កម្មវិធី​ថ្មី ! ទិញ​ទំនិញ​បាន​លុយ​បន្ថែម​ពី​ផ្សារ​ទំនើប FURI Times Square

0

ដោយៈ រ៉ា​ណេ​ត

ព្រះសីហនុៈ ជា​រៀងរាល់​សប្ដាហ៍ និង​ប្រចាំខែ ផ្សារ​ទំនើប​ដ៏​ធំ​ប្រចាំ​នៅក្នុង​ក្រុងព្រះសីហនុ FURI Times Square តែង​បង្កើត​កម្មវិធីសប្បាយៗ ព្រឹត្តិការណ៍ប្លែកៗជាមួយនឹង​ការលក់ទំនិញល្បីៗបញ្ចុះតម្លៃ​ជាច្រើន ជាពិសេស​កម្មវិធី​ទិញ​ទំនិញ បាន​លុយ​បន្ថែម​ត្រឡប់មកវិញ​ដែល​នឹង​អនុវត្ត​ក្នុងពេលឆាប់ៗខាងមុខនេះ។

ប្រធាន​គ្រប់គ្រង​ផ្នែក​ទីផ្សារ​នៃ​ផ្សារ​ទំនើប Furi Times Square លោ​កវែន ប៊ុនលី បាន​ប្រាប់ឱ្យដឹង​តាម​ទូរស័ព្ទ កាលពី​ល្ងាច​ថ្ងៃទី១៦ ខែវិច្ឆិកា ឆ្នាំ២០២០ ថា ក្រោម​ការយកចិត្តទុកដាក់ ក្នុងការ​រៀបចំ​តុបតែង​លម្អ​នៅ​ផ្នែក​ខាងក្នុង និង​ខាងក្រៅ​បរិ​វេញ​ផ្សារ​ទំនើប​ដ៏​ធំ និង​លើកដំបូង​នៅ​ក្រុងព្រះសីហនុ FURI Times Square គ្រប់​អតិថិជន​ទាំងអស់ នឹង​កាន់តែ​រីករាយ និង​សប្បាយ​ដើរ Shopping ជាមួយនឹង​ការដាក់​តាំង​លក់​ផលិតផល​ម៉ាកល្បីៗ ចំរុះ​យ៉ាង​សម្បូរបែប ប្រកបដោយ​គុណភាព​ខ្ពស់​នាំចូល​ពី​បរទេស​ពិត។

លោក​បាន​បញ្ជាក់ថា ជាការ​លើកទឹកចិត្ត​ដល់​អតិថិជន ដែល​តែងតែ​គាំទ្រ​ផ្សារ​ទំនើប FURI Times Square គណៈកម្មាធិការ​គ្រប់គ្រង​ផ្សារ​ទំនើប FURI  Times Square បាននិងកំពុង​រៀបចំ​កម្មវិធី​ពិសេស ដោយ​គ្រប់​អតិថិជន​ដែល​មក​កម្សាន្ត ទទួល ទាន​អាហារ ក៏ដូចជា​ទិញ​ផលិតផល​គ្រប់​ប្រភេទ នឹង​ទទួលបាន Coupon សម្រាប់​ចាយ​នៅក្នុង​ផ្សារ​ត្រឡប់មកវិញ​ផងដែរ។

កម្មវិធី​នេះ នឹងត្រូវ​អនុវត្ត​ក្នុងពេលឆាប់ៗខាងមុខនេះ។ បន្ថែម​ពីលើ​កម្មវិធី​ថ្មី​មួយ​នេះ គណៈ​គ្រប់គ្រង​ក៏បាន​យកចិត្តទុកដាក់ ទៅ​ការតុបតែង​លម្អ​បន្ថែ​មយ៉ាង​ស្រស់ស្អាត សម្រាប់​អតិថិជន​ទាំងអស់​ដើរ​កម្សាន្ត ថតរូប​អនុស្សាវរីយ៍​ផងដែរ។

បច្ចុប្បន្ន FURI Times Square បានរៀបចំ​តុបតែង​លម្អ​កាន់តែ​ស្រស់ស្អាត​ជាង​មុន ជាមួយនឹង​ការនាំ​យកមក​នូវ​ផលិតផល សម្ភារៈប្រើប្រាស់ ក៏ដូចជា​ចំណីអាហារ​និង​ភេសជ្ជៈ កាន់តែ​សម្បូរបែប ដែល​សុទ្ធតែ​មានកេរ្តិ៍ឈ្មោះល្បីៗកម្រិត​អន្តរជាតិ។

លោ​កវែន ប៊ុនលី បាន​បន្តទៀតថា អតិថិជន​ដែល​មកកាន់​ផ្សារ​ទំនើប FURI Times Square ភាគច្រើន ពួកគាត់​មកជា​លក្ខណៈ​គ្រួសារ និង​មកជា​ក្រុម ដែល​ក្នុងនោះ​មាន​អ្នកខ្លះ​ក៏​មក​ដើរ​កម្សាន្ត ទទួលទាន​អាហារ ហើយ​អ្នក​ខ្លះមក​ក្នុង​បំណង​ទិញ​សម្ភារ​ប្រើប្រាស់ និង​ផលិតផល​ដែលមាន​គុណភាព។

តាម​ការ​កំណត់ចំណាំ ពីមួយថ្ងៃ​ទៅមួយថ្ងៃ ចំនួន​អតិថិជន​គឺមាន​ការកើនឡើង​ជាប់​ជាប្រចាំ ជាពិសេស​នៅ​ថ្ងៃ​ឈប់សម្រាក និង​ថ្ងៃ​ចុង​សប្ដាហ៍​ស្រប​ពេលដែល​ក្រុមហ៊ុនថ្មីៗ និង​ល្បីឈ្មោះ​ជាច្រើន បានមក​បង្ហាញ​វត្តមាន​របស់ខ្លួន នៅក្នុង​ផ្សារ​ទំនើប​មួយ​នេះ​ច្រើនជាង៣០ក្រុមហ៊ុន រួមជាមួយ​នឹង​ការលក់​បញ្ចុះតម្លៃ​ផងដែរ។

ផ្សារ​ទំនើប FURI Times Square មាន​ទីតាំង​ស្ថិតនៅ​ផ្លូវ​ឯករាជ្យ ភូមិ១ សង្កាត់​លេខ៣ ក្រុងព្រះសីហនុ ខាងត្បូង​វិមានឯករាជ្យ។ ផ្សារ​ទំនើប ដ៏​ធំ និង​ទាន់សម័យ ទើបតែ​មាន​ជា​លើកដំបូង​ប្រចាំ នៅក្នុង​ក្រុងព្រះសីហនុ​មួយ​នេះ បាន​នាំមក​ជូន​អតិថិជន​នូវ​បណ្តា​ផលិតផល មុខទំនិញ​ចំរុះ យ៉ាង​សម្បូរបែប ដែល​សុទ្ធតែជា​ម៉ាក​យីហោល្បីៗលំដាប់​សាកលលោក ច្រើនជាង៣០ក្រុម​ហ៊​ន៕

LEAVE A REPLY

Please enter your comment!
Please enter your name here