ដោយ៖ ប៊ី
ភ្នំពេញ៖ កម្មវិធី TikTok បានរួចផុតពីការហាមឃាត់ក្នុងការដាក់ឱ្យប្រើប្រាស់នៅសហរដ្ឋអាមេរិកកាលពីសប្តាហ៍មុន ដោយចៅក្រមសហព័ន្ធបានសម្រេចថា ទីក្រុងវ៉ាស៊ីនតោនមិនអាចរារាំងកម្មវិធីពី App Store បាននោះទេ។
ម្មវិធីវីដេអូទម្រង់ខ្លីបែបកម្សាន្តនៅតែអាចចូលដំណើរការបាន ប៉ុន្តែជោគវាសនារបស់កម្មវិធីនៅក្នុងប្រទេសនេះគឺនៅតែមានភាពមិនច្បាស់លាស់នៅឡើយ។ នេះបើយោងតាមការចេញផ្សាយរបស់សារពត័ត៌មាន CNN នៅថ្ងៃទី៦ ខែតុលា ឆ្នាំ២០២០។
សេចក្តីសម្រេចរបស់តុលាការគ្រាន់តែជាបណ្តោះអាសន្នប៉ុណ្ណោះ ហើយអាចត្រូវបានប្តឹងឧទ្ធរណ៍ដោយរដ្ឋាភិបាលសហរដ្ឋអាមេរិក។ សេចក្តីសម្រេចនេះក៏អាចត្រូវបានដកចេញវិញ ដោយវាគ្រាន់តែជាសម្រេចរបស់ចៅក្រម ពីព្រោះ TikTok បានប្តឹងជំទាស់នឹងការហាមឃាត់នេះ ហើយក្រុមហ៊ុនអាចនឹងបាត់បង់រឿងក្ដីរបស់តុលាការ។
រឿងក្ដីតុលាការរបស់ TikTok ជារឿងតែមួយ បង្កព្រួយបារម្ភដល់បញ្ហាសន្តិជាតិរបស់សហរដ្ឋអាមេរិក ខណៈអាមេរិកចង់គ្រប់គ្រងកម្មវិធីនេះអនាគត។
ម្ចាស់ក្រុមហ៊ុន ByteDance ជាជនជាតិចិនរបស់កម្មវិធី TikTok កំពុងចរចារទិញលក់ក្នុងកិច្ចព្រមព្រៀងជាមួយក្រុមហ៊ុនអាមេរិក Oracle (ORCL) និងក្រុមហ៊ុន Walmart (WMT) ដែលអាចគ្រប់គ្រាន់ ដើម្បីឆ្លើយតបនឹងកង្វល់របស់រដ្ឋបាល Trump អំពីកម្មវិធីនេះ និងកាត់បន្ថយសម្ពាធរបស់អាមេរិកតែម្តង និងសម្រាប់ទាំងអស់គ្នា។
ការព្យាយាមបិទកម្មវិធីនេះ បានកើតឡើងកាលក្នុងខែសីហានៅ ពេលដែលលោក Trump បានចេញបទបញ្ជាប្រតិបត្តិ ដែលនឹងហាមឃាត់ TikTok នៅសហរដ្ឋអាមេរិកដាច់ខាត។ ក្រោយមកលោកបាននិយាយថា ការហាមឃាត់អាចត្រូវរួចផុត ប្រសិនបើក្រុមហ៊ុនអាមេរិកណាមួយទិញយកកម្មវិធីនេះ។
ទន្ទឹមនេះដែរ TikTok បានបដិសេធតបវិញចំពោះការអះអាងថា ខ្លួនបង្កហានិភ័យសុវត្ថិភាព ដោយនិយាយថា ទិន្នន័យអ្នកប្រើដែលរក្សាទុកលើជនជាតិអាមេរិកត្រូវបានរក្សាទុកនៅអាមេរិក ដោយមានការបម្រុងក្នុងការរក្សាទិន្នន័យនៅសឹង្ហបុរី។ ការតវ៉ាប្រឆាំងរបស់ខ្លួនចំពោះការហាមឃាត់នេះបានជំរុញឱ្យ TikTok ប្តឹងរដ្ឋបាល Trump នៅក្នុងតុលាការសហព័ន្ធ៕
