អត្ថបទ ៖ ក្រុមហ៊ុន
ភ្នំពេញ ៖ SUNDOOR ដែលជាក្រុមហ៊ុនផលិតពិដាន និងទ្វារប្រភេទ PVCសម្រាប់បម្រើនៅក្នុងវិស័យសំណង់ ចាប់ផ្តើមពង្រីកទីផ្សាររបស់ខ្លួននៅកម្ពុជាឱ្យកាន់តែទូលាយ បន្ទាប់ពីទទួលបានការគាំទ្រពីសំណាក់អតិថិជន និងអ្នកអភិវឌ្ឍន៍ជាបន្តបន្ទាប់។
ក្រោយការបង្ហាញវត្តមានក្នុងនាមជាអ្នកផ្គត់ផ្គង់សម្ភារៈសំណង់ដែលផ្តោតសំខាន់ទៅលើទ្វារ និងពិដាន សម្រាប់បំពាក់នៅតាមសំណង់អាគារចំរុះដូចជា ខុនដូ អាផាតមិន ការិយាល័យ មន្ទីរពេទ្យ សាលារៀន វីឡា ផ្ទះល្វែង ដែលមានគុណភាពខ្ពស់ ទំនើបទាន់សម័យស្របតាមកម្រិតស្ដងដា និងមានគ្រប់ទំហំទៅតាមតម្រូវការ ចាប់ផ្តើមពង្រីកទីផ្សាររបស់ខ្លួនកាន់តែទូលាយនៅក្នុងប្រទេសកម្ពុជា។ នេះបើផ្អែកតាមការឱ្យដឹងពីសំណាក់អ្នកតំណាងក្រុមហ៊ុននាព្រឹកថ្ងៃទី៣១ ខែកក្កដា ឆ្នាំ២០២០នេះ។
ក្រុមហ៊ុនផលិត និងផ្គត់ផ្គង់ទ្វារ ពិដាន SUNDOOR មានក្រុមអ្នកជំនាញដែលពោរពេញទៅដោយសមត្ថភាព និងភាពម៉ឺងម៉ាត់ ដោយមានការត្រៀមខ្លួនរួចជាស្រេចក្នុងការចូលប្រឡូក ប្រកួតប្រជែងនៅក្នុងទីផ្សារកម្ពុជា ដែលជាស្ថាប័នធំៗមានស្រាប់។ ក្រុមហ៊ុនមានក្ដីរំពឹង និងជឿជាក់យ៉ាងច្បាស់ក្នុងកិច្ចដំណើរការរបស់ខ្លួន ដែលនឹងឈានទៅរកភាពជោគជ័យក្នុងពេលដ៏ខ្លីខាងមុខនេះ។
អ្នកតំណាងក្រុមហ៊ុន SUNDOOR បានបញ្ជាក់ថា “នៅក្នុងដំណើរការដំបូងនេះ យើងមានការតាំងចិត្តខ្ពស់ជាមួយនឹងការខិតខំប្រឹងប្រែងក្នុងការជំនះនូវរាល់ឧបសគ្គដែលប្រឈម ហើយធ្វើការដោះស្រាយដោយសន្ដិវិធី ដើម្បីឈានទៅដល់ការគោលដៅនៃភាពជោគជ័យយ៉ាងត្រចះត្រចង់ ដែលគោលបំណងចម្បងរបស់យើង។ ក្នុងរយៈពេលនេះ យើងចាំបាច់បំផុត ធ្វើគ្រប់មធ្យោបាយ ដើម្បីបំពេញនូវតម្រូវការរបស់អតិថិជនដែលចង់បាន ដែលធ្វើយ៉ាងណា អាចពង្រីកវិសាលភាព និងចែកចាយផលិតផលនៅលើទីផ្សារសំណង់គ្រប់បណ្តាខេត្តក្រុងនានានៅទូទាំងប្រទេសកម្ពុជា”។
ក្រុមហ៊ុន SUNDOOR មានគោលដៅយ៉ាងមុតមាំដើម្បីក្លាយខ្លួនទៅជាក្រុមហ៊ុនឈានមុខគេមួយក្នុងការផ្គត់ផ្គង់ទ្វារ និងពិដាន ដែលមានលក្ខណៈទំនើប ទាន់សម័យ ប្រកបដោយគុណភាព ដែលជាតម្រូវការចាំបាច់សម្រាប់វិស័យសំណង់នៅកម្ពុជា ។ បច្ចុប្បន្ន ក្រុមហ៊ុន SUNDOOR បាន និងកំពុងរៀបចំគោលនយោបាយក្នុងការក្លាយខ្លួនជាស្ថាប័នដែលមានការទទួលស្គាល់ទាំងក្នុង និងក្រៅប្រទេស រួមជាមួយនឹងការដាក់គោលដៅចម្បងក្នុងការស្វែងរកផលចំណេញជូនអតិថិជន ដោយការផ្តល់ជូននូវផលិតផលថ្មីៗប្រកបដោយគុណភាពខ្ពស់ទៅកាន់ទីផ្សារកម្ពុជា ដែលកំពុងមានកំណើនសេដ្ឋកិច្ច និងកាលានុវត្តភាពនៃវិស័យពាណិជ្ជកម្មនៅពេលបច្ចុប្បន្ន និងបន្តទៅថ្ងៃអនាគត។
ជាមួយគ្នានេះ ក្រុមហ៊ុនក៏មានបេសកកម្មពិសេស ដើម្បីធ្វើការផ្តល់ជូននូវសេវាកម្ម រួមជាមួយនឹងផលិតផលមានគុណភាព ប្រកបដោយក្រមសីលធម៌របស់បុគ្គលិកជំនាញ មានសមត្ថភាព និងចំណេះដឹងយ៉ាងពិតប្រាកដ ដើម្បីបំពេញសេចក្ដីត្រូវការរបស់អតិថិជនគោលដៅរបស់ខ្លួន ដែលក្នុងនោះរួមមានជាអាទិ៍ ៖ អតិថិជនដែលជាអ្នកប្រើប្រាស់ផ្ទាល់ អ្នកចែកចាយបន្ត ក៏ដូចជាចែកចាយទៅតាមបណ្តាទីផ្សារនៅទូទាំងប្រទេសទៅតាមតម្រូវការ។
សម្រាប់ព័ត៌មានលម្អិតសូមទាក់ទងតាមរយៈទូរស័ព្ទលេខ ៖ 077 555 554 / 077 783 168 / 087 783 168
