ដោយ ៖ វុត្ថា
កូរ៉េ ៖ ឯកអគ្គរាជទូតកម្ពុជាប្រចំានៅក្នុងប្រទេសកូរ៉េ លោក ឡុង ឌីម៉ង់ បានស្នើស្នើឱ្យក្រុមហ៊ុនតម្លើងរោងចក្រផលិតផលកសិកម្ម ចំណីអាហារ និងគ្រឿងសម្អាងរបស់កូរ៉េមកដាក់ទីតាំងនៅក្នុងប្រទេសកម្ពុជា សម្រាប់ផ្គង់ផ្គង់ទីផ្សារនៅក្នុងស្រុក និងចែកចាយនៅតាមបណ្តាប្រទេសក្នុងតំបន់អាស៊ាន។
លោក ឡុង ឌីម៉ង់ ឯកអគ្គរាជទូតកម្ពុជា នៅក្នុងដំណើរចុះទសន្សកិច្ច និងស្វែងយល់ពីរោងចក្រ Yoonji កាលពីម្សិលមិញនេះ បានឱ្យដឹងថា រោងចក្រ Yoonji នេះ មានឯកទេសផលិតសម្បកធ្វើពីផ្លាស្ទិកសម្រាប់ច្រកផលិតផលកសិកម្ម ចំណីអាហារ និងគ្រឿងសម្អាង។
លោកបន្តថា រោងចក្រនេះក៏ផលិត និងច្រកចូលសម្បកផ្លាស្ទិកនូវផលិតផលគ្រឿងសម្អាង និងទឹកជេលលាងសម្អាតដៃផងដែរ។
លោកឯកអគ្គរាជទូតកម្ពុជា បានលើកទឹកចិត្តថ្នាក់ដឹកនាំក្រុមហ៊ុនឱ្យមកសិក្សា និងដាក់ទីតាំងតម្លើងរោងចក្រនៅក្នុងប្រទេសកម្ពុជា ដើម្បីបានផ្គត់ផ្គង់ទីផ្សារក្នុងស្រុក ក៏ដូចជាចែកចាយបន្តដល់ប្រទេសនានាដែលស្ថិតនៅក្នុងតំបន់អាស៊ានដែលជាទីផ្សារដ៏ធំមួយ៕
