ដោយៈម៉ាលីនណា
ភ្នំពេញៈ រដ្ឋមន្រ្តីក្រសួងទេសចរណ៍លោកថោង ខុន បានជំរុញឲ្យរៀបចំចលនាប្រលងប្រណាំងសំខាន់ៗចំនួន៥ ដើម្បីលើកកំពស់ និងទាក់ទាញភ្ញៀវទេសចរណ៍។
លោកបានមានប្រសាសន៍ឲ្យដឹងបែបនេះ ក្នុងពេលប្រកាសដាក់ចេញយុទ្ឋនាការកម្ពុជាទេសចរណ៍សុវត្ថិភាព និងបៃតង ដែលមានការចូលរួមពីរដ្ឋមន្រ្តីក្រសួងបរិស្ថាន លោកសាយ សំអាល់ និងលោកជំទាវភឿង សកុណារដ្ឋមន្រ្តីក្រសួងវប្បធ៌ម និងវិចិត្រសិល្បៈកាលពីព្រឹកថ្ងៃទី២៧ មករាកន្លងមកនេះ។
ក្នុងពិធីដ៏មានសារៈសំខាន់នោះ លោកថោង ខុន បានស្នើឱ្យបន្តជំរុញយុទ្ធនាការ ឬចលនាប្រឡងប្រណាំងនានា ជាអាទិ៍ ចលនាប្រឡងប្រណាំង “ទីក្រុងស្អាត រមណីយដ្ឋានស្អាត សេវាល្អ និងបដិសណ្ឋារកិច្ចល្អ” ចលនាប្រឡងប្រណាំង “ស្រុកស្អាត” “ទីប្រជុំជនស្អាត”“ភូមិទេសចរណ៍ស្អាត” “បង្គន់សាធារណៈស្អាត” ។ “ចលនាប្រឡងប្រណាំងបដិសណ្ឋារកិច្ចល្អ ក្នុងវិស័យទេសចរណ៍” និង “ស្តង់ដារង្វាន់សម្តេចតេជោ នាយករដ្ឋមន្ត្រីសម្រាប់ធុរកិច្ចបៃតងក្នុងវិស័យទេសចរណ៍”។ “យុទ្ធនាការគ្មានថង់ប្លាស្ទីកនៅតាមទីតាំងទេសចរណ៍សំខាន់ៗ” “សាលាមេត្រីភាពបរិស្ថាន”…ជាដើម។ល។៕
