Le Condé BKK1 មានមោទនភាពនាំមកជូនរឿងខ្លីបែបអប់រំលើកទឹកចិត្ត ក្រោមចំណងជើងថា “RISE” ដែលក្នុងរឿងនេះឆ្លុះបញ្ចាំងពីតថភាពកើតមានឡើងក្នុងសង្គមកម្ពុជា កំឡុងពេលដ៏លំបាកនៃការរាតត្បាតនៃជំងឺកូវីដ១៩ រួមមាន៖ក្រុមហ៊ុនផ្អាកដំណើការ ភោជនីយដ្ធានត្រូវបានបិទ កិច្ចខិតខំប្រឹងប្រែងរបស់អាជ្ញាធរក្នុងការអនុវត្តន៏តួនាទីដើម្បីការពារសុខសុវត្ថិភាពរបស់ប្រជាពលរដ្ធ។ រឿងខ្លីនេះនឹងលើកទឹកចិត្តយើងទាំងអស់គ្នាឲ្យមានស្មារតីរឹងមាំ ទាំងកម្លាំងកាយ និងផ្លូវចិត្ត ដើម្បីប្រយុទ្ធប្រឆាំងនឹងជំងឺកូវីដ ១៩។
កំឡុងពេលករណីវិជ្ជមានកំពុងកើនឡើង វាបង្កផលលំបាកជាច្រើន ដល់សង្គមយើង រហូតដល់មានការបិទខ្ទប់ក្នុងទីក្រុងភ្នំពេញ និងតំបន់ខ្លះនៃខេត្តមួយចំនួន ជាពិសេសគឺប៉ះពាល់ដល់ផ្នែកសុខភាពប្រជាពលរដ្ធ និងសេដ្ឋកិច្ចផងដែរ។
បច្ចុប្បន្ន កូវីដ១៩ នៅតែជាបញ្ហាដ៏ចម្បងមួយ ដែលមានហានិភ័យដល់សុវត្ថិភាពផ្នែកសុខភាព ដែលនឹងមានផលប៉ះពាល់យ៉ាងខ្លាំងលើការចម្លងករណីក្នុងសហគមន៍។
ទន្ទឹមនឹងហានិភ័យនេះ យើងសង្កេតឃើញដំណើរការល្អគួរឲ្យកត់សម្កាល់នៅកម្ពុជា ដោយការសហការជាមួយអង្គការសុខភាពពិភពលោក នឹងដៃគូរផ្សេងៗ។ Le Condé BKK1 ក៏បានចូលរួមសកម្មភាពនេះផងដែរ ដោយបានអនុវត្តយ៉ាងម៉ត់ចត់ទៅតាមវិធានការ ដែលបានដាក់ចេញដោយក្រសួងសុខាភិបាល ដើម្បីធានាឲ្យបាននូវអនាម័យខ្ពស់ និងសុវត្ថិភាពដល់បុគ្គលិកគ្រប់រូប និងអតិថិជនយើងផងដែរ។ ពួកគាត់ទាំងអស់តម្រូវឲ្យធ្វើតេស្តសីតុណ្ហភាព បាញ់ទឹកអាកុល និងស្កេនកូដសុវត្ថិភាពពីកូវីដ មុនពេលពួកគេចូលក្នុងការិយាល័យលក់។ បន្ថែមពីនេះ យើងបានអនុវត្តយ៉ាងខ្ជាប់ខ្ជួនលើការរក្សាគម្លាត ហើយទីតាំងយើងត្រូវបានសម្អាតជាប្រចាំ និងតម្រូវឲ្យពាក់ម៉ាស់ជាចាំបាច់ ទៅតាមគោលការណ៍វិធានការរបស់ក្រសួង និងរដ្ឋាភិបាល។
យើងត្រូវតែមានក្តីសង្ឃឹម ហើយត្រូវចងចាំ និងអនុវត្ត ៣កុំ ៣ការពារ ដែលបានលើកឡើងដោយសម្តេចអគ្គមហាសេនាបតី តេជោហ៊ុន សែន នាយករដ្ឋមន្ត្រីនៃប្រទេសកម្ពុជា។
រឿងខ្លី “RISE” នឹងចាក់បញ្ចាំងនៅការិយាល័យលក់ Le Condé BKK1 នៅថ្ងៃទី៣ ខែកក្កដា ឆ្នាំ២០២១។
ម៉ោងចាក់បញ្ចាំង៖ ២:៣០ | ៣:៣០ | ៤:៣០ (ពេលរសៀល)។
ដោយគោរពតាមគោលការណ៏៣កុំ ៣ការពារបស់រដ្ធាភិបាល យើងខ្ញុំសូមកំណត់ចំនួនអ្នកចូលរួមទស្សនា ត្រឹមតែ ១៥នាក់ប៉ុណ្ណោះក្នុង១ពេល! ដូច្នេះ សូមធ្វើការចុះឈ្មោះជាមុននៅលើទំព័រហេ្វសបុកយើងខ្ញុំ។
ជាចុងក្រោយ សូមថ្លែងអំណរគុណដល់ដៃគូរសហការ សម្រាប់ការគាំទ្រនៅក្នុងការបង្កើតរឿងខ្លីនេះ។
សកម្មភាព RISE TOGETHER នេះគឺនៅតែបន្ត ហើយយើងស្វាគមន៍ដល់ក្រុមហ៊ុននានាក្នុងការចូលរួមជាមួយគ្នា ដើម្បីសង្គមរបស់យើង។
Le Condé BKK1 សូមជូនពរដល់អ្នកទាំងអស់គ្នាចៀសឲ្យឆ្ងាយពីកូវីដ១៩ និងសង្ឃឹមថាជំងឺរាតត្បាតនេះនឹងត្រូវបានបញ្ចប់ឆាប់ៗនេះ។
