ទីក្រុងហុងកុងរបស់ចិនមិនចាញ់ទីក្រុងនានានៅក្នុងពិភពលោក ព្រមទាំងមិនចាញ់ទីក្រុងឌុបៃ ដែលមានអគារខ្ពស់កប់ពពកជាច្រើនដុះច្រូងច្រាង នោះទេ នៅពេលទៅដល់ទីក្រុងដ៏ទំនើប និងទាក់ទាញមួយនេះ ពិតជាបានគយគន់នូវអគារខ្ពស់ជាច្រើនដុះច្រូងច្រាងផងដែរ។ នេះ សរបញ្ជាក់ថា ទីកុ្រងហុងកុងពិតជាមានសេដ្ឋកិច្ចលូតលាស់ និងមានគំនិតឆ្នៃប្រឌិតក្នុងការសាងសង់អគារខ្ពស់ៗបង្អួតពិភពលោក មិនចាញ់នានានៅក្នុងទីក្រុងអាស៊ីនេះ។
គេហទំព័រ propertyarea.asia នឹងបន្តលើកយកអគារខ្ពស់កប់ពពកមួយទៀត នៅក្នុងទីក្រុងហុងកុងមកចុះផ្សាយដើម្បីបង្ហាញពីមោទនៈភាពនៃការរីកចម្រើននៃអគារសំណង់របស់ពិភពលោកជូនដល់មិត្តអ្នកអាន គឺអគារ Central Plaza។
dennislau-1.jpg)
អគារ Central Plaza គឺជាអគារខ្ពស់កប់ពពកដែលមានកម្ពស់ ៣៧២ ម៉ែត្រ ស្ថិតនៅក្នុងទីក្រុងហុងកុង បានសាងសង់បញ្ចប់នៅក្នុងឆ្នាំ ១៩៩២ ។ អគារនេះ ជាអគារខ្ពស់លំដាប់ទី២ នៅក្នុងទីក្រុង ហុងកុង បន្ទាប់ពីអគារ International Finance Centre និងអគារ ICC ។
អគារនេះ គឺជាអគារដែលខ្ពស់ជាងគេងនៅក្នុតំបន់អាស៊ី ចាប់ពីឆ្នាំ ១៩៩២ ដល់ ឆ្នាំ ១៩៩៦ រហូតមានអគារ Shun Hing Square នៅក្នុងតំបន់ Shenzhen ត្រូវបានសាងសង់បញ្ចប់។ អគារ Central Plaza នេះ ខ្ពស់ជាងអគារ Bank of China Tower ជាអគារខ្ពស់ជាគេនៅក្នុងទីក្រុងហុងកុង បន្ទាប់ពីសាងសង់បញ្ចប់កំពូលអគាររបស់ខ្លួន។
អគារ Central Plaza គឺជាអគារខ្ពស់បំផុតផងដែរនៅក្នុងពិភពលោក រហូតដល់ខ្ពស់ជាងអគារ CITIC Plaza នៅក្នុងខេត្ត Guangzhou ។
អគារនេះ ត្រូវបានគេសាងសង់កំពូលរបស់វាជាត្រីកោណ ដែលនៅជាន់ខាងលើនេះមាននាឡិកាបង្ហា្ញញពេលវេលា ។ នៅក្នុងអគារនេះ ផងដែរ ក៏មានកន្លែងប្រារព្វសាសនាគ្រឹស្ថ ដែលគេហៅថា Sky City Church។
អគារដ៏អស្ចារ្យដែលមានកំពស់ ៧៨ ជាន់នេះ ត្រូវបានគេប្រើប្រាស់ជាការិយាល័យពាណិជ្ជកម្មផងដែរ ដោយមានការសាងសង់ និងគ្រប់គ្រងដោយក្រុមហ៊ុន Ryoden Development ក្រុមហ៊ុន Sino Land និងក្រុមហ៊ុនSun Hung Kai Properties ៕
