ដោយៈគង់ សូរិយា
ភ្នំពេញៈ សហគ្រិនស្រ្តីវ័យក្មេងកម្ពុជាបាន និងកំពុងផ្តល់ឱកាសការងារដល់ស្រ្តី ដែលអាចរកប្រាក់ចំណូល ពីការលក់ផលិតផលថែររក្សាសម្រស់ និងសុខភាព ដែលស្រ្តីនិងយុវវ័យអាចរកចំណូលបាន ពីការលក់ផលិតផលក្រៅម៉ោងធ្វើការ ដើម្បីរកចំណូលបន្ថែម។ ក្រុមហ៊ុនមានជំនួយក្នុងការបង្រៀន ដូចជារបៀបធ្វេីទីផ្សារ រួមទាំងការកាត់តរូបភាព និង វីដេអូ ជាដេីម ។
អំឡុងវិបត្តិកូវីដ១៩ ស្រ្តីជាច្រើនបាននិងកំពុងជួបការលំបាក ដោយបាត់បង់ការងារ បាត់បង់ចំណូល ហេតុនេះការស្វែងរកការងារថ្មីឬការងារបន្ថែម ដែលជាប្រភពចំណូលទី២របស់ពួកគេមានសារៈសំខាន់ណាស់ ដើម្បីជួយលើកកំពស់ជីវភាពគ្រួសាររបស់ខ្លួន។
អ្នកស្រី កែវ សុចិន្តា ជាដៃគូសហការក្នុងនាំចូលផលិតផលថែរក្សាសម្រស់ និងសុខភាព ម៉ាកMadamDa មកពីប្រទេសថៃបានមានប្រសាសន៍ឲ្យដឹងនាព្រឹកថ្ងៃទី៦ កក្កដានេះថា ដោយមើលឃើញការថែរក្សាសម្រស់ និងសុខភាព ជាផ្នែកមួយនៃការលើកកំពស់គុណតម្លៃស្រ្តីក្នុងសង្គម និងចង់ចូលរួមចំណែកលើកកំពស់សុខភាពប្រជាពលរដ្ឋ ទើបលោកស្រីសម្រេចចិត្តចាប់ដៃគូសហការក្នុងការចែកចែកផលិតផលនេះ នៅលើទីផ្សារ ក្នុងតម្លៃសមរម្យជាមួយនឹងគុណភាពខ្ពស់។
អ្នកស្រីបន្តថា “ផលិតផលទាំងនេះ សុទ្ធ តែផលិតផលមានគុណភាពខ្ពស់ និង ស្តង់ដារពិតប្រាកដ ហេតុនេះទើបសម្រេចចែកចាយផលិតផលនេះ ដើម្បីជួយផ្តល់ប្រាក់ចំណូល និងលើកកំពស់សុខភាពដល់ប្រជាពលរដ្ឋកម្ពុជា”។
អ្នកស្រីបន្តថា “ជាមួយនឹងទំនុកចិត្តពីម្ចាស់ផលិតផល យើងមានទីតាំងសម្រាប់ដាក់បង្ហាញផលិតផលនេះ ត្រឹមត្រូវនិងស្តង់ដា ក្នុងគំរោងThe Point Community Mall នៅទល់មុខស្ថានទូតចិន”។
ផលិតផលម៉ាកMadamDa ដែលបាននាំចូលរួមមានសាប៊ូកក់សក់ សាប៊ូដុសខ្លួន សាប៊ូដុសមុខ សាប៊ូអនាម័យស្រ្តី ហ្វាយប័រ ឡេលាបមុខនៅពេលយប់ជាដើម ហើយផលិតផលនេះមាននៅបណ្តាប្រទេសមួយចំនួនជិត ៤ ឆ្នាំកន្លងមកហើយ។
អ្នកស្រី កែវ សុចិន្តា បានបន្តថា ជាមួយនឹងការសហការលក់ផលិតផលនេះ ជាផ្នែកមួយ នៃការពង្រីកទីផ្សារបស់ក្រុមហ៊ុននៅប្រទេសថៃ ប៉ុន្តែលោកស្រីតែងតែគិតសុខភាព និងគុណភាពផលិតផលជាចម្បង ដោយធ្វើយ៉ាងណាឲ្យប្រជាពលរដ្ឋទិញយកទៅប្រើប្រាស់មានប្រសិទ្ឋភាពខ្ពស់ ពិសេសផលិតផលនេះ ស័ក្តិសមនឹងលក្ខខ័ណ្ឌអាកាសធាតុ ស្បែករបស់ពលរដ្ឋកម្ពុជា។
អ្នកស្រីបន្តរថា “MadamDa ចូលរួមលើកកំពស់សុខភាពស្រ្តី និងបុរសកម្ពុជាសមស្របនឹងលក្ខខ័ណ្ឌជីវភាពរបស់ប្រជាពលរដ្ឋ និងមានភាពសមស្របជាមួយនឹងគុណភាព និងចំណង់ចំណូលចិត្តរបស់អ្នកប្រើប្រាស់”។
អតិថិជន ឬអ្នកចង់ធ្វើជាតំណាងចែកចាយ សូមទំនាក់ទំនងលេខទូរស័ព្ទ012 969 199, 081 306 555៕
