ដោយ វុត្ថា
ភ្នំពេញ៖ ប្រទេសកូរ៉េត្រូវាបានគេស្គាល់ថា មានសំណង់ស្ថាបត្យកម្មសំណង់អគារខ្ពស់កប់ពពករីកដុះដាលពាសពេញទីក្រុង និងមានសេដ្ឋកិច្ចរីកលូតលាស់ខ្លាំងក្រោយពីបញ្ចប់សង្គ្រាមស៊ីវិលក្នុងឆ្នាំ១៩៥៣ និងបង្កើតនូវបច្ចេកវិទ្យាថ្មីសម្រាប់បំរើអោយពិភពលោកផងដែរ។
ទោះជាយ៉ាងនេះក្តី ប្រទេសនៅក្នុងតំបន់អាស៊ី ដែលមានភាពល្បីល្បាញមួយនេះ នៅមិនទាន់ឆ្អែតឆ្អន់ ក្នុងការបង្ហាញឥទ្ធិពលរបស់ខ្លួន តាមរយៈកសាងអគារខ្ពស់កប់ពពកបន្ថែមទៀតឡើយ។
គេហទំព័រ propertyarea.asia សូមលើកយកអគារថ្មីមួយទៀតរបស់ប្រទេសមួយនេះ ដែលកំពុងសាងសង់យកមកបង្ហាញជូនដល់មិត្តអាន ដើម្បីស្វែងយល់ពីការរីកចម្រើននៃវិស័យសំណង់របស់ពិភពលោក ដែលមានឈ្មោះថា អគារ Hyundai Global Business Center ។
អគារ Hyundai Global Business Center បាននឹងកំពុងសាងសង់មានកំពស់៥៦៩ម៉ែត្រែដែលស្មើរនឹង១០៥ជាន់ ស្ថិតនៅក្នុងតំបន់ Samseong-dong សង្កាត់ Gangnam ក្នុងទីក្រុងសេអ៊ូល។ តាមគម្រោង ការសាងសង់អគារនេះ បានចាប់ផ្តើមសាងសង់នៅក្នុងឆ្នាំ២០១៦ តែត្រូវវាយកំទេចចោលដោយសារតែមាបញ្ហាមួយចំនួន ដូចជាវត្តមានអគារ KEPCO នៅក្បែរនោះ រហូតដល់ឆ្នាំ២០១៧ ក៏បានចាប់ផ្តើមសាងសង់ម្តងទៀត តែមិនបានពេញលេញនោះទេ។
បើតាមការចុះផ្សាយពីសារព័ត៌មាននៅក្នុងស្រុក បានរាយការណ៍ថា ការចាប់ផ្តើមសាងសង់អគារនេះ ជាក់ស្តែងគឺនៅក្នុងដើមឆ្នាំ ២០១៨ នេះ ហើយគ្រោងនិងបញ្ចប់សាងសង់ទាំងស្រុងនៅក្នុងឆ្នាំ២០២១ នាពេលខាងមុខនេះ។
អគារនេះ ជាកម្មសិទិ្ធគ្រប់គ្រងដោយក្រុមហ៊ុន Hyundai Morto Group ដោយមានគម្រោងសាងសង់ត្រឹមតែកម្រិតកម្ពស់៥៥៣ ម៉ែត្រ ប៉ុន្តែត្រូវបានបន្ថែមកម្ពស់របស់វារហូតដល់៥៦៩ម៉ែត្រវិញ ដោយសារតែមានបញ្ហាប្រព័ន្ធចំនួន។
វាត្រូវបានគេចាត់ទុកជាមជ្ឈមណ្ឌលពាណិជ្ជកម្មចម្រុះ សម្រាប់ប្រើប្រាស់លើគោលដៅជាច្រើនយ៉ាងដូចជា ទីស្នាក់ការក្រុមហ៊ុន Hyundai Morto ការិយាល័យជួល សណ្ឋាគារ កន្លែងសម្តែងសីល្បៈ ប្រគុំដន្ត្រី កន្លែងតាំងពិពរណ៌ កន្លែងលំហែកាយ និងកន្លែងសម្រាប់អោយភ្ញៀវទេសចរណ៍ជាតិ អន្តរជាតិអាចមើលទស្សនាទីក្រុងទាំងមូលបានថែមទៀត។ សម្រាប់ទំហំទឹកប្រាក់ ក្នុងការចំណាយសាងសង់មិនត្រឹមបានគេបង្ហាញអោយដឹងនោះទេ៕
