រដ្ឋាភិបាលសម្រេចផ្តល់អាជ្ញាបណ្ណដល់ក្រុមហ៊ុនចំនួន២ក្នុងការរុករករ៉ែ

ដោយ ៖ រ៉ាណេត

ភ្នំពេញ ៖
ក្នុងចំណោមបណ្ដាក្រុមហ៊ុនដែលបានដាក់ពាក្យស្នើសុំអាជ្ញាបណ្ណស្វែងរុករករ៉ែនៅខេត្តត្បូងឃ្មុំ និងខេត្តរតនគិរី មានក្រុមហ៊ុនចំនួន២ ដែលត្រូវបានជ្រើសរើសជាក្រុមហ៊ុនដែលមានលក្ខណៈសម្បត្តិគ្រប់គ្រាន់ និងមានសិទ្ធិអាទិភាពដើម្បីបន្តអនុវត្តនីតិវិធីក្នុងការផ្ដល់អាជ្ញាបណ្ណស្វែងរុករកធនធានរ៉ែ។

តាមរយៈសេចក្ដីជូនដំណឹងដែលចេញដោយក្រសួងឧស្សាហកម្មរ៉ែ និងថាមពល ស្ដីពីការប្រកាសលទ្ធផលក្រុមហ៊ុនដែលត្រូវបានជ្រើសរើសដើម្បីបន្តអនុវត្តនីតិវិធីក្នុងការផ្ដល់អាជ្ញាបណ្ណស្វែងរុករករ៉ែចំនួន១ទីតាំងក្នុងខេត្តត្បូងឃ្មុំ និងចំនួន១ទីតាំងនៅខេត្តរតនគិរី។
ទីតាំង និងក្រុមហ៊ុនដែលទទួលបានអាជ្ញាប័ណក្នុងការរុករករ៉ែទាំង២រួមមានដូចខាងក្រោម ៖
១. ស្ថិតនៅតំបន់មេមត់ ស្រុកមេមត់ ខេត្តត្បូងឃ្មុំ ដែលមានទំហំ១០៧,១០ គីឡូម៉ែត្រក្រឡាគឺក្រុមហ៊ុន រុឺនេសង់ មីនើរ៉ល (ខេមបូឌៀ) លីមីធីត (RENAISSANCE MINERALS (CAMBODIA) LIMITED)។

២. ស្ថិតនៅតំបន់ភ្នំប៉ាង ស្រុកអូយ៉ាដាវ ខេត្តរតនគិរី ដែលមានទំហំ១០០ គីឡូម៉ែត្រក្រឡា គឺក្រុមហ៊ុន អូរៀនថល វីសដឹម ខនសាល់ធីង សឺវីស (ខេមបូឌៀ) អ៉ិនវេសមិន ឯ.ក (ORIGINAL WISDOM CONSULTING SERVICES (CAMBODIA) INVESTMENT CO, LTD)។