ដោយវុត្ថា
ភ្នំពេញ៖ ប្រទេសវៀតណាមជាប្រទេស ត្រូវបានគេចាត់ទុកថាជាប្រទេសមាន សេដ្ឋកិច្ចលូតលាស់មួយក្នុងតំបន់អាស៊ាន ទាំងវិស័យកសិកម្ម ឧស្សាហកម្ម និងសំណង់ផងដែរ។
គេហទំព័រ propertyarea.asia នឹងបន្តលើកយកអគារមួយទៀត នៅក្នុងប្រទេសវៀតណាម ដើម្បីចុះផ្សាយអោយអ្នកអានបានស្វែងយល់ ពីការលូតលាស់នៃវិស័យសំណង់ក្នុងប្រទេសមួយនេះ និងបណ្តាប្រទេសនានាផ្សេងទៀត ទាំងនៅក្នុងតំបន់និងពិភពលោក។
អគារ AON Hanoi Landmark Tower ឬ គេហៅថា អគារ AON Landmark 72 គឺជាអាគររប្រើប្រាស់រួម មានកំពស់ខ្ពស់កប់ពពកមួយស្ថិតនៅក្នុងតំបន់ Pham Hung ទីក្រុងហាន់ណូយប្រទេសវៀតណាម។ អគារនេះជាអគារប្រើប្រាស់រួមដែលមានកំពស់៧២ជាន់ និង៣៥០ ម៉ែត្រ និងមានសណ្ឋាគារភ្លោះនៅជាន់ទី៤៨។ វាត្រូវបានសាងសង់នៅលើទំហំដី៤៦, ០៥៤ ម៉ែត្រការ៉េ។
អ្នកវិនិយោគ រួមជាមួយនាយកប្រតិបត្តិ និងអ្នកប្រតិបត្តិការ គឹមកពីក្រុមហ៊ុនកូរ៉េ ខាងត្បូងដែលមានឈ្មោះថា Keangnam Interprises, Ltd ដោយបានបោះទុនវិនិយោគអស់ថវិកាប្រហែល១,០៥ ពាន់លានដុល្លារ។
អគារនេះមានសណ្ឋាគារលំដាប់ផ្កាយ៥ ឈ្មោះថា InterContinental មានការិល័យធ្វើការ កន្លែងកម្សាន្ត ការិយាល័យជួល ក្លីនិក និងមជ្ឈមណ្ឌលតាំងពិពរណ៍។ក្រុមហ៊ុន Keangnam Interprises, Ltd បានកាន់ភាគហ៊ុនផ្ទាល់ខ្លួន៧០ភាគរយនៃអគារនេះ។
ក្នុងអំឡុងឆ្នាំ ២០០៨ ក្រុមហ៊ុននេះបានចុះកិច្ចព្រមព្រៀងជាមួយម្ចាស់ក្រុមហ៊ុន InterContinental Hotels Group វិនិយោគសណ្ឋាគារចំនួន៣៥៩បន្ទប់ក្រោមស្លាកសញ្ញា InterContinental Hanoi Landmark 72 ចាប់ពីជាន់ទី៩ ដល់ជាន់ ៦២ ហើយចាប់ពីជាន់ទី៦៣ដល់ជាន់ ៧០ គឺកន្លែបក្លិប និងកន្លែងលំហែកាយ។
អាគារនេះត្រូវបានគេចុះ ក្នុងកំណត់ត្រាដែលជាអគារខ្ពស់ជាងគេ ចាប់ពីឆ្នាំ ២០១១ ដល់ ឆ្នាំ២០១៨នេះនៅក្នុងប្រទេសវៀតណាម និងខ្ពស់ជាងអគារ Landmark 8 បន្ទាប់ពីបើកសម្ភោធដាក់អោយដំណើរជាផ្លូវការក្នុងឆ្នាំ២០១១កន្លងមកនេះ៕
