ដោយ : វុត្ថា
ភ្នំពេញ : សារព័ត៌មានល្បីល្បាញCNBC បានចុះផ្សាយថា ជនបរទេសតែងតែសំលឹងមើលប្រទេសសម្រាប់ការរស់នៅ និងមានការចំណាយតិចសម្រាប់ជីវិតចុងក្រោយរបស់ពួក បន្ទាប់ពីពួកគេចូលនិវត្សរ៍។
យោងតាមទូរទស្សន៍CNBC ដែលបានដកស្រង់របាយការណ៍ស្រាវជ្រាវពីគេហទំព័រ International Living ស្តីពី New Report on Capital City ថា ប្រទេសកម្ពុជាគឺជាទិសដៅសម្រាប់ជនបរទេស ដែលមានបំណងរស់នៅក្រោយចូលនិវត្សរ៍ ក្នុងចំណោមប្រទេសចំនួន៥នៅក្នុងពិភពលោក ដែលផ្តល់នូវជីវិតស្រស់ថ្លា ដោយសារប្រទេសមានវប្បធម៌ល្អ សម្បូរបែប មានហេដ្ឋារចនាសម្ព័ន្ធល្អ មានទាំងអគារចាស់ជំនាន់បារំាងដែលសល់ពីអាណានិគមន៍ និងមានជម្រើសច្រើនចំពោះចំណីអាហារ និងការកម្សាន្តផ្សេងៗ ។ ជាពិសេសការចំណាយតិចក្រោម៣៧,០០០ ដុល្លារក្នុងមួយឆ្នាំ។
សារព័ត៌មានដ៏ល្បីនេះបានឲ្យដឹងទៀតថា ទីក្រុងចំនួន៤ផ្សេងទៀត ក៏ជាកន្លែងសម្រាប់រស់នៅរបស់ជនចូលនីវត្តផងដែរ ដូចជា ទីក្រុង Quito ប្រទេស Ecuador ឈរនៅលំដាប់លេខរៀងទី ១ ព្រោះមានការចំណាយពី១៩,៨០០ ដុល្លារ ទៅ២១,៩០០ ដុល្លារក្នុងមួយឆ្នាំ។ ទីក្រុងហាន់ណូយប្រទេសវៀតណាម ទីក្រុងប៉ាណាម៉ា និង ប្រទេសប៉ក់ទុយកាលក្នុងតំបន់អឺរ៉ុប ក៏ជាប់ជាទីក្រុងដែលចំណាយលើការស្នាក់នៅតិចផងដែរ។
សារព័ត៌មានេះ បានបរិយាយទៀតថា ប្រទេសទាំងប្រាំនេះ មានអាកាសធាតុល្អ ម្អូបអាហារមានប្រជាប្រិយភាព ឳជារស ប្រព័ន្ធអិនធើណិតមានល្បឿនលឿន ហេដ្ឋារចនាសម្ព័ន្ធល្អ អគារសល់ពីបុរាណច្រើន មានទន្លេ និងសមុទ្រសម្រាប់ស្រូបយកខ្យល់អាកាសក្នុងពេលវិសមកាល ព្រមទាំងមានវប្បធម៌ ប្រពៃណីជាគួជាទីចាប់អារម្មណ៍នៅក្នុងពិភពលោក។
អ្វីដែលកាន់តែសំខាន់នោះ គឺថារាល់ការចំណាយផ្សេងនោះ ក្រោម៣ម៉ឺនដុល្លារសហរដ្ឋអាមេរិកសម្រាប់គូស្វាមីភរិយាចូលនីវត្ត៕
