ដោយ : ហ្សូលី
ភ្នំពេញ៖ អង្គការពាណិជ្ជកម្មពិភពលោក (WTO) បានរំលឹកពីការព្យាករណ៍របស់ខ្លួនថា ទំហំពាណិជ្ជកម្មទូទាំងពិភពលោកនៅក្នុងឆ្នាំ ២០២០នេះធ្លាក់ចុះលើសពីការរំពឹងទុក ពោលគឺធ្លាក់ចុះពី ១២.៩ភាគរយ មកត្រឹម ៩.២ ភាគរយ។
យោងតាមសេចក្តីប្រកាសព័ត៌មានរបស់អង្គការពាណិជ្ជកម្មពិភពលោករៀបរាប់ថា ទស្សនវិស័យវិជ្ជមានកើតឡើងដោយផ្អែកលើលទ្ធផលនៃការធ្វើពាណិជ្ជកម្មដ៏រឹងមាំនៅក្នុងខែមិថុនា និងខែកក្កដា នៅពេលវិធានការប្រឆាំងនឹងការរីករាលដាលនៃជំងឺ Covid-19 ត្រូវបានបន្ធូរបន្ថយ។
ការធ្វើពាណិជ្ជកម្មទំនិញដែលទាក់ទងទៅនឹងទំនិញនៃជំងឺរាតត្បាតមានសន្ទុះខ្លាំងក្នុងអំឡុងពេលនេះ។ នេះជាការសង្កេតឃើញរបស់អង្គការពាណិជ្ជកម្មពិភពលោក WTO។
សេចក្តីប្រកាសព័ត៌មានដដែលថា ការព្យាករណ៍សម្រាប់ឆ្នាំក្រោយអាចមានទុទិដ្ឋិនិយមច្រើនជាងការប៉ាន់ស្មានកាលពីលើកមុននៃកំណើនប្រមាណ ២១.៣ ភាគរយ ដែលធ្វើឱ្យពាណិជ្ជកម្មទំនិញស្ថិតនៅក្រោមនិន្នាការរីករាលដាលមុនឆ្នាំ ២០២១។
ទន្ទឹមនេះ សេដ្ឋវិទូប្រចាំស្ថាប័ននេះបានព្រមានថា ទស្សនវិស័យដែលប្រសើរឡើងអាចត្រូវបានរំខានដោយផលប៉ះពាល់ដែលកំពុងកើតមានដោយជំងឺរាតត្បាត។
ជំងឺ Covid-19 បានធ្វើឱ្យមានផលប៉ះពាល់ និងរំខានលើវិស័យជាច្រើនទូរទាំងពិភពលោកដូចជា វិស័យទេសចរណ៍ ការធ្វើដំណើរ និងផលិតកម្ម។ កាលពីខែមេសា សេដ្ឋកិច្ច និងអាជីវកម្មជាច្រើនបានបិទទាំងស្រុង អង្គការពាណិជ្ជកម្មពិភពលោក បានធ្វើការព្យាករណ៍ម្តងថានឹងមានការធ្លាក់ចុះខ្លាំងនៅឆ្នាំ ២០២០ ចន្លោះ ១២ ភាគរយ ទៅ ៣២ ភាគរយ។
បច្ចុប្បន្នពាណិជ្ជកម្មពិភពលោកកំពុងជួបប្រទះការស្ទុះងើបឡើងវិញនៃការនាំចេញនិងការនាំចូល តែក៏នៅមានភាពមិនប្រាកដប្រជា ដោយសារការព្យាករណ៍ពឹងផ្អេកលើការវិវត្តនៃជំងឺរាតត្បាតនិងការឆ្លើយតបរបស់រដ្ឋាភិបាលពិភពលោក៕
