ដោយវុត្ថា
ភ្នំពេញៈ រដ្ឋាភិបាលតាមរយៈក្រសួងសុខភិបាល បានចេញចេញសេក្តីណែនាំចំនួន៦ចំណុច ដើម្បីការការពារចម្លងជំងឺ Covid-19 ក្នុងអំឡុងពេលឈប់សម្រាកចំនួន ៥ ថ្ងៃដើម្បីសងថ្ងៃឈប់សម្រាក ការងារសម្រាប់បុណ្យចូលឆ្នាំប្រពៃណីជាតិ។
យោងតាមសេចក្តីណែនាំ ដែលបានផ្សព្វផ្សាយកាលពីពេលថ្មីៗនេះ បានឱ្យដឹងថា ដើម្បីការពារការចម្លងជំងឺ Covid-19 មកបុគ្គល និងចូលទៅក្នុងសហគមន៍ ប្រជាពលរដ្ឋទាំងអស់ ត្រូវប្រកាន់យកនូវការរស់នៅតាមបែបគន្លងថ្មី ដោយចេះកែប្រែទម្លាប់ និងឥរិយាបទ ប្រកបដោយការប្រុងប្រយ័ត្នខ្ពស់ និងនៅតែបន្តការការពាចម្លងជំងឺ Covid-19 នេះ ទោះនៅក្នុងពេលវេលាណា ទៅទីណា និងនៅកន្លែងណាក៏ដោយ។
ក្រសួងសុខាភិបាលបញ្ជាក់ថា “ប្រជាពលរដ្ឋទាំងអស់ ត្រូវចូលរមបន្តអនុវត្តប្រកបដោយប្រសិទ្ធិភាពខ្ពស់ នូវវិធានការការពារខ្លួនពីការចម្លងជំងឺCovid-19”។
វិធានការណ៍ទាំង៦ចំណុចមានដូចជា ទី១ ជ្រើសរើសការជួបជុំគ្រួសារ ឬដំណើរកំសាន្តប្រកបដោយសុវត្ថិភាព មិនមានការចម្លងជំងឺ ទី២ ជ្រើសរើសមធ្យោបាយធ្វើដំនើរមានសុវត្ថិភាព កាត់បន្ថយជាអតិប្បរិមានូវការចម្លងជំងឺ ទី៣ ជ្រើសរើសទីកន្លែងស្នាក់នៅប្រកដោយសុវត្ថិភាព និងកាត់បន្ថយហានិភ័យនៃការចម្លងជំងឺ ទី៤ជ្រើសរើការទទួលទានអាហារប្រកបដោយសុវត្ថិភាព មិនបង្កការចម្លងជំងឺ ទី៥ បុគ្គលម្នាក់ៗ ត្រូវរក្សាអនាម័យជានិងច្ច និងទី៦ត្រូវរក្សាគម្លាតសុវត្ថិភាពបុគ្គល។
សម្តេចតេជោ ហ៊ុន សែននាយករដ្ឋមន្ត្រីនៃកម្ពុជា បានម្រេចឱ្យមន្ត្រីរាជការ និយោជិត កម្មករ ឈប់សំរាកការងារពីថ្ងៃទី ១៧- ២១ ខែសីហា ឆ្នាំ ២០២០ ខាងមុខនេះ ដើម្បី សងថ្ងៃឈប់សម្រាកការងាររបស់មន្ត្រីរាជការ និយោជិត កម្មករ ក្នុងពិធីបុណ្យចូលឆ្នាំថ្មីប្រពៃណីជាតិ៕
