ដោយៈ ប៊ី
ភ្នំពេញៈ រាជរដ្ឋាភិបាលកម្ពុជាប្រសិទ្ធនាមផ្លូវពយតាមូងតភ្ជាប់ពីវិថី ២ធ្នូ ចំណុចឆ្នេរសុខា ទៅផ្លូវលេខ៥០២ ចំណុចឆ្នេរអូរឈើទាលជា «វិថីតេជោ» និងស្ថាបនាបដិមាព្រះស្ថន្ទទ្រង់លើក្ងោក ស្ថិតនៅចំណុចប្រសព្វត្រីកោណ ដូចមានក្នុងប្លង់បង្ហាញទីតាំងភ្ជាប់ជាមួយ នៅក្រុងព្រះសីហនុ។
នេះបើយោងតាមលិខិតរបស់ទីស្តីការគណៈរដ្ឋមន្ត្រី ដែលចេញផ្សាយ នៅថ្ងៃទី១៤ ខែសីហា ឆ្នាំ២០២១នេះ។
ជាមួយគ្នានេះដែរ បើតាមលិខិតរបស់ទីស្តីការគណៈរដ្ឋមន្ត្រីដដែល បានឱ្យដឹងថា រាជរដ្ឋាភិបាលបានអនុញ្ញាតជូន គ.អ.ឆ.ក. ចាត់ចែងស្ថាបនាស្ថានីយប្រព្រឹត្តកម្មទឹកកខ្វក់ទី៣។
គម្រោងនេះមានសមត្ថភាពធ្វើប្រព្រឹត្តកម្មទឹកកខ្វក់ក្នុងបរិមាណ ២០,០០០ម៉ែត្រគូប ក្នុងមួយថ្ងៃ ស្ថិតនៅភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ត្រង់ចំណុចជាប់ស្ពានពីយអូរឈើទាល ដោយប្រើប្រាស់កញ្ចប់ថវិកាដែលរាជរដ្ឋាភិបាល បានសម្រេចផ្តល់ជូនរួចចំនួន២០លានដុល្លារអាម៉េរិក បានពីការអនុវត្តគម្រោងទេសចរណ៍នាគរាជ៕
