ក្រសួងបរិស្ថានកំពុងសិក្សាក្នុងការបង្កើតឧទ្យានសមុទ្រថ្មីមួយនៅក្នុងខេត្តកែប

ដោយ៖ សុផារី

កែប៖ ក្រសួងបរិស្ថាន បាននិងកំពុងតែសិក្សា ដោយមានសំណើពីរដ្ឋបាលខេត្តកែប ក្នុងការបង្កើតនូវឧទ្យានជាតិសមុទ្រមួយទៀត នៅក្នុងខេត្តកែប ដើម្បីអភិរក្សធនធានសមុទ្រ ដែលសម្បូរទៅដោយជីវៈចម្រុះ និងប្រភេទសត្វជីវៈចម្រុះផ្សេងៗទៀត។

ថ្លែងនៅក្នុងសន្និសីទសារព័ត៌មាន ស្ដីពី “សមិទ្ធផលសម្រេចបានរយៈពេល៥ឆ្នាំកន្លងមក របស់ក្រសួងបរិស្ថាន” នៅព្រឹកថ្ងៃទី៣០ ខែសីហា ឆ្នាំ២០២២នេះ លោក នេត្រ ភត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានបញ្ជាក់ឱ្យដឹងថា ប្រទេសកម្ពុជាកំពុងតែសិក្សាលើការបង្កើតនូវគម្រោងឧទ្យានសមុទ្រថ្មីមួយ ដើម្បីអភិរក្សធនធានសមុទ្រ នៅក្នុងខេត្តកែប។

លោកបានឱ្យដឹងថា “ក្រសួងបរិស្ថាន បាននិងកំពុងតែបន្តការសិក្សា ដោយមានសំណើពីរដ្ឋបាលខេត្តកែប យើងកំពុងតែសិក្សាអំពីការបង្កើតនូវឧទ្យានជាតិសមុទ្រមួយទៀត នៅក្នុងខេត្តកែប ដោយសារតែទីតាំងកន្លែងនោះ គឺសម្បូរទៅដោយជីវៈចម្រុះ ដែលមានប្រភេទផ្កាថ្ម ស្មៅសមុទ្រ ជ្រូកសមុទ្រ ហើយនឹងមានត្រីដូហ្វ្រីនជាដើម ហើយនិងប្រភេទសត្វជីវៈចម្រុះផ្សេងៗទៀត”។

លោកបានមានប្រសាសន៍ថា “នាយកដ្ឋានអភិរក្សសមុទ្របាន និងកំពុងតែធ្វើការសិក្សា ក្នុងការប្រមូលទិន្នន័យពីតំបន់សមុទ្រ នៅក្នុងខេត្តកែប ដើម្បីឈានទៅដល់ការបង្កើតនូវឧទ្យានសមុទ្រ។ កម្ពុជារបស់យើងរំពឹងថា នឹងមានឧទ្យានសមុទ្រថ្មីមួយនៅក្នុងខេត្តកែប”៕

សាលាជំនាញខាងបណ្តុះបណ្តាលលើវិស័យអចលនទ្រព្យសឹង្ហបុរីត្រៀមឈានជើងចូលមកទីផ្សារកម្ពុជា

ដោយៈ គង់ សូរិយា

ភ្នំពេញៈ លោកឧកញ៉ា ឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យ បានត្រៀមចុះហត្ថលេខា នាំយកសាលាបណ្តុះបណ្តាលអ្នកជំនាញអចលនទ្រព្យដ៏ល្បី របស់ប្រទេសសិង្ហបុរី Real Centre Academy (RCA) មកកាន់ទឹកដីព្រះរាជាណាចក្រកម្ពុជា។

ស្ថាបនិកក្រុមហ៊ុនភ្នាក់ងារអចលនទ្រព្យ Khompound រូបនេះ បានមានប្រសាសន៍ឲ្យដឹងកាលពីល្ងាចថ្ងៃទី២៩ សីហាកន្លងមកថា ពេលនេះលោកកំពុងនៅទីក្រុង Pattaya ប្រទេសថៃ ។ មូលហេតុដែលលោកទៅកាន់ទីនោះ ដើម្បីចុះហត្ថលេខានាំយកសាលា RCA ដែលជាសាលាបណ្តុះបណ្តាលអ្នកជំនាញអចលនទ្រព្យដ៏ល្បីមួយ នៅប្រទេសសិង្ហបុរី មកកាន់កម្ពុជា។

លោកបន្តថា “សាលាដ៏ល្បីនេះ បានបណ្តុះបណ្តាលភ្នាក់ងារអចលនទ្រព្យប្រហែល៦០% នៅទូទាំងប្រទេសសិង្ហបុរីទាំងមូល និងមានសាខានៅតាមបណ្តាប្រទេសជាច្រើនផងដែរដូចជា ថៃ ម៉ាឡេស៊ី មីយ៉ាន់ម៉ា ហុងកុង ឥណ្ឌូនេស៊ី ហ្វីលីពីន និងឥណ្ឌា”។

លោកឧកញ៉ា ឃាង ពុទ្ធីបានឲ្យដឹងថា បញ្ហាដែលកើតឡើងនិងភាពអវិជ្ជមានមួយចំនួន ក្នុងវិស័យអចលនទ្រព្យនៅប្រទេសកម្ពុជា ដោយសារការខ្វះចំណេះដឹង ការអប់រំបណ្តុះបណ្តាល និងជំនាញច្បាស់លាស់។ ដូច្នេះការនាំយកសាលាដែលមានជំនាញ វិជ្ជាជីវៈច្បាស់លាស់ ពីប្រទេសសិង្ហបុរីទៅកាន់កម្ពុជា នៅថ្ងៃនេះ គឺជាផ្នែកមួយនៃការខិតខំប្រឹងប្រែង ដើម្បីពង្រឹងសមត្ថភាពភ្នាក់ងារ និងអ្នកជំនាញអចលនទ្រព្យទាំងអស់នៅកម្ពុជា ដើម្បី ឱ្យវិស័យអចលនទ្រព្យនៅកម្ពុជា មានភាពរីកចម្រើនឲ្យដូច និងជឿនលឿនជាងប្រទេសជិតខាងកម្ពុជា៕

Hong Kong July home prices fall to lowest since early 2020

Home prices in one of the world’s most unaffordable housing markets eased 1.6 percent last month.

Hong Kong private home prices in July dropped to the lowest since February 2020, according to official data, as homebuyers turned more bearish due to rising interest rates and an uncertain outlook.

Home prices in one of the world’s most unaffordable housing markets eased 1.6 percent last month from a month earlier, the data showed on Monday, compared with a revised 0.9 percent decline in June. The property price index slipped to 376.1 in July.

ome prices in the financial hub have dropped 4.5 percent so far this year.

“There’s a lack of positive news in the market and the pandemic is spreading again, so many buyers and sellers are waiting on the sidelines … driving down transaction volume,” said Martin Wong, Greater China head of research & consultancy at Knight Frank.

The financial hub, whose economy has been weighed down by , saw new cases of coronavirus rebounding to nearly 10,000 on Sunday.

Wong expected prices to continue easing in August and September but possibly stabilising once Hong Kong and mainland China ease travel restrictions.

The city’s financial chief Paul Chan said the government has no plans to scrap cooling measures or intervene in the market regardless of short-term fluctuations.

To attract buyers, many property developers have launched new sales at discounted prices.

Interest rates in Hong Kong tend to move in lockstep with rates in the United States, as its currency is pegged to the greenback, although they have lagged their US equivalents in recent months.

The market expected major banks in the city to raise their best lending rates next month if the US Federal Reserve lifts rates again.

តើប្លង់គោលមានអត្ថប័យបែបណានិងគ្តបដណ្តប់ទៅលើទិដ្ឋភាពអ្វីខ្លះ

ដោយៈ ជេស៊ីកា

ភ្នំពេញៈ ប្លង់គោលជាឯកសារបទដ្ឋានគតិយុត្តិមួយ ដែលត្រូវរៀបចំដោយរដ្ឋាភិបាល និងស្ថាប័នថ្នាក់ក្រោមជាតិរបស់ខ្លូន ដើម្បីរៀបចំផែនការអភិវឌ្ឍដោយមានផែនការច្បាស់លាស់។

តើប្លង់គោលមានអត្ថន័យដូចម្តេច? យោងតាមឯកសាររបស់ក្រសួងរៀបចំដែនដី នគរូបនីយកម្ម និងសំណង់បានឲ្យដឹងថា ប្លង់គោល ជាឯកសារមានលក្ខណៈយុទ្ធសាស្ត្រ នៃការរៀបចំអភិវឌ្ឍន៍ទីក្រុងពីឆ្នាំ២០២០ រហូតដល់ឆ្នាំ២០៣៥។

ប្លង់គោលត្រូវបានរៀបចំឡើង ដោយមានទិសដៅកំណត់ដូចជា ទី១កំណត់តំបន់ដែលជាដីសាធារណៈរបស់រដ្ឋ និង តំបន់ហាមសាងសង់ ព្រមទាំងតំបន់ ផ្សេងទៀតដែលប្រើប្រាស់ជារួម ឬបម្រុងទុកជាសម្បត្តិរដ្ឋ និងលំហនានាដូចជាលំហ កម្ពស់សម្រាប់យន្តហោះចុះឡើង ផែ និង បរិក្ខារសាធារណៈធំៗផ្សេងទៀត។ ទី២ បង្កើតអនុសាសន៍ ដែលជាយុទ្ធសាស្ត្រអភិវឌ្ឍន៍សេដ្ឋកិច្ច និង សង្គមកិច្ចរបស់ទីក្រុង ។

បំណងនេះគឺសំដៅរៀបចំតម្រង់ទិស សម្រាប់ថ្ងៃអនាគតនូវការវិនិយោគរបស់រដ្ឋ និងឯកជន៕

ការអភិវឌ្ឍផ្លូវល្បឿនលឿននិងហេដ្ឋារចនាសម្ព័ន្ធផ្សេងៗរបស់រដ្ឋាភិបាលជាការជំរុញដល់សេដ្ឋកិច្ចជាតិ

ដោយៈសុផារី

ភ្នំពេញៈ អនុប្រធានសភាពាណិជ្ជកម្មកម្ពុជាលោកបណ្ឌិតតាន់ មុនីវណ្ណ បានចាត់ទុកការសាងសង់ផ្លូវល្បឿនលឿនភ្នំពេញ- ខេត្តព្រះសីហនុ ដែលជាការវិនិយោគរបស់ក្រុមហ៊ុនចិន និងហេដ្ឋារចនាសម្ព័ន្ធផ្លូវថ្នល់ ទូទាំងប្រទេស គឺជាការគិតគូរវែងឆ្ងាយរបស់រាជរដ្ឋាភិបាល ដើម្បីជំរុញការអភិវឌ្ឍសេដ្ឋកិច្ចជាតិ។

ថ្លែងក្នុងសន្និសីទសារព័ត៌មានស្តីពី វេទិកាម្ចាស់អាជីវកម្មកម្ពុជានាព្រឹកថ្ងៃទី២៩ ខែសីហា ឆ្នាំ២០២២កន្លងមក លោកបណ្ឌិតតាន់ មុនីវណ្ណ អនុប្រធានសភាពាណិជ្ជកម្មកម្ពុជា បានលើកឡើងថា ការអភិវឌ្ឍហេដ្ឋារចនាសម្ព័ន្ធផ្លូវ ស្ពាន និងវិស័យដឹកជញ្ជូន ជារឿងចាំបំផុត ក្នុងការជំរុញ និងទ្រទ្រង់ដល់វិស័យសេដ្ឋកិច្ច ព្រោះក្នុងការអភិវឌ្ឍសេដ្ឋកិច្ចនេះ ដោយទាមទារឱ្យមានការការតភ្ជាប់ ជាមួយប្រទេសក្នុងតំបន់ និងសកលលោក មិនអាចធ្វើតែម្នាក់ឯងបាននោះទេ។

លោកបណ្ឌិតតាន់ មុនីវណ្ណ បានមានប្រសាសន៍ថា “ហេដ្ឋារចនាស ម្ព័ន្ធទាំងអស់នេះ គឺជាផ្នែកធំសំខាន់បំផុត ដែលជំរុញដល់ការអភិវឌ្ឍសេដ្ឋកិច្ច ព្រោះការជំរុញសេដ្ឋកិច្ច មិនមែនតែយើងម្នាក់ឯងធ្វើទៅបានទេ គឺត្រូវការការតភ្ជាប់រវាងសេដ្ឋកិច្ចក្នុងតំបន់”។ លោកបន្តថា “វាគ្មានអ្វីក្រៅពីការប្រើប្រាស់ហេដ្ឋារចនាសម្ព័ន្ធនេះ ឱ្យអស់លទ្ធភាពទេ ត្រូវសហការជាមួយប្រទេសពាក់ព័ន្ធឱ្យបានលឿនបំផុត”។

ជាមួយគ្នានេះ លោក កឹម អឿន ស្ថាបនិក និងអគ្គនាយកសហគ្រាសអប់រំហូមឌូខេសិន បានមាន ប្រសាសន៍ថា ការដាក់ឱ្យប្រើប្រាស់ផ្លូវល្បឿនលឿនភ្នំពេញ- ក្រុងព្រះសីហនុ គឺជាការអភិវឌ្ឍហេដ្ឋារចនាសម្ព័ន្ធយ៉ាងសំខាន់ ក្នុងការជួយដល់ការអភិវឌ្ឍផ្នែកដឹកជញ្ចូន ដោយតភ្ជាប់ពីច្រកជាច្រើនទៅផ្លូវល្បឿនលឿននេះ ហើយច្រកទាំងអស់នោះ គឺជាដង្ហើមសេដ្ឋកិច្ច ។

លោកបន្តថា “ដូច្នេះយើងត្រូវត្រៀមខ្លួនចាប់យកឱកាស និងចូលរួមគិតពីកត្តាដែលអាចជះឥទ្ធិពលអវិជ្ជមានផងដែរ”៕

សណ្ឋាគារ និងផ្ទះសំណាក់ចំនួន៧០ភាគរយនៅកម្ពុជាបានបើកដំណើរការឡើងវិញ

ដោយៈ សុខុម

ភ្នំពេញ: សណ្ឋាគារ និងផ្ទះសំណាក់ប្រមាណ៧០%ក្នុងប្រទេសកម្ពុជា បានបើកដំណើរការឡើងវិញ បន្ទាប់ពីវិបត្តិកូវីដ-១៩ ថមថយទៅវិញ។ នេះបើយោងតាមរបាយការណ៍ របស់ក្រសួងទេសចរណ៍នៅថ្ងៃច័ន្ទ ទី២៩ ខែសីហា នេះ។

របាយការណ៍នេះបញ្ជាក់ថា សណ្ឋាគារ និងផ្ទះសំណាក់ប្រមាណ៥២០ទីតាំង ក្នុងចំណោមសណ្ឋាគារ និងផ្ទះសំណាក់សរុបចំនួន៧៣៩ទីតាំងនៅកម្ពុជា បានបើកដំណើរការឡើងវិញ ខណៈចំនួន១៩០កន្លែងបានបន្តផ្អាកអាជីវកម្មរបស់ខ្លួន ហើយ២៩ទីតាំងបានសម្រេចចិត្តបិទទ្វារ ជាអចិន្ត្រៃយ៍។

របាយការណ៍នេះបានបន្ថែមទៀតថា ទន្ទឹមនឹងនេះ ភោជនីយដ្ឋានប្រមាណ២.១៦៦ទីតាំង ឬស្មើនឹង៨៥,៦% នៃភោជនីយដ្ឋានទាំង២.៥២៩ទីតាំង បានបើកដំណើរការឡើងវិញមកទល់ពេលនេះ ខណៈភោជនីយដ្ឋានចំនួន៣៦៣ទីតាំង នៅផ្អាកដំណើរការ ឬបិទទ្វារនៅឡើយ។

លោកតុប សុភ័គ រដ្ឋលេខាធិការ និងជាអ្នកនាំពាក្យក្រសួងទេសចរណ៍មានប្រសាសន៍ថា ខេត្តសៀមរាប គឺជាខេត្តដែលរងផលប៉ះពាល់ធ្ងន់ធ្ងរជាងគេ ដោយអាជីវកម្ម៩០%ត្រូវបានផ្អាក ឬបិទទាំងស្រុងក្នុងរយៈពេល២ឆ្នាំចុងក្រោយនេះ។

ទោះជាយ៉ាងណាចំនួន៤៦% នៃអាជីវកម្មដែលរងផលប៉ះពាល់ទាំងនោះបានបើកឡើងវិញហើយ នៅពេលភ្ញៀវទេសចរអន្តរជាតិ បានកើនឡើងខ្លាំង បន្ទាប់ពីកម្ពុជា បើកព្រំដែនឡើងវិញ ដើម្បីស្វាគមន៍ភ្ញៀវទេសចរដោយមិនតម្រូវឱ្យធ្វើចត្តាឡីស័កចាប់តាំងពីខែវិច្ឆិកា ឆ្នាំមុន។

លោកបានបន្ថែមទៀតថា បច្ចុប្បន្នក្នុងមួយថ្ងៃៗមានភ្ញៀវទេសចរអន្តរជាតិប្រមាណ៥.០០០នាក់មកលេងកម្ពុជា ដោយក្នុងនោះរួមទាំងពី៧០០ទៅ៨០០នាក់ទៅលេងនៅខេត្តសៀមរាប ផងដែរ។

វិស័យទេសចរណ៍ គឺជាសសរស្តម្ភមួយ ក្នុងចំណោមសសរស្តម្ភសំខាន់ៗទាំង៤ ដែលជួយដល់សេដ្ឋកិច្ចរបស់កម្ពុជា។

យោងតាមក្រសួងទេសចរណ៍ឱ្យដឹងថា កម្ពុជា ទាក់ទាញបានភ្ញៀវអន្តរជាតិបានជាង៧៤០.០០០នាក់ ក្នុងរយៈពេល៧ខែដើមឆ្នាំ២០២២ ដោយកើនឡើង៥៦០% បើធៀបនឹងរយៈពេលដូចគ្នាក្នុងឆ្នាំ២០២១៕ Xinhua៕

ទីផ្សារលក់រាយសម្រុកចូលទៅភាគខាងត្បូង ខណៈអ្នកជំនាញបារម្ភពីការផ្គត់ផ្គង់លើសតម្រូវការ

ដោយៈ សុផារី

ភ្នំពេញៈ ការផ្គត់ផ្គង់ទីផ្សារលក់រាយ បានបន្តបង្ហាញវត្តមានបន្តបន្ទាប់គ្នានៅភាគខាងត្បូង នៃរាជធានីភ្នំពេញ ជាពិសេសនៅក្នុងខណ្ឌមានជ័យ ខណៈមានផ្សារទំនើបធំៗចំនួនបីរួចទៅហើយ។

ទិន្នន័យនេះត្រូវបានមើលឃើញថា អាចនឹងធ្វើឱ្យទីផ្សារលក់រាយនៅក្នុងទីតាំងខាងលើ ប្រឈមនឹងការផ្គត់ផ្គង់លើសពីតម្រូវការ។

គម្រោងផ្សារសហគមន៍មួយទៀត គឺគម្រោង60M community Mall ត្រូវបានបើកការដ្ឋានសាងសង់ នៅថ្ងៃទី២៨ ខែសីហា ឆ្នាំ២០២២ ដែលនឹងបំពេញបន្ថែមនូវតម្រូវការ នៃការប្រើប្រាស់ទីតាំងលក់រាយភាគខាងត្បូងនៃរាជធានីភ្នំពេញ។ យ៉ាងណាក្តី គម្រោងផ្សារទំនើបសហគមន៍មួយនេះនៅមិនទាន់បានបង្ហាញ អំពីទំហំទឹកប្រាក់វិនិយោគ និងផ្ទៃក្រឡាដីសាងសង់នៅឡើយទេ។

រហូតមកដល់ពេលនេះ ភាគខាងត្បូងរាជធានីភ្នំពេញ ជាទីតាំងប្រមូលផ្តុំនៃផ្សារទំនើបធំៗជាច្រើន រួមមាន គម្រោងផ្សារទំនើបជីបម៉ុង Mega Mall 271 ផ្សារទំនើប AEON 3 និងគម្រោងផ្សារទំនើបប៉េងហួត ជាដើម រួមទាំងគម្រោងផ្សារសហគមន៍ និងផ្សារលក់រាយខ្នាតមធ្យម និងខ្នាតតូចជាច្រើនទៀត។

របាយការណ៍របស់ក្រុមហ៊ុនអចលនទ្រព្យ CBRE Cambodia ដែលចេញផ្សាយនៅខែកក្កដាកន្លងមក បានឱ្យដឹងថា នៅចុងឆ្នាំ២០២២នេះ ការផ្គត់ផ្គង់ទីផ្សារទំនើប នៅក្នុងទីក្រុងភ្នំពេញ កើនឡើងស្ទើរតែពីរដង ខណៈអត្រាការិយាល័យលក់/ជួលរួច (occupancy rate) បានចំនួន៦៨,៤ភាគរយ ហើយការផ្គត់ផ្គង់ថ្មីនៅចុងឆ្នាំ២០២២នេះ ស្មើនឹង១៩ម៉ឺនម៉ែត្រការ៉េ។

អ្នកនាង ជិន ច័ន្ទដាលុច្ស ប្រធានផ្នែកវាយតម្លៃនៃក្រុមហ៊ុន CBRE Cambodia បានមានប្រសាសន៍ថា “គិតត្រឹមចុងឆ្នាំ២០២២នេះ ការផ្គត់ផ្គង់ផ្សារទំនើប នឹងមានចំនួន១៩ម៉ឺនម៉ែត្រការ៉េ ដោយភាគច្រើននៃការផ្គត់ផ្គង់ថ្មីនេះបានមកពីផ្សារទំនើបធំៗ ចំនួនពីរនៅភាគខាងត្បូង គឺ ផ្សារទំនើប AEON 3 និងផ្សារទំនើបជីបម៉ុង Mega Mall 271”។

លោកស្រី អាន សុធីតា អគ្គនាយិកាក្រុមហ៊ុន PropNex Cambodia បានមានប្រសាសន៍ឱ្យដឹងថា ការផ្គត់ផ្គង់ផ្សារទំនើបមានចំនួនច្រើន ដោយសារតែមានតម្រូវការច្រើន ប៉ុន្តែនៅក្នុងសម័យឌីជីថល ការតាំងលក់ទំនិញតាមអនឡាញ អាចលក់ដាច់ខ្លាំងជាងការលក់ នៅតាមតូបតាមផ្សារទៀតផង ដែលធ្វើឱ្យការអភិវឌ្ឍផ្សារទំនើបអាចជួបបញ្ហាប្រឈម នឹងធ្វើឱ្យអ្នកអភិវឌ្ឍន៍ផ្សារមួយចំនួន ពន្យារពេលអភិវឌ្ឍន៍ ឬធ្វើឱ្យផ្សារមួយចំនួនត្រូវអសកម្ម។

អ្នកជំនាញរូបនេះអះអាងថា បើប្រៀបធៀបនឹងបណ្ដាប្រទេសជិតខាងក្នុងតំបន់អាស៊ាន អំណាចនៃការទិញដូរនៅកម្ពុជានៅមានកម្រិត។ សម្រាប់ខណ្ឌមានជ័យ មានផ្សារទំនើបធំៗចំនួន៣ទីតាំង រួមមាន គម្រោងផ្សារទំនើបជីបម៉ុង ផ្សារទំនើប AEON 3 និងគម្រោងផ្សារទំនើបប៉េងហួត ត្រៀមនឹងដាក់ដំណើរការ។ ក្រោយពេលផ្សារទំនើបទាំង៣នេះ ដាក់ដំណើរការ នឹងធ្វើឱ្យការផ្គត់ផ្គង់លើសពីតម្រូវការ។

លោកស្រីបន្តថា “ការអភិវឌ្ឍផ្សារទំនើប គួរតែផ្អាកត្រឹមនេះសិន ដោយរង់ចាំមើលស្ថានភាពតម្រូវការ និងកំណើនប្រជាពលរដ្ឋបន្ថែមទៀត ហើយធ្វើយ៉ាងណាឱ្យផ្សារ ដែលមានស្រាប់នេះមានដំណើរការឡើងវិញ ឬមានសកម្មភាពកាន់តែខ្លាំង”៕

អាគារខ្ពស់ៗនៅរាជធានីភ្នំពេញកើនជាង១៦០០កន្លែង តើអ្វីជា ឱកាសនិងបញ្ហាប្រឈម

ដោយៈ គង់ សូរិយា

ភ្នំពេញៈ ឱកាស និងបញ្ហាប្រឈមកំពុងដើរទន្ទឹមគ្នា ស្របពេលរចនាសម្ព័ន្ឋ និងច្បាប់បទដ្ឋាននានារបស់រដ្ឋាភិបាល ហាក់ដើរយឺតជាងការអភិវឌ្ឍរបស់វិស័យឯកជន។

រាជធានីភ្នំពេញ បានផ្លាស់ប្តូរលឿនមួយរំពេច ដូចក្រុងព្រះសីហនុដែរ ប៉ុន្តែអ្វីៗមិនដូចគ្នាទេ ព្រោះអ្នកអភិវឌ្ឍន៍នៅរាជធានី មានមូលដ្ឋានវិភាគលំអិតជាង និងជារាជធានីនៃបណ្តុំសកម្មភាពសេដ្ឋកិច្ច នយោបាយ និងវប្បធ៌មចម្រុះព៌ណ។

ឆ្លើយតបនឹងកំនើនប្រជាសាស្រ្ត នគរូបនីយកម្ម និងសំណង់ សម្រាប់អ្នករៀបចំផែនការអភិវឌ្ឍន៍ រាជធានីភ្នំពេញ តើអ្នកទាំងនោះត្រូវយកចិត្តទុកដាក់ទៅលើគុណភា ពនៃហេដ្ឋារចនាសម្ព័ន្ធ ហើយផែនការត្រូវតែបង្កើតឡើង និងអនុវត្តដើម្បីធានាតុល្យភាព រវាងដង់ស៊ីតេដែលចេះតែកើនឡើងដែរឬយ៉ាងណា?។

ស្របពេលការបែកចែកZoneនៃការអភិវឌ្ឍ និងការបែកចែកប្លង់ប្រើប្រាស់ដីលំអិតមិនទាន់ច្បាស់លាស់ បានធ្វើឲ្យការអភិវឌ្ឈន៍រាជធានីនេះ មានសភាពមិនទាន់រៀបរយនៅឡើយ។

ផែនការដែលគួរគិតគូរ និងជាអ្វីដែលស្ថិតក្នុងអាទិភាព គួររួមបញ្ចូលរឿងមួយចំនួនដូចជា ទីធ្លាបៃតង ផ្លូវថ្មើរជើងដែលមានភាពងាយស្រួល និងសុវត្ថិភាព និងបទបញ្ញាត្តិនានាដើម្បីធានាថា រាជធានីភ្នំពេញមានធាតុផ្សំនានា សម្រាប់លើកកំពស់គុណភាពនៃជីវិត ដែលបណ្តាទីក្រុងផ្សេងៗក្នុងតំបន់បានបង្កើតរួចមកហើយ។

គុណភាពខ្យល់មិនល្អ ការកើនឡើងកម្តៅដោយសារបេតុង និងតំបន់ផ្ទៃខាងលើនៃផ្លូវដើរ ព្រមទាំងសុវត្ថិភាពអ្នកថ្មើរជើង នៅលើចិញ្ចើមផ្លូវ គឺសុទ្ធតែជាផ្នែកនៃគុណភាពជីវិត ដែលយើងជួបប្រទះជារៀងរាល់ថ្ងៃនៅរាជធានីភ្នំពេញ ហើយត្រូវការការដោះស្រាយឲ្យបានលឿនបំផុត។

ឧទាហរណ៍ ដូចជា ទីក្រុងហុងកុង និងសឹង្ហបូរី ទីក្រុងទាំំងពីរនេះសុទ្ធតែមានផ្លូវថ្មើរជើងសមរម្យ ដើម្បីផ្តល់មធ្យោបាយងាយស្រួល និងសុវត្ថិភាពសម្រាប់អ្នកថ្មើរជើង។ សំខាន់ជាងនេះទៀត ផ្លូវថ្មើរជើងទាំងនេះ អាចកាត់បន្ថយការពឹងអាស្រ័យ ទៅលើយាន្តជំនិះសម្រាប់ការធ្វើដំណើរ។

នៅពេលរាជធានីភ្នំពេញកាន់តែចង្អៀត ការកក់ស្ទះចរាចរណ៍ប្រាកដណាស់ថាបាននិងកំពុងកើនឡើង និងមានសភាពកាន់តែអាក្រក់ ដោយសារការបើកបរអាណាធិបតេយ្យ ប្រជាជនមិនចេះប្រើប្រាស់ផ្លួវ ការអប់រំ និងអនុវត្តន៍ច្បាប់ចរាចរណ៍ផ្លូវគោកនៅមានកម្រិតជាដើម។

ការបង្កើនបទបញ្ញាត្តិ លើការបំភាយឧស្ម័នពីយាន្តជំនិះទាំងថ្មី និងចាស់ គឺអាចបង្កើនគុណភាពខ្យល់អាកាស របស់ទីក្រុងបានយ៉ាងច្រើន។ លើសពីនេះទៀត ការកសាងប្រព័ន្ធដឹកជញ្ជូនដ៏ធំ គឺជាការចាំបាច់ ដើម្បីលើកទឹកចិត្តឲ្យមនុស្សដើរកាន់តែច្រើន ដោយសារពួកគេអាចជិះរថភ្លើង និងបន្តដំណើររបស់ពួកគេដោយថ្មើរជើងបាន។

គំនិតផ្តួចផ្តើមជាសាធារណៈ លើផែនការអភិវឌ្ឍន៍ប្រព័ន្ធដឹកជញ្ជូនដ៏ធំ អាចនាំទៅរកមធ្យោបាយងាយស្រួល និងសុវត្ថិភាពសម្រាប់មនុស្សធ្វើដំណើរទៅមក ដោយគ្មានគ្រោះថ្នាក់ពីយានជំនិះ និងអាចកាត់បន្ថយការបំពុលបរិស្ថាន ស្របពេលដែលមនុស្សអាចប្រើរថភ្លើង ដើម្បីទៅកាន់ទីតាំងគោលដៅរបស់ពួកគេ។

ចំណុចដ៏ធំមួយទៀត នៃការលើកកំពស់គុណភាពជីវិតនៅរាជធានីភ្នំពេញ គឺជាការធានាថា ទីធ្លាបៃតងត្រូវបានគិតគូរជាចម្បង ដើម្បីគាំទ្រដល់ចំនួនប្រជាជន ដែលកំពុងមានកំណើនកាន់តែខ្ពស់ ដែលរស់នៅក្នុងទីក្រុង។

ការរៀបចំឲ្យមានទីធ្លាបៃតងកាន់តែច្រើន ជាចាំបាច់ណាស់សម្រាប់ប្រជាជនមានកន្លែងលំហែរ និងហាត់ប្រាណ ដែលនេះគឺមានសារៈសំខាន់សម្រាប់សុខភាព និងសុខុមាលភាពនៃទីក្រុង។

ទីក្រុងភ្នំពេញគឺត្រូវបានគេចាត់ទុកថា ជាតំបន់ដែលមានទីធ្លាបៃតងទាបជាងគេ ក្នុងមួយកាពីតាក្នុងតំបន់អាស៊ាន។

ទោះជាយ៉ាងណាក៏ដោយ ការផ្តល់ទីធ្លាបៃតង គឺប្រហែលជារឿងពិបាកបំផុតសម្រាប់ទីក្រុងនីមួយៗ គឺដោយសារវាត្រូវប្រើដី សម្រាប់គោលបំណងដែលមិនមានចំណូល និងក្នុងពេលតែមួយ ត្រូវការការថែទាំយ៉ាងច្រើន។

តាមរយៈការរៀបចំផែនការដោយត្រឹមត្រូវ ដីសម្រាប់ទីធ្លាបៃតង ត្រូវបម្រុងទុកនៅកន្លែងដែលមាន។ ការបើកទីធ្លាទំនេរ ឬរោងចក្រ ឧទាហរណ៍ ឲ្យទៅជាសួនសាធារណៈ នឹងជួយបង្កើនចំនួនទីធ្លាបៃតង ក្នុងមួយកាពីតានៅទីក្រុងភ្នំពេញ។

ដើម្បីធ្វើរឿងទាំងអស់នេះ អាជ្ញាធរត្រូវបង្កើតកន្លែង ដែលមានផាសុខភាពល្អ ដើម្បីធានាថា កន្លែងទាំងនោះអាចទាកទាញ និងរក្សាសមត្ថភាព ដែលត្រូវការសម្រាប់ទីក្រុងភ្នំពេញ ដើម្បីជំរុញសេដ្ឋកិច្ចឲ្យឆ្ពោះទៅមុខកាន់តែលឿន និងមានភាពប្រសើរឡើងទាំងជីវភាព និងសុខមាលភាពរបស់ប្រជាពលរដ្ឋ៕

តើវិនិយោគអចលនទ្រព្យបែបណា និងគួរសិក្សាបែបណាដើម្បីទទួល បានជោគជ័យ

ដោយៈ គង់ សូរិយា

ភ្នំពេញៈ អ្នកជំនាញបានលើកឡើងជារឿយៗ លើមូលដ្ឋានជាច្រើន ដើម្បីសម្រេចបានជោគជ័យលើវិស័យអចលនទ្រព្យ។

លោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យCPL បាមមានប្រសាសន៍ឲ្យដឹងកាលពីពេលថ្មីៗថា ការចាប់ផ្តើមជីវិតអាជីវកម្មលើវិស័យអចលនទ្រព្យ មិនមែនជារឿងងាយស្រួលពេកទេ ក្នុងការធ្វើឱ្យសម្រេចបានជោគជ័យលើវិស័យនេះ ប៉ុន្តែលោកបានផ្តល់នៅគន្លឹះសំខាន់ៗចំនួន៣ ដែលជាបទពិសោធន៍ផ្ទាល់ខ្លួន ដែលធ្វើឱ្យក្រុមហ៊ុនលោកអាចឈរជើង នៅក្នុងវិស័យអចលនទ្រព្យមកដល់សព្វថ្ងៃនេះ។

គន្លឹះសំខាន់ៗទាំងនោះ ដែលគួរសិក្សា និងពិចារណារួមមានដូចជា

១.ធ្វើអ្វីគិតពីគុណភាពខ្ពស់

នៅក្នុងវិស័យអចលនទ្រព្យ មានផ្នែកជាច្រើនខុសៗគ្នា។ ហេតុនេះយើងជាភ្នាក់ងារអចលនទ្រព្យ ឬចង់វិនិយោគក្នុងវិស័យនេះ គឺចាំបាច់ត្រូវគិតជាមុនគឺគុណភាពជាចម្បង ពិសេសរាល់ដំណើរប្រតិបត្តិការ ទៅលើការទិញ លក់ ជួល និងវាយតម្លៃអចលនទ្រព្យ ដ៏ស្ទាត់ជំនាញនៅក្នុងទីផ្សារអចលនទ្រព្យប្រកបដោយប្រសិទ្ធភាព ដើម្បីបញ្ចៀសបាននូវហានិភ័យចំពោះមុខចំពោះអតិថិជន។

ហេតុនេះ បើយើងរកស៊ីក្នុងវិស័យអចលនទ្រព្យ អ្វីត្រូវគិតជាមុននោះ ទើបកសាងការទំនាក់ទំនង ដ៏យូរអង្វែងជាមួយគ្រប់ដៃគូអាជីវកម្មនានា។

២.សេវាកម្មល្អ

មុខរបរបម្រើសេវាកម្មអចលនទ្រព្យនេះ មិនចាំបាច់ប្រើដើមទុននោះទេ សំខាន់ត្រង់ថា យើងស្រលាញ់ការងារនេះ ធ្វើចេញពីចិត្ត ពីបេះដូង អត់ធ្មត់តស៊ូជាមួយការងារ នោះជាមូលដ្ឋានគ្រឹះ ដើម្បីឆ្ពោះទៅរកភាពជោគជ័យ។

លោកឧកញ៉ាចេង ខេងបានប្រាប់ថា មានមនុស្សជាច្រើននាក់មកហើយ ដែលមានលុយរាប់លានដុល្លារ រកស៊ីក្នុងវិស័យនេះទទួលនូវភាពបរាជ័យ។ ដោយសារតែពួកគេទាំងអស់នោះធ្វើតាមគេ ឃើញគេបើកអាជីវកម្ម បម្រើសេវាកម្មដីធ្លីក៏បើកតាមគេ ដោយមិនបានសិក្សាច្បាស់លាស់ ហើយក៏មិនដាក់ចិត្តធ្វើចេញពីបេះដូងពិតប្រាកដដែរ។

លោកបញ្ជាក់ថា កាលពីលោកបើកជំនួញ សេវាកម្មអចលនទ្រព្យមួយនេះ លោកគ្មានលុយ គ្មានធនធានមនុស្សគ្រប់គ្រាន់ទេ ប៉ុន្តែដោយសារការស្រលាញ់ពេញចិត្ត និងការតាំងចិត្តខ្ពស់របស់គាត់ ទើបធ្វើឲ្យក្រុមហ៊ុនលោកទទួលបានជោគជ័យមកដល់ពេលនេះ។

៣.ភាពជឿទុកចិត្តខ្ពស់

មុខរបរបម្រើសេវាកម្មអចលនទ្រព្យនេះ លោកថាគឺមានភាពផុយស្រួយណាស់។ យើងធ្វើការជាមួយចិត្តនិងចិត្ត គេចង់បានអី យើងបម្រើទៅតាមសេចក្តីត្រូវការរបស់អតិថិជន ថែរក្សាអតិថិជន កុំឲ្យថ្នាំងថ្នាក់ចិត្ត បម្រើឲ្យមានប្រសិទ្ធភាព។ បើនិយាយរឿងការងាររកស៊ី មុខជំនួញណាក៏មានការប្រកួតប្រជែងគ្នាដែរ ប៉ុន្តែមុខជំនួញអចលនទ្រព្យ លោកគិតថា មានការប្រកួតប្រជែងគ្នាខ្លាំងជាងគេ។

ដោយសារយើងរកស៊ីក្នុងវិស័យនេះ ភាគច្រើនទាក់ទងតែជាមួយអ្នកដែលមានលុយ អ្នកមានមុខមាត់នៅក្នុងសង្គម។ ពួកគាត់ទាំងនោះ ចង់បានអ្វីដែលល្អ មានគុណភាព ដូច្នេះ យើងចាំបាច់ត្រូវផ្តល់នូវទំនុកចិត្តខ្ពស់ដល់អតិថិជន។

បើសិនជាអ្នកវិនិយោគ នៅក្នុងវិស័យអចលនទ្រព្យ ប្រកាន់នៅគន្លឹះ ទាំង៣ចំណុច នោះនឹងទាក់ទាញប្រជាប្រិយភាព ការជឿទុកចិត្ត គាំទ្រពីអតិថិជន ដែលធ្វើអ្នកធ្វើជំនួញជោគជ័យមិនខានឡើយ៕

តើអ្នកជំនាញសិក្សាពីអ្វីខ្លះដើម្បីរៀបចំប្លង់គោលទាក់ទងនឹង ប្រជាសាស្រ្ត សេដ្ឋកិច្ចសង្គម

ដោយៈ គង់ សូរិយា

ភ្នំពេញៈ ចក្ខុវិស័យច្បាស់លាស់មួយត្រូវបានគិតគូរ និងប្រមើលមើលលើបរិបទជាតិ តំបន់ និងពិភពលោក។

ហេតុនេះការសិក្សាលើកត្តានានា ដើម្បីរៀបចំគម្រោងប្លង់គោលការសិក្សាអំពីប្រជាសាស្ត្រ សេដ្ឋកិច្ច-សង្គមកិច្ច អ្នកជំនាញបានសិក្សានិងវិភាគលើចំណុចសំខាន់ៗជាច្រើនដូចជា ទី១ ការសិក្សាអំពី ការគ្រប់គ្រងហិរញ្ញវត្ថុ និង រដ្ឋបាលទីក្រុង។ ទី២ ការសិក្សាអំពីប្រព័ន្ធហេដ្ឋារចនាសម្ព័ន្ធ និងបណ្ដាញគមនាគមន៍ ទី៣ ការសិក្សាអំពីប្រព័ន្ធធារាសាស្ត្រទីក្រុង។

ទី៤ ការសិក្សាអំពីប្រភេទនៃការប្រើប្រាស់ដីធ្លី និង ទីផ្សារដីធ្លី និងលំនៅឋាន ទី៥ ការសិក្សាអំពីប្រព័ន្ធបៃតង និងទេសភាពទីក្រុង។ ទី៦ ការសិក្សាអំពីរូបសាស្ត្រ នៃការវិវត្តន៍នគរូបនីយកម្ម និងសំណង់។ ទី៧ ការសិក្សាអំពីបេតិកភណ្ឌប្រវត្តិសាស្ត្ររាជធានីភ្នំពេញ និងទី៨ ការសិក្សាអំពីលទ្ធភាពអភិវឌ្ឍន៍ ប្រកួតប្រជែងជាមួយទីក្រុងនានា ក្នុងតំបន់អាស៊ាន៕

1...1,2781,2791,280...3,262 Page 1,279 of 3,262