ដោយៈគង់ សូរិយា
ភ្នំពេញៈ នៅទីបំផុតការសាងសង់ផ្លូវល្បឿនលឿនភ្នំពេញ ព្រះសីហនុសម្រេចបានលទ្ឋផល៦០ភាគរយហើយ ខណៈគំរោងសាងសង់ផ្លូវនេះ នឹងបញ្ចប់នៅឆ្នាំ២០២៣ខាងមុខ ឬលឿនជាងនេះ។
យោងតាមបណ្តាញទំនាក់ទំនងសង្គមផ្លូវការ របស់ផ្លូវនេះបានឲ្យដឹងថា គិតត្រឹមខែឧសភា គម្រោងផ្លូវល្បឿនលឿនភ្នំពេញ ព្រះសីហនុបានសាងសង់សម្រេច60ភាគរយហើយ។ ក្រោយពេលសាងសង់រួចរាល់ គម្រោងនេះនឹងជាផ្នែកមួយដ៏សំខាន់់ក្នុងការជួយលើកស្ទួយដល់សេដ្ឋកិច្ច ប្រទេសកម្ពុជា។
នេះជាគំរោងអភិវឌ្ឍន៍៍បែបបៃតងជាលើកដំបូងនៅកម្ពុជា ដែលវាក៏ជាផ្លូវប្រវត្តិសាស្រ្តរបស់កម្ពុជាផងដែរ ដោយសារការអភិវឌ្ឍហេដ្ឋារចនាសម្ព័ន្ឋនេះ ស្ថិតនៅក្នុងគំរោងខ្សែក្រវ៉ាត់១ ផ្លូវ១របស់ប្រទេសចិន។
លោកវ៉ាស៊ីម សូរិយាអ្នកនាំពាក្យក្រសួងសាធារណៈការ និងដឹកជញ្ជូនបានមានប្រសាសន៍ឲ្យដឹងកាលពីពេលថ្មីៗនេះថា ការកសាងផ្លូវល្បឿនលឿនភ្នំពេញ ព្រះសីហនុនឹងធ្វើឡើងតាមស្តង់ដាអន្តរជាតិ ដែលវាជាផ្លូវជាប់ធន់ និងប្រើប្រាស់បានយូរ ដោយសារគម្រោងនេះចំណាយថវិកាច្រើន។
ផ្លូវល្បឿនលឿនភ្នំពេញ ព្រះសីហនុគ្រោងចំណាយទឹកប្រាក់សាងសង់១៩០០លានដុល្លារអាមេរិក៕
