ការវិនិយោគលើផ្សារហ៊ុននៅចិនស្ថិតក្នុងកំណើនទាបបំផុតមិនធ្លាប់មាន

ដោយៈ ប៊ី

ភ្នំពេញៈ ចំនួនអ្នកវិនិយោគថ្មីរបស់ចិនបានកើនឡើងក្នុងខែមេសា ក្នុងល្បឿនយឺតបំផុត គិត្រឹមរយៈពេល១៣ខែចុងក្រោយ ដោយសារសន្ទុះហក់ឡើងនៃទីផ្សារភាគហ៊ុនយឺត និងការព្រួយបារម្ភចំពោះការរឹតបន្តឹងគោលនយោបាយ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី១៥ ខែឧសភា ឆ្នាំ២០២១។

ទិន្នន័យពីក្រុមហ៊ុនបញ្ញើមូលប័ត្រ និងសាជីវកម្មចិន (CSDC) បានបង្ហាញថា ចំនួនអ្នកវិនិយោគថ្មីសម្រាប់ទីផ្សារហ៊ុនកម្រិតA បានកើនឡើងត្រឹមតែ១,៧លាននាក់ ក្នុងខែមេសា ឬ ៣,១ ភាគរយបើធៀបនឹងរយៈពេលដូចគ្នាកាលពីឆ្នាំមុន ដែលជាអត្រាទាបបំផុតចាប់តាំងពីខែមីនាឆ្នាំ២០២០។