ដោយៈ សុផារី
ភ្នំពេញៈ អ្នកឧកញ៉ា លាង ម៉េង សហស្ថាបនិក និងជាប្រធានក្រុមអគ្គនាយក ជីប ម៉ុង បានចែករំលែកវិធីសាស្ត្រជោគជ័យក្នុងជីវិត សម្រាប់យុវជនវ័យក្មេងកម្ពុជា ដើម្បីទទួលបានការអភិវឌ្ឍរីកចម្រើនឥតឈប់ឈរ យើងត្រូវហ៊ានទទួលយកបញ្ហាប្រឈមនានា ហើយចាប់យកឱកាសនេះដើម្បីរៀនសូត្រ និងបន្តអភិវឌ្ឍខ្លួនឲ្យកាន់តែប្រសើរឡើង។
អ្នកឧកញ៉ា លាង ម៉េង បានចែករំលែកនូវបទពិសោធន៍ និងទស្សនទានមូយចំនួនដល់យុវជនខ្មែរថា កូនខ្មែរគួរតែរៀនសូត្រពីបទពិសោធន៍នៃអ្នកជំនាញ ដែលអ្នកជំនាញជួយបំពេញចំណុចខ្វះខាតរបស់កូនខ្មែរ ដែលពួកគាត់ចូលមកចែករំលែកបទពិសោធន៍និងមើលពីចំណុចដែលកូនខ្មែរខ្វះខាត និងគួរតែពង្រឹងបន្ថែម។ នេះជាឱកាសឱ្យមនុស្សរីកចម្រើនទៅមុខ និងអាចសាងមូលដ្ឋានគ្រឹះរឹងមាំសមត្ថភាពរបស់គាត់បាន។
រំលឹកពីអតីតកាលរបស់លោក អ្នកឧកញ៉ាបានមានប្រសាសន៍ថា “ខ្ញុំនៅចាំកាលពីឆ្នាំ១៩៩៣ ១៩៩៤ ស្ថាបនិកនៃក្រុមហ៊ុនជីប ម៉ុង គ្រុប ត្រូវជាម្តាយរបស់ខ្ញុំ បាននាំខ្ញុំទៅជួបធនាគារ”។ អ្នកឧកញ៉ាបានបន្តថា “ដោយសារគាត់មាន Basic Skill មួយដ៏ល្អ គាត់បានទៅភ្ជាប់ជាមួយធនាគារថា គាត់ចង់ខ្ចីលុយធនាគារប្រហែលជា៧ម៉ឺនដុល្លារ ឬ៥ម៉ឺនដុល្លារ ដើម្បីឱ្យកូនគាត់បានបន្តការសិក្សានៅក្រៅប្រទេស។ កន្លែងនេះ ដែលខ្ញុំមិនអាចបំភ្លេចបាន”។
អ្នកឧកញ៉ាបានណែនាំថា យើងអាចធ្វើឱ្យរីកចម្រើនបាន យើងត្រូវធ្វើយ៉ាងណាកសាងជំនាញរឹង (Hard Skill) របស់យើងដើម្បីឱ្យពូកែ។ សំខាន់បំផុត យើងបានពង្រីកសមត្ថភាពរបស់យើងឱ្យទៅជា ក្លាយខ្លួនពីកូនក្មេង (Baby continues to learn.)។ សូមប្អូនៗ កុំគិតថារៀនចប់ពីសាលា ចប់ប៉ុណ្ណឹងនោះទេ។ អ្នកខ្លះរៀនចេញពីសាលាដូចគ្នា ខ្លះក្លាយជាអ្នកដឹកនាំគេ ខ្លះជា CEO ខ្លះជា Director។
អ្នកឧកញ៉ាលាង ម៉េងបញ្ជាក់ថា “ត្រង់ហ្នឹងហើយដែលយើងត្រូវការcommitmentមែនទែន។ កាលពីមុន គេឱ្យយើងសាកល្បងធ្វើអ្វីមួយ បើយើងធ្វើបាននោះគេនឹងសម្គាល់យើងទុក។ ប្រសិនបើយើងធ្វើហើយ យើងកាន់តែខិតខំស្រាវជ្រាវ ឆ្ងល់ មិនយល់ ចេះតែបន្តទៀត យើងនឹងរីកចម្រើន។”
អ្នកឧកញ៉ាក៏ណែនាំដល់យុវជនជំនាន់ក្រោយឱ្យសាកល្បង ប្រសិនបើយើងមានឱកាស យើងត្រូវតែចាប់ផ្ដើមជាអ្នកដឹកនាំសាកល្បងមួយ ជាអ្នកដឹកនាំវ័យក្មេង (Young Leader)។ លោកបានមានប្រសាសន៍ថា អញ្ចឹងប្រសិនបើយើងជួបឧបសគ្គ Challenge ជួប Mistake ត្រូវចាំថានេះជាចំណុចខ្លាំងរបស់យើង ដែលយើងមានឱកាសជាងគេ ដូចទេវតាប្រទានឱ្យយើងជោគជ័យក្នុងជីវិត។
អ្នកឧកញ៉ាបន្ថែមថា “យើងបានជួបបញ្ហា problem ជួប mistake អស់ហ្នឹង ដែលកន្លែងហ្នឹងហើយដែលធ្វើឱ្យប្អូនៗ មានអង់ទីករការពារខ្លួនយើង ធ្វើឱ្យខ្លួនយើងខ្លាំង”៕
