ដោយ វុត្ថា
ភ្នំពេញ៖ ប្រទេសហ្វីលីពីន ជាប្រទេសមួយក្នុងចំណោមប្រទេសដែលមានសេដ្ឋកិច្ច និងអគារខ្ពស់កប់ពកបានរីកលូតលាស់ជាច្រើនផងដែរក្នុងតំបន់អាស៊ីអាគ្នេយ៍ (Asean) នារយៈពេលប៉ុន្មានឆ្នាំចុងក្រោយនេះ។ គេហទំព័រ propertyarea.asia នឹងបន្តលើកយកអគារខ្ពស់កប់ពកមួយទៀតនៅក្នុងប្រទេសនេះ (The Gramercy Residences) ដើម្បីស្វែងយល់ពីការរីកចម្រើននៃអចលនទ្រព្យក្នុងពិភពលោក។
អគារ The Gramercy Residences ត្រូវបានគេស្គាល់ជាទូទៅថា The Gramercy Residences at Century City ជាអគារខុនដូលំនៅដ្ឋានដែលខ្ពស់កប់ពពកមួយក្នុងទីក្រុង Makati ប្រទេសហ្វីលីពីន។ កាលពីអំឡុងឆ្នាំ ២០១៦ អគារនេះ គឺជាអគារខ្ពស់លំដាប់ទី ២ ក្នុងប្រទេសហ្វីលីពីន ហើយក៏ជាអគារខុនដូលំនៅដ្ឋានមួយក្នុងចំនៅអគារផ្សេងទៀតដែលអស្ចារ្យនៅក្នុងទីក្រុង ដែលអភិវឌ្ឍន៍ដោយក្រុមហ៊ុន Century City Development Corporation ។
-->
អគារនេះ តាមគម្រោងគេសាងសង់ក្នុងកម្រិតកម្ពស់ ៦៥ជាន់ ប៉ុន្តែនៅចុងនៃការសាងសង់ត្រូវបានគេប្រកាសជាសាធារណៈថា មានកម្ពស់រហូតដល់៧៨ជាន់ និង ២៥០ម៉ែត្រដោយរាប់ពីជាន់ក្រោមរហូតដល់កំពូលនៃអគារ។
អគារ The Gramercy Residences ត្រូវបានគេគូរប្លង់ដោយ ក្រុមស្ថាបត្យកម្មមកពីរដ្ឋកាលីហ្វរញ៉ា សហរដ្ឋអាមេរិក ( Jerde Partnership International )ដោយសហការជាមួយក្រុមហ៊ុនស្ថាបត្យកម្មសំណង់ប្រទេសហ្វីលីពីន (Roger Villarosa Architect &Associates ។ ការគូរប្លងរចនាសម្ព័ន្ធ និងវិស្វកម្ម គឺធ្វើឡើងដោយក្រុមហ៊ុន Ove Arup & Partners and Sy^2 + Associates Inc។ ចំណែកការគ្រប់គ្រងសំណង់ និងគម្រោងគឺក្រុមហ៊ុនក្នុងស្រុកជាអ្នកទទួលខុសត្រូវ (Nova Construction+ Development ។
អគារ The Gramercy Residences បានចាប់ផ្តើមសាងសង់នៅក្នុងឆ្នាំ ២០០៧ និងបញ្ចប់ ព្រមទាំងបើកអោយដំណើរជាផ្លូវការនៅក្នុងឆ្នាំ ២០១៣ ដោយចំណាយថវិការអស់ចំនួន ៥.៥ ពានល់លាន (លុយហ្វីលីពីន) ជាកម្មសិទ្ធិរបស់ក្រុមហ៊ុន Century Properties និងគ្រប់គ្រងដោយក្រុមហ៊ុន Century Property Management៕
