ដោយៈគង់ សូរិយា
ភ្នំពេញៈ ជារឿងអបអរសាទរមួយ នៃវឌ្ឍនភាពលើការស្ថាបនាផ្លូវល្បឿនលឿនភ្នំពេញ ព្រះសីហនុ ខណៈការសាងសង់ផ្លូវនេះសម្រេចបានជាង៥៥ភាគរយ និងមានល្បឿនលឿនជាងផែនការ។
ផ្លូវប្រវត្តិសាស្រ្តដែលចំណាយទឹកប្រាក់ ប្រមាណ២០០០លានដុល្លារអាមេរិកនេះ មានចំណុចពិសេសជាច្រើន ដូចជា ក្រុមហ៊ុនបានដាក់ចេញគោលដៅទាំង៧ លើការទទួលខុសត្រូវផ្នែកសង្គមអ្នកវិនិយោគ (Corporate Social Responsibility)ដើម្បីគ្រប់គ្រងគម្រោងគឺ៖ សុវត្ថិភាព គុណភាព ប្រសិទ្ធភាព នវានុវត្តន៍ ការដ្ឋានសាងសង់ឆ្លាតវៃ ការការពារបរិស្ថាន និងការយកចិត្តទុកដាក់ចំពោះធនធានមនុស្ស។
-->
ទី១ គុណភាព និង២ សុវត្ថិភាពៈ គុណភាព និងសុវត្ថិភាពគឺជាបេះដូងរបស់គម្រោង។ ប្រព័ន្ធគ្រប់គ្រងនិងស្តង់ដារ ការងារ ដែលមានគុណភាពខ្ពស់ ព្រមទាំងផ្តោតលើប្រព័ន្ធត្រួតពិនិត្យ និងវាយតម្លៃ គុណភាព និងប្រើប្រាស់ បច្ចេកវិទ្យាទំនើបៗ។ ទី៣ ប្រសិទ្ធភាព៖ គម្រោងបានកំពុងប្រើប្រាស់ផែនការរួមមួយ ព្រមទាំងបានប្រើប្រាស់នូវវិធីសាស្រ្តដែល មានលក្ខណៈវិទ្យាសាស្រ្ត និងការប្រើប្រាស់ធនធានល្អៗ។
ទី៤ ការការពារបរិស្ថានៈ ជាមួយការអភិវឌ្ឍប្រកបដោយចីរភាព ដោយប្រើប្រាស់បច្ចេកវិទ្យា និងសម្ភារ នានា ដែលមិនបង្កផលប៉ះពាល់ដល់បរិស្ថាន ទី៥ឱកាសការងារ ពលរដ្ឋកម្ពុជាចំនួន៣ ២៣៩នាក់ កំពុងបម្រើ ការងារក្នុងគម្រោងស្មើនឹង៧៨%នៃ កម្លាំងពលកម្មសរុប៤១៥៣នាក់ (ចិន៩១៤នាក់)។
ទី៦ ការផ្ទេរនូវបច្ចេកវិទ្យា៖ កំណត់ចក្ខុវិស័យរយៈពេលវែងសម្រាប់ការអភិវឌ្ឍ នាំយកនូវបច្ចេកវិទ្យាថ្មីៗ ដើម្បីសាងសង់បណ្តុះបណ្តាលជំនាញ និងផ្ទេរបច្ចេកវិទ្យាថ្មីៗ ជូនប្រជាពលរដ្ឋកម្ពុជា ទី៧) សុខមាលភាពសាធារណៈ៖ ក្រុមហ៊ុនគោរពនូវវប្បធម៌របស់ម្ចាស់ប្រទេស និងយកចិត្តទុកដាក់ចំពោះ សុខមាលភាពសាធារណៈ និងគាំទ្រជានិច្ចចំពោះការអប់រំ និងបានត្រៀមខ្លួនចូលរួមចំណែកកសាងនូវ សង្គម និងសហគមន៍៕
