ដោយៈគង់ ម៉ាលីនណា
ភ្នំពេញៈ ក្រុមហ៊ុនហ្សីលាននាម ឯ ក បានចុះអនុស្សរណៈនៃការយោគយល់គ្នាជាមួយធនាគារ Chief Bank ជាដៃគូយុទ្ឋសាស្រ្តលើកម្មវិធីកម្ចីសាច់ប្រាក់ខ្នាតតូច។
ក្រុមហ៊ុនហ្សីលាននាម និង Chief Bank ចុះ MOU ដើម្បីសហការគ្នាលើការទូទាត់សាច់ប្រាក់
ពិធីចុះហត្ថលេខានេះធ្វើឡើង រវាងបណ្ឌិតសឿង ម៉ូរ៉ារិទ្ធ ប្រធាននាយកប្រតិបត្តិ និង ក្រុមហ៊ុន ហ្សីលាននាម ឯ.ក តំណាងដោយលោក គុយ វ៉ាត ប្រធានក្រុមប្រឹក្សាភិបាល បានចុះហត្ថលេខាលើអនុស្សារណៈយោគយល់គ្នាជាដៃគូយុទ្ធសាស្ត្រ ស្ដីពីកម្មវិធីកម្ចីប្រាក់ខ្នាតតូចបែបឌីជីថល Chief Easy។
Chief Easy គឺជាកម្មវិធីកម្ចីប្រាក់ខ្នាតតូចបែបឌីជីថល (កម្មវិធីកម្ចីខ្នាតតូចតាមទូរស័ព្ទដៃ) របស់ធនាគារ ឈីហ្វ។ អតិថិជនអាចធ្វើការស្នើសុំប្រាក់កម្ចី រហូតដល់១០០០ដុល្លារ គ្រប់ទីកន្លែង និងគ្រប់ពេលវេលា ដោយពុំមានទ្រព្យធានា។ លោកអ្នកនឹងទទួលបានការឆ្លើយតប ក្នុងកំឡុងពេល២៤ម៉ោងនៃថ្ងៃធ្វើការ។
យោងតាម អនុស្សារណៈយោគយល់គ្នានេះ បុគ្គលិកក្រុមហ៊ុន ហ្សីលាននាម ឯ.ក នឹងទទួលបានការផ្តល់នូវលក្ខខណ្ឌពិសេស ក្នុងការស្នើឥណទានខ្នាតតូចដោយស្វ័យប្រវត្តិតាមប្រព័ន្ធឌីជីថល ឬហៅថា Chief Easy របស់ធនាគារ ឈីហ្វ។
ការចុះអនុស្សារណៈយោគយល់គ្នានេះ គឺជាការបើកផ្លូវដល់ស្ថាប័នទាំងពីរ ក្នុងការសហការលើសេវាកម្មផ្សេងៗទៀត នាពេលខាមុខផងដែរ៕
