ដោយៈសិរី ម៉ាលីនណា
ភ្នំពេញៈ ការុករករ៉ែមាស នៅខេត្តរតនគិរីកំពុងមានវឌ្ឍនភាព ដោយបច្ចុប្បន្នចំនួនរណ្តៅ ដែលបានស្រាវជ្រាវកើនដល់ជាង៨០ទីតាំងហើយ ខណៈក្រុមហ៊ុនកាណាដា Angkor Resources Corp បានបង្ហាញថា ការរុករករ៉ែនៅកម្ពុជាដើរបានមួយជំហានធំរួចហើយ។
ក្រុមការងារជំនាញរបស់ក្រុមហ៊ុននេះ បានរកឃើញគ្រាប់មាសក្នុងរណ្ដៅ និងបណ្តុំខ្សែក្រោមដីដែលសំបូរទៅដោយរ៉ែច្រើនប្រភេទ។
ជាលទ្ធផលវិជ្ជមាននេះត្រូវបានបង្ហាញ បន្ទាប់ពីក្រុមហ៊ុនបញ្ចប់ការជីករណ្តៅចំនួន៨០ កន្លែង និងបានគូសស្ទង់លើផ្ទៃដីនៅក្នុងតំបន់Wild Boar ដែលទីតាំងអាជ្ញាបណ្ណអណ្តូងមាសរបស់ខ្លួន ក្នុងខេត្តរតនគិរី។
