ដោយ៖ សុធារី
ក្រចេះ៖ កំណាត់ផ្លូវជាតិលេខ៧ ចាប់ពីចំណុចរង្វង់មូលខ្លាស្ទុះ ក្នុងសង្កាត់អូឫស្សី ក្រុងក្រចេះ ឆ្ពោះទៅចំណុចអូរច្រឡង់ ឃុំអូរគ្រៀង ស្រុកសំបូរ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាពេលខាងមុខនេះ។
ថ្លែងក្នុងកិច្ចប្រជុំរបស់រដ្ឋបាលខេត្តក្រចេះ ដើម្បីត្រៀមរៀបចំពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ នៅថ្ងៃទី០៣ ខែកុម្ភៈ ឆ្នាំ ២០២២ លោក វ៉ា ថន អភិបាលខេត្តក្រចេះ បានឱ្យដឹងថា ពិធីសម្ពោធដាក់ឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ចាប់ពីចំណុចរង្វង់មូលខ្លាស្ទុះ ក្នុងសង្កាត់អូឫស្សី ក្រុងក្រចេះ ឆ្ពោះទៅចំណុចអូរច្រឡង់ ឃុំអូរគ្រៀង ស្រុកសំបូរ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា នាពេលខាងមុខនេះ។
លោកបានណែនាំដល់មន្ទីរអង្គភាពជំនាញពាក់ព័ន្ធទាំងអស់ដែលជាគណ:កម្ម ការ និងអនុគណៈកម្មការត្រូវត្រៀមរៀបចំការពារសន្តិសុខសណ្តាប់ធ្នាប់ ទៅតាមទីតាំងដែលខ្លួនឈរជើង ដោយក្នុងនោះត្រូវត្រៀមរៀបចំឱ្យមាននូវឡានអគ្គិភ័យ ឡានសង្គ្រោះ ម៉ាស៊ីនបាញ់អាល់កុលការពារនិងសម្លាប់មេរោគ សម្ភារតេស្តរហ័ស ទីតាំងថាមពលអគ្គិសនីសម្រាប់បំភ្លឺរោងវេទិកា និងរៀបចំសម្អាតនិងលម្អតាមដងផ្លូវទីសាធារណ:រួមទាំងភ្លើងបំភ្លឺ និងត្រៀមរៀបចំប័ណ្ណសម្គាល់សម្រាប់ចូលរួមតាមប្រភេទ។
កំណាត់ផ្លូវជាតិលេខ៧ ជាប្រភេទបេតុងកៅស៊ូ AC អនុវត្តដោយក្រុមហ៊ុនសំណង់សៀងហៃ(SCG) ជាជំនួយឥតសំណងរបស់សាធារណរដ្ឋប្រជាមានិតចិន និងបំពាក់គ្រឿងសង្ហារឹមគ្រប់គ្រាន់ ចាប់ពីរង្វង់មូលខ្លាស្ទុះ ក្នុងសង្កាត់អូរឫស្សី ក្រុងក្រចេះ ដល់ភូមិរមៀត ឃុំអូរគ្រៀង ស្រុកសំបូរ ដែលមានប្រវែង៩៣គីឡូម៉ែត្រ៕
