ដោយៈ ម៉ាណេត
ភ្នំពេញៈ ក្រុមហ៊ុន Indochina Rubber Investment and Development ដែលជាក្រុមហ៊ុនរបស់វៀតណាម បានប្រកាសបន្ថែមទុនវិនិយោគប្រមាណ៧៦លានដុល្លារ ដល់គម្រោងរបស់ខ្លួននៅកម្ពុជា។ នេះបើយោតាមការចេញផ្សាយរបស់សារព័ត៌មានVNA របស់វៀតណាមកាលពីថ្មីៗនេះ។
ទោះបីជាយ៉ាងក៏ដោយ សារព័ត៌មានVNAមិនបានបញ្ជាក់ថា តើការបន្ថែមទុនរបស់ក្រុមហ៊ុនមួយនេះ ផ្តោតលើការវិនិយោគក្នុងវិស័យអ្វីនោះទេ ដោយគ្រាន់តែមានការបញ្ជាក់ថា ការវិនិយោគរបស់វៀតណាមភាគច្រើនផ្តោតលើវិស័យកសិកម្ម ពិសេសដំណាំកៅស៊ូ និងចេក។
លោកឧកញ្ញ៉ាលឹម ហេងអនុប្រធានសភាពាណិជ្ជកម្ពុជាបានថ្លែងប្រាប់នៅថ្ងៃទី៣ ខែសីហា ឆ្នាំ២០២១នេះថា ក្រុមហ៊ុននេះ គឺនៅក្នុងសមាគមវិនិយោគវៀតណាមមួយ ដែលមានចំនួនជាង១០ក្រុមហ៊ុន ខណៈប្រធានសមាគមនេះ ក៏ជាសមាជិកសភាពាណិជ្ជកម្មផងដែរ។
លោកបានថ្លែងបន្តថា “ភាគច្រើនក្រុមហ៊ុនទាំងនេះ ផ្តោតលើការវិនិយោគដំណាំកៅស៊ូ និងចេក។ វិនិយោគិនវៀតណាមច្រើនបានមកវិនិយោគកម្ពុជា ហើយមិនត្រឹមតែក្រុមហ៊ុន តែថែមមានធនាគារមួយចំនួនចូលទីផ្សារកម្ពុជា ដើម្បីគាំទ្រដល់វិស័យកសិកម្ម និងការវិនិយោគពីវៀតណាម”។
លោកឧកញ៉ាលឹម ហេងបានថ្លែបន្តថា ការរវិនិយោគបែបនេះគឺស្របទៅតាមរាជ រដ្ឋាភិបាល ក៏ដូចជាសភាពាណិជ្ជកម្ម ដែលបានអំពាវនាវឱ្យមានការវិនិយោគចូលមកប្រទេសកម្ពុជាកាន់ច្រើន ដើម្បីបង្កើនការងារ និងផលិតផលកសិកម្ម ដើម្បីធ្វើការកែច្នៃនាំចេញ។
យោងតាមរបាយការណ៍ពីការិយាល័យស្ថិតិទូទៅ (GSO) របស់វៀតណាមបានឱ្យដឹងថា អ្នកវិនិយោគមកពីប្រទេសវៀតណាម បានបោះទុនវិនិយោគគិតជាទំហំទឹកប្រាក់ប្រមាណ៨៩,២លានដុល្លារនៅកម្ពុជា ក្នុងរយៈពេល៧ខែដំបូង ឆ្នាំ២០២១ ដោយកម្ពុជាឈរនៅលំដាប់ទី២ បន្ទាប់សហរដ្ឋមេរិក ដែលវៀតណាមបោះទុនវិនិយោ
