ដោយៈ គៀតឈូ
ភ្នំពេញៈ និយតករធនាគារនិងធានារ៉ាប់រងកំពូលរបស់ចិន បានលើកឡើងថា ធនា គារគួរបង្កើនការការពារពីការកើនឡើង នៃកម្ចីដែលមិនដំណើរការ ខណៈប្រទេសចិនដកចេញវិធានការសង្គ្រោះមួយចំនួន អំឡុងវិបត្តិជំងឺកូវីដ១៩ ដើម្បីជួយក្រុមហ៊ុននានាទប់ទ ល់នឹងការធ្លាក់ចុះ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី១០ ខែមិថុនា ឆ្នាំ២០២១។
កាលឆ្នាំ២០២០ ធនាគារកណ្តាលបានលើកទឹកចិត្តស្ថាប័នហិរញ្ញវត្ថុ បន្ទាបអត្រាការប្រាក់ ដល់ក្រុមហ៊ុនដែលរងផលប៉ះពាល់ដោយជំងឺកូវីដ១៩ និងពន្យារពេលការទូទា ត់ជាមួយនឹងវិធានការផ្សេងៗទៀត ដើម្បីជួយដល់អ្នកខ្ចី ក្នុងអំឡុងពេលវិបត្តិជំងឺកូវីដ១៩។
លោក Guo Shuqing និយតករធនាគារ បានថ្លែងប្រាប់វេទិកាហិរញ្ញវត្ថុនៅទីក្រុងសៀងហៃថា “អត្រាកម្ចីសម្រាប់សហគ្រាសធំ និងមធ្យមមួយចំនួនបានកើនឡើង ហើយហានិភ័យឥណទាននៅស្ថាប័នធនាគារបានកើនឡើង”។
លោកបានព្រមានថា និន្នាការនៃកើនឡើងផុយស្រួយ ក្នុងវិស័យអចលនទ្រព្យ (real estate bubbles) ក្នុងស្រុកនៅតែមានសភាពធ្ងន់ធ្ងរ ដោយសារការលើកទឹកចិត្ត ក្នុងការផ្តល់កម្ចីជាមួយនឹងអត្រាការប្រាក់ទាប។
បំណុលក្រុមហ៊ុនបានកើនឡើងយ៉ាងខ្លាំង នៅក្នុងប្រទេសចិនក្នុងប៉ុន្មានឆ្នាំថ្មីៗនេះ ដោយមានទំហំទឹកប្រាក់ រហូតដល់១៤ពាន់លានដុល្លារនៅឆ្នាំ២០២០ យោងតាមវិទ្យាស្ថានហិរញ្ញវត្ថុអន្តរជាតិ។
ធនាគារនៅប្រទេសចិន បានពង្រីកប្រាក់កម្ចីថ្មីចំនួន៣ទ្រីលានដុល្លារ ក្នុងឆ្នាំ២០២០។ នេះបើយោងតាមទិន្នន័យពីធនាគារប្រជាជនចិន៕
