ្នកដំណើរមិនមាននោះទេ ធ្លាក់ចុះ១០០ភាគរយ៕
