ដោយៈគង់ ម៉ាលីន
ភ្នំពេញៈ មន្រ្តីជាន់ខ្ពស់ក្រសួងរៀបចំដែនដី នគរូបនីយកម្ម និងសំណង់បានថ្លែងថា ផ្លូវចំនួន៣៤ខ្សែនៅក្រុងព្រះសីហនុ ត្រូវបានសិក្សាដោយស្ថាបត្យករ និងវិស្វករខ្មែរសុទ្ឋសាធ។
លោកបណ្ឌិតថេង ច័ន្ទសង្វាររដ្ឋលេខាធិការក្រេសួងរៀបចំដែនដី នគរូបនីយកម្ម និងសំណង់ បានសរសេរលើបណ្តាញទំនាក់ទំនងសង្គមរបស់ខ្លួន ក្នុងសប្តាហ៍នេះ ដោយផ្តោតលើប្រធានបទ“ខ្មែរអាចធ្វើបាន”បានលើកឡើងពីសមិទ្ឋផល ហេដ្ឋារចនាសម្ព័ន្ឋដ៏លេចធ្លោនៅក្រុងព្រះសីហនុថា “ខ្មែរធ្វើបាន” ព្រោះគម្រោងធ្វើផ្លូវ៣៤ខ្សែនេះ គឺទី១) ប្រើប្រាស់ថវិកាជាតិសុទ្ធសាធ ទី២) ដឹកនាំសិក្សានិងសាងសង់ ដោយគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា។
ទី៣) សិក្សាដោយស្ថាបត្យករនិងវិស្វករខ្មែរសុទ្ធសាធ ទី៤) សាងសង់ដោយអង្គភាពនិងក្រុមហ៊ុនសញ្ជាតិខ្មែរ១០០% និងទី៥) គ្មានទីប្រឹក្សាបរទេស៕
