ដោយវុត្ថា
ភ្នំពេញៈ ប្រទេសកម្ពុជាបាននឹងកំពុងកាត់បន្ថយ ការប្រើប្រាស់ថាមពលវារីអគ្គិសនី ដោយសារកត្តាកង្វះខាតទឹកនៅតាមទំនប់វារី ហើយបាននឹងកំពុងតែស្វះស្វែងរកប្រភពអគ្គីសនីពីធ្យូងថ្ម ថាមពលកកើតឡើងវិញ (LNG ) ផ្ទាំងសូឡា និងជាពិសេសប្រភពអគ្គិសនីពីប្រទេសជិតខាង ដើម្បីឆ្លើយតបទៅនឹងតម្រូវការនៅក្នុងប្រទេស។
ក្រុមហ៊ុន វិភាគទិន្នន័យ GlobalData បានបង្ហាញថា ប្រទេសកម្ពុជាបានប្រើប្រាស់ថាមពលវារីអគ្គិសនី អស់រយៈពេល១០ឆ្នាំមកហើយ ប៉ុន្តែក្នុងរយៈពេលប៉ុន្មានឆ្នាំកន្លងមកនេះ ត្រូវបានគេកត់សម្គាល់ឃើញថា ប្រភទឹកដើម្បីផ្តល់កម្លាំងថាមពល មានការខ្វះខាត។
ក្រុមហ៊ុនបន្តថា ថាមពលដែលបានបង្កើតថ្មី ប្រមាណ៨៣ភាគរយ ត្រូវបានសាងសង់នៅចន្លោះឆ្នាំ២០២០ ដល់២០៣០ គឺមកពីធ្យូងថ្ម (៥៦%) និងសូឡា PV (២៧%) ខណៈថាមពលវារីអគ្គិសនី មានត្រឹមតែ (៨%) និងប្រេង (៩%) និងក្រៅពីនោះជាសមត្ថភាពថ្មីដែលនៅសេសសល់។
លោក Ankit Mathur អ្នកដឹកនាំអនុវត្តផ្ទាល់ក្រុមហ៊ុនGlobal Dataបានឱ្យដឹងថា ប្រទេសកម្ពុជាភាគច្រើន ត្រូវបានគេគិថាប្រភពមពលវារីអគ្គិសនី កំពុងបំពេញតម្រូវការយ៉ាងខ្លាំងនៅក្នុងប្រទេស ប៉ុន្តែប្រភពវារីអគ្គីសនីមានចំនួន៥៨% ក្នុងឆ្នាំ២០១៨ បានធ្លាក់ចុះប្រមាណ៤៥% នៅក្នុងឆ្នាំ២០១៩ទៅវិញ។
លោកបន្តថា ភាពរាំងស្ងួតក្នុងឆ្នាំ២០១៩ បានកាត់បន្ថយចំណែក នៃថាមពលវារីអគ្គិសនីនៅរបស់ប្រទេសនេះយ៉ាងខ្លាំង ដោយបង្ខំឱ្យជ្រើសរើសយកប្រភពផ្សេងទៀតដើម្បីគាំទ្រដល់ជំនាន់ និងជៀសវាងស្ថានភាព ដែលមិនបានមើលឃើញទុកជាមុន។
លោកបន្ថែមថា ទន្លេមេគង្គផ្តល់នូវសក្តានុពលខ្លាំងក្លា សម្រាប់ការអភិវឌ្ឍវារីអគ្គិសនីនៅក្នុងប្រទេសនេះ ប៉ុន្តែគម្រោងអភិវឌ្ឍននីមួយៗ ត្រូវបានគេប្រឆាំងយ៉ាងខ្លាំងពីអ្នកបរិស្ថានដោយសារការធ្វើឱ្យគ្រោះថ្នាក់ដល់ជលផល និងដីកសិកម្ម។
រដ្ឋាភិបាលបានបង្ហាញពីបំណង ក្នុងការពង្រីកការវិនិយោគ និងលើកកំពស់ហេដ្ឋារចនាសម្ព័ន្ធអគ្គិសនីនៅក្នុងប្រទេស។ តាមការប៉ាន់ស្មានបណ្តាញបញ្ជូន និងចែកចាយនាពេលបច្ចុប្បន្ន នឹងកើនឡើងក្នុងអត្រាកំណើនប្រចាំឆ្នាំប្រចាំឆ្នាំ ប្រមាណ១១,៨ភាគរយ រហូតដល់ឆ្នាំ២០២៥ ដែលស្ទើរតែបញ្ចោញបណ្តាញបញ្ជូនវែងជាងបច្ចុប្បន្ន។
ជាមួយនឹងការពង្រីកវិនិយោគ លើរោងចក្រថាមពលធ្យូងថ្ម និង LNG ត្រូវបានបង្ហាញថា ប្រទេសកម្ពុជាពឹងផ្អែកយ៉ាងសំខាន់ ទៅលើប្រេងឥន្ធនៈ និងអគ្គិសនីដែលបាននាំចូល ហើយវានឹងបន្តធ្វើរហូតទាល់តែ គម្រោងហេដ្ឋារចនាសម្ព័ន្ធ ចេញជារូបរាងទាំងស្រុង៕
