ដោយគង់ ម៉ាលីន
ភ្នំពេញៈ ពាក្យថានគរូបនីយកម្ម សំដៅលើដែនដីឬបែបផែនអភិវឌ្ឍន៍ ប៉ុន្តែអត្ថន័យរបស់វាបែបណា យើងនឹងបង្ហាញជូននាពេលនេះ ដើម្បីមិត្តអ្នកអានបានសិក្សាស្វែងយល់។
យោងតាមឯកសារបានបង្ហាញឲ្យដឹងលើទិដ្ឋភាពពីរសំខាន់ៗ ដូចជា ទី១ នគររូបនីយកម្មគឺជាការរៀបចំ និងពង្រីកក្រុង ដើម្បីតម្រូវតាមភាពចាំបាច់ នៃដំណើរការរីកចម្រើនផ្នែកសង្គម និងសេដ្ឋកិច្ច។ និងទី២ នគរូបនីយកម្ម គឺជាដំណើររៀបចំដែនដី និងកិច្ចអភិវឌ្ឍទីក្រុង ពិសេសការរៀបចំប្លង់សម្រាប់ប្រើប្រាស់ដីធ្លី ឱ្យបានសមស្របតាមភាពរីកចម្រើនសង្គមសេដ្ឋកិច្ចជាតិ ។
ឯកសារដដែលបានឲ្យដឹងថា កំណើននគរូបនីយកម្ម គឺជាការរីកសាយនៃការរៀបចំការពង្រីក និងការបង្កបង្កើតទីក្រុង។ សរុបសេចក្ដីមក នគររូបនីយកម្មគឺជាការរៀបចំហេដ្ឋារចនាសម្ពន្ធ និងរៀបចំគ្រប់គ្រងប្រជាសាស្ត្រទីក្រុង ដើម្បីតម្រូវតាមការកើនឡើងនៃចំនួនប្រជាជន ទីក្រុងដោយសារភាពរីកចម្រើនសេដ្ឋកិច្ច និងសង្គម។
Already urban គឺជាការសម្រេចបាននូវនគររូបនីយកម្ម ឬនិយាយឲ្យងាយយល់គឺការសម្រេចបានការរៀបចំទីក្រុង ស្របតាមការរីកចម្រើននៃសេដ្ឋកិច្ចជាតិ និងកំណើនប្រជាជនរស់នៅទីក្រុង។
ភាគរយនៃចំនួនប្រជាជនរស់នៅទីក្រុង ធៀបនឹងចំនួនប្រជាជនសរុប ក្នុងប្រទេសគឺជាកត្តាមួយយ៉ាងសំខាន់ សម្រាប់កំណត់ការសម្រេចបាននូវនគររូបនីយកម្ម៕
