ដោយ ៖ រ៉ាណេត
ភ្នំពេញ ៖ ទីស្ដីការគណៈរដ្ឋមន្ត្រីបានសម្រេចចេញសេចក្ដីប្រកាសព័ត៌មានស្ដីពីការជូនដំណឹងទៅលើបញ្ហាវិវាទដីធ្លីដែលប្រជាពលរដ្ឋអាស្រ័យផល និងកាន់កាប់ជិត២០០គ្រួសារ រួមជាមួយការសម្រេចធ្វើនិរាករណ៍ទៅលើរាល់លិខិតពាក់ព័ន្ធនឹងការបញ្ជាក់ពីការកាន់កាប់ ការទិញលក់ និងការផ្ទេរកម្មសិទ្ធិកាន់កាប់ដីធ្លីស្ថិតនៅក្នុងដែនព្រៃឡង់ក្នុងខេត្តកំពង់ធំ។
តាមរយៈសេចក្ដីប្រកាសព័ត៌មានរបស់ទីស្ដីការគណៈរដ្ឋមន្ត្រីនៅថ្ងៃទី២៧ ខែមករា ឆ្នាំ២០២១នេះបានបញ្ជាក់ថា ពាក់ព័ន្ធទៅនឹងវិវាទ និងទំនាស់ដីធ្លីរបស់ប្រជាពលរដ្ឋសរុបចំនួន២៨៨គ្រួសារ ដែលបានកាន់កាប់ និងអាស្រ័យផលជាយូរឆ្នាំមកហើយស្ថិតនៅតំបន់ដីក្រហម ឃុំសុចិត្រ ស្រុកសណ្តាន់ ខេត្តកំពង់ធំ ប្រតិភូគណបក្សរស្មោះខេមរាបានរកឃើញតម្រុយមួយចំនួនពាក់ព័ន្ធទៅនឹងបញ្ហាទាំងនេះ ដែលស្ថិតក្នុងដែនជម្រកសត្វព្រែ នៃតំបន់ព្រៃឡង់។
