ដោយ វុត្ថា
ភ្នំពេញ៖ តំបន់អាស៊ីប៉ាស៊ីហ្វិកកំពុងតែមានសក្តានុពលសេដ្ឋកិច្ច និងការរីកលូតលាសនូវអគារខ្ពស់កប់ពពកជាច្រើនប្រភេទ មិនចាញ់តំបន់អឺរ៉ុប និអាហ្រ្វិកឡើយ ដោយនាពេលបច្ចុប្បន្ននេះ មានសណ្ឋាគារខ្ពស់កប់ពពកចំនួន៣ កំពស់ខ្ពស់កប់ពពកំពុងមានប្រជាប្រិយភា និងទាក់ទាញសម្រាប់ពិភពលោក ជាពិសេសសម្រាប់អ្នកទេសចរណ៍ដែលចូលចិត្តធ្វើដំណើរកម្សាន្ត និងស្វែងរកបទពិសោធថ្មីសម្រាប់ជីវិត។
សណ្ឋាគារខ្ពស់កប់ពពកទាំង ៣ នោះរួមមាន៖
១/ សណ្ឋាគារ Conrad Xiamen
សណ្ឋាគារ Conrad Xiamen គឺជាសណ្ឋាគារខ្ពស់កប់ពពកមួយស្ថិតនៅក្នុងប្រទេសចិនដែលមានកម្ពស់៣០០ម៉ែត្រ។ សណ្ឋាគារនេះស្ថិតនៅជាប់នឹងឆ្នេរសមុទ្រ និងតំបន់ដែលមានប្រជាប្រិយភាព ដូចជា សួន Xhiamen Botanical និងសួន Haiwan ដែលនៅមិនឆ្ងាយពីសណ្ឋាគារនេះ។
មិនត្រឹមតែប៉ុណ្ណោះ អ្នកដែលស្នាក់នៅក្នុងសណ្ឋាគារនេះអាចគយគន់ បេតិកភណ្ឌពិភពលោកដែលបានចុះបញ្ជីនៅអង្គការUNESCO គឺកោះGulangyuដ៏ល្បីល្បាញ ពីមាត់បង្អួចសណ្ឋាគារបាន។ នៅក្នុងសណ្ឋាគារនេះ មានទាំងបារ និងភោជនីយដ្ឋានដែលផ្តល់នូវម្ហូបអាហារបែបចិនយ៉ាងឆ្ងុយឆ្ងាញ់ ដូចជា គ្រឿងសមុទ្រ និងតែដ៏ល្បីល្បាញរបស់ចិនកផងដែរ។
២/ សណ្ឋាគារ Waldorf Astoria Bangkok
សណ្ឋាគារ Waldorf Astoria Bangkok គឺជាអគារខ្ពស់កប់ពកមួយស្ថិតនៅក្នុងទីក្រុងបាងកក ប្រទេសថៃ ដែលទើបនឹងសម្ពោធដាក់ដំណើរការជាផ្លូវការ។ វាត្រូវបានរចនាប្លង់ដោយក្រុមហ៊ុនវីស្វកម្មហុងកុង Andre Fu ដែលធ្លាប់រចនាប្លង់អគារខ្ពស់កប់ពពកជាច្រើននៅក្នុងពិភពលោក។ សណ្ឋាគារនេះ ស្ថិតចំកណ្តាលតំបន់សេដ្ឋកិច្ចរបស់ទីក្រុងបាងកក Ratchaprasong ព័ទ្ធជុំវិញដោយផ្សារ។
សណ្ឋាគារនេះមានបន្ទប់ចំនួន១៧១។ សម្រាប់ជាន់ទី១៦វិញ មានកន្លែងហាត់ប្រាណ និងអាងហែលទឹក។ នៅជាន់ខ្ពស់បង្អស់ផ្តល់ជូននូវអាហារ និងភេសជ្ជៈគ្រប់ប្រភេទ មិនត្រឹមតែប៉ុណ្ណោះអាចគយគន់ទេសភាពទីក្រុង បានយ៉ាងស្រស់ត្រកាល។ ភ្ញៀវទាំងឡាយ អាចកាម៉ង់ម្ហូបអាហារតាមដែលខ្លួនពេញចិត្តមានដូចជាសាច់អាំង គ្រឿងសមុទ្រ ជាមួយនឹងភោជនីយដ្ឋានដ៏ល្បីល្បាញBull and Bear ។ ជាងនេះទៅទៀតសណ្ឋាគារនេះក៏ផ្តល់ជូននៅស្រាក្រឡុក និងមានបារ នៅជាន់ទី៥៧ផងដែរ។
៣/ សណ្ឋាគារ Hilton Surfers Paradise
សណ្ឋាគារHilton Surfers Paradise ស្ថិតនៅក្នុងប្រទេសអូស្រ្តាលី មានកំពស់ ១៩៤ ម៉ែត្រ គឺជាសណ្ឋាគារដែលល្បីល្បាញ និងខ្ពស់កប់ពពកមួយនៅជាប់ច្រាំងសមុទ្រ Gold Coast ។ សណ្ឋាគារនេះ មានបន្ទប់ទទួលភ្ញៀវ១៦៩បន្ទប់ និងបន្ទប់គេង២២០ មានគ្រែរហូតដល់៤ក្នុងមួយបន្ទប់ថែមទៀត។
សណ្ឋាគារដែលនៅជាប់នឹងសមុទ្រនេះ មានទាំងកន្លែងលំហែកាយនៅខាងក្រៅ មានបារ អាងហែលទឹក ស្បារ និង សួនកម្សាន្តជាច្រើនផ្សេងទៀតដែលអាចគយគន់ទេសភាពសមុទ្រ និងព្រៃនៅជុំវិញនោះបាន។
មិនត្រឹមតែប៉ុណ្ណោះមានភោជនីយដ្ឋាន ដែលផ្តល់នូវម្ហូបស្រស់ៗ ដូចជា គ្រឿងសមុទ្រ ស្រាក្រឡុក និងភេជ្ជៈផ្សេងទៀតជាច្រើនមុខ៕
